Үйдүн эң арзаны кайда сатылат? Кыргызстандыктар үчүн рейтинг
(жаңыланган 17:07 13.06.2019)
Өлкөдө чарчы метри үч миң сомдон ашпаган райондор бар. Мисалы, Талас облусундагы Манас районунан эки бөлмөлүү батирди эски унаанын баасына — 2 миң долларга сатып алса болот.
Sputnik Кыргызстан агенттигинин кабарчылары Кыргызстандын кайсы жеринде эң арзан жана эң кымбат кыймылсыз мүлк сатыларын Мамлекеттик каттоо кызматынын алдындагы Кадастр жана кыймылсыз мүлккө карата укуктарды каттоо департаментинин акыркы жылдагы маалыматтарын изилдөө менен аныктады.
Күтүлгөндөй эле эң кымбат батирлер Бишкекте болуп чыкты. Мында батирдин чарчы метри орточо эсеп менен 52 миң сомду түзөт. Тагыраагы, 105-сериядагы эки бөлмөлүү батир болжол менен 37 миң доллар турат.
"Күмүш" медаль Чүй облусундагы Аламүдүн районуна берилди. Мында батирдин чарчы метри 33,7 миң сомду түзөт (эки бөлмөлүү батир болжол менен 24 миң доллар турат).
Үчүнчү орунда Ош шаары. Анда батирдин чарчы метри 32 миң сомго бааланат. Мисалы, 105-сериядагы эки бөлмөлүү батирди болжол менен 23 миң долларга алса болот.
Ал эми эң арзан баалар Талас облусундагы Казакстан менен чектешкен Манас районунда экени белгилүү болду. Анда батирдин чарчы метри 2,7 миң сом эле (эки бөлмөлүү батир болжол менен 2 миң доллар).
Талас районунда баалар бир аз кымбатыраак — чарчы метри 3,3 миң сом. Демек, эки бөлмөлүү батирди 2,4 миң долларга алса болот.
Эң кымбат жер үйлөр дагы Бишкекте жайгашкан. Борбор калаада тамдын чарчы метри 51 миң сомго бааланат. Эгер 100 чарчы метрлик үй ала турган болсоңуз, 73 миң доллар керек болот.
Экинчи орунда Ош шаары. Анда үйлөр 40 пайызга арзаныраак. 100 чарчы метрлик начар абалдагы үйдү 44 миң долларга алса болот.
Чүй облусуна караштуу Аламүдүн районундагы үйлөрдүн чарчы метри 28,4 миң сомдон айланат. Бир үйдү 40,6 миң долларга алса болот.
Эң арзан үйлөр Ош облусундагы Кытай менен чектешкен Алай районунда. Анда үйдүн чарчы метри 1949 сом. Демек, 100 чарчы метрлик үйдү 2,8 миң долларга алууга мүмкүн.
Жетекчиңиз сизге кандай жөлөк пулдарды төлөшү керектигин дагы билип алыңыз.
Бишкек менен Ошто ижарага берилчү батирлердин ушул аптадагы баасы. Инфографика
Sputnik Кыргызстан агенттигинин кабарчысы жума сайын Бишкек жана Оштогу батирдин ижара акысына ачык маалыматтар аркылуу байкоо салып турат.
Бул аптада борбордон эмереги жок бир бөлмөлүү батирди 9 миңден 13 миңге чейин, эмереги менен 10 миңден 20 миңге чейин ала аласыз. Баага үй жайгашкан район жана жасалгасы таасир этет.
Ал эми эки бөлмөлүүлөр 12 миңден 21 миңге, үч бөлмөлүү батирлер 16 миңден 40 миңге чейин болууда.
Ошто эмереги жок бир бөлмөлүү батирлер жети миңден сегиз миңге чейин, эмереги бары жети миңден он алты миңге жетүүдө. Эки бөлмөлүү батирди сегиз миңден 20 миңге чейин, үч бөлмөлүүлөрдү жети миңден 30 миңге чейин тапса болот.
Белгилер:
15 сомго кымбаттаптыр. 2020-жылдагы доллардын курсу. Инфографика
(жаңыланган 15:32 16.10.2020)
Кыргызстандыктардын көбүнүн көңүлү азыр өлкөдөгү саясий кырдаалга эле эмес, улам кымбаттап бара жаткан валюта рыногуна да бурулууда. 2020-жылдын ичинде республикада доллардын курсу кандай өзгөргөнүнө көз жүгүрттүк. 
©
Sputnik / Даниил Сулайманов
Бүгүн, 16-октябрда, жеке банктарда доллардын баасы 81,7-81,85 сом болду. Бир жылда америка акчасы биринчи жолу көтөрүлүп жаткан жок. Эске салсак, 2020-жылдын биринчи январында доллар 65 сомдон сатылса, ал эми жазда 85 сомго чыгып кеткен. Буга бир четинен эпидемиологиялык абал да таасир этти. Жайында доллар бир аз түшүп, 75тен 78 сомго жеткен. Ал эми күзгө таяп, кайрадан өстү.
Ал эми 5-13-октябрдагы элдик толкундоолор учурунда “жашыл акчанын” баасы кайрадан кымбаттады. Кыргызстандын Улуттук банкы доллардын өсүп кетишине SWIFT системасы жана ага альтернатива болгон башка каналдар боюнча эл аралык операциялардын убактылуу токтоп калганы себепкер болгондугун айтты.
"Бул кыска мөөнөттүк секирик десек болот. Анткени кечээ эле эл аралык төлөмдөр жандандырылды, ошондой эле өлкөдөгү кырдаал да себепкер болууда. Азыркы тапта банк системасында чет өлкөлүк валюта жетиштүү көлөмдө, доллардын кымбатташына сырткы факторлор таасир эткен жок", — деп айтылат маалыматта.
Улуттук банк өлкөнүн ичиндеги жана тышындагы финансы рыногуна тыкыр көз салып тургандыгын, зарылдык жаралса тиешелүү операциялар жүргүзүлөрүн айткан.
Белгилер:
Ноябрда Чолпон-Атада көк бөрү боюнча президенттин кубогу өтөт. Программасы
(жаңыланган 17:14 23.10.2020)
Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу жылган болчу.БИШКЕК, 23-окт. — Sputnik. Ушул жылдын 3-ноябрынан 8-ноябрына чейин Чолпон-Ата шаарынын ат майданында өлкөнүн Эгемендүүлүк күнүнө арналган көк бөрү боюнча КР президентинин кубогу өтөт. Бул тууралуу Жаштар иши, дене тарбия жана спорт агенттиги кабарлады.
Ага ылайык, сыйлыктар жогорку жана I лиганын командаларынын арасында ойнотулат.
Жылда өтүп жүргөн көк бөрү боюнча президенттин кубогунун алкагында ат чабыш, эр эңиш жана салбурун боюнча мелдештер пландалган.
Программасы:
- 3-7-ноябрь — көк бөрү боюнча турнирдин алдын ала беттештери;
- 7-ноябрь — көк бөрү боюнча 3-орун үчүн кармаштар жана эр эңиш, салбурун боюнча мелдештер;
- 8-ноябрь — көк бөрү боюнча финалдык мелдештер, эр эңиш, салбурун, ат чабыш боюнча мелдештер.
Аталган мелдеш жыл сайын 31-августта, Кыргызстандын эгемендүүлүк күнүндө өтүп келген. Быйыл эпидемиологиялык абалга байланыштуу адегенде октябрь айына жылдыруу чечими кабыл алынган болчу.
"Келатыр, сай күлүк"! Жамбылда кыргыз күлүгү лимузин утту. Видео
Өткөн жылы Чолпон-Ата шаарындагы ат майдандагы мелдеште "Достук" (Ош) менен "Ынтымак" (Талас) командалары финалга чыгып, 3:2 эсебинде Оштун командасы жеңишти илип кеткен.
Үчүнчү байгелүү орунду Чүйдүн "Сары-Өзөнү" ээлеген.
Белгилер: