Ысык-Көлдү кайсы жырткычтар байырларын билчү белеңиз? Табышмактуу көл тууралуу

5897
(жаңыланган 12:00 21.06.2019)
Sputnik Кыргызстан агенттигинин командасы Жер планетасындагы укмуштуудай Ысык-Көлдүн алдындагы дүйнө менен тааныштырат.

Ысык-Көлгө 80ден ашык дарыя куят, ошол эле учурда бири дагы кайра агып чыкпайт. Дүйнөлүк рейтингде эң чоң көлдөрдүн ичинен 25-орунда. Ал эми Жер планетасындагы эң терең көлдөрдүн арасынан жетинчи сапта турат.

Мында судак, севан форели, ал эле эмес, кубулма форель сыяктуу жырткыч балыктар бар. Булардын адамдар үчүн эч кандай кооптуулугу жок. Бирок көлдөгү жандыктар үчүн чоң коркунуч жаратат. Так ушул себептен Ысык-Көл акваториясында кубулма форелди багууга тыюу салынат.

Ысык-Көлдүн сыры ушуну менен эле бүтүп калбайт. Көлдүн терең катмарында Тимурдун сарайы бар экенин билчү белеңиз? Уламыш боюнча улуу аскер башчысы байлыктарын ошол сарайында сактачу экен.

5897
Белгилер:
форель, жырткыч, Ысык-Көл, Кыргызстан
Тема боюнча
Депутат: беш саат Ысык-Көл астында сүзүп бир да балык көргөн жокмун
Кыргызстан Россияга балык экспортунун көлөмүн 1 млрд. рублге жеткирет

Бишкектеги азык-түлүктүн баасы башка борбор калаалар менен салыштырылды

214
Улуттук статистика комитетинин адистери негизги азык-түлүктөрдүн баасы Бишкек, Москва, Нур-Султан жана Минск шаарларында канча турарын салыштырды. Айырмасын Sputnik инфографикасынан көрүңүз.
Бишкек жана башка борбор калаалардагы  азык-түлүктүн баасы

Кыргызстан, Россия, Казакстан жана Беларустун борбор калааларында азык-түлүктүн апрель айына карата орточо чекене баасы боюнча Улуттук статистика комитети мониторинг жүргүздү.

Жыйынтыгында Бишкекте жууган май арзаныраак экени белгилүү болду. Тагыраагы, шаар тургундары бул майдын бир килограммын 320 сомго (3,8 доллар) сатып алат. Москвада бул азык үч эсе кымбат.

Ошол эле учурда Кыргызстанда жумуртканын 10 даанасы орто эсеп менен 106 сомдон сатылып жатса, Москвада бул товар 101 сом деп бааланып жаткан.

Уй эти, сүт жана жумурткага эң арзан баа Минск шаарында катталган. Нур-Султан шаарынын тургундары башка үч калаанын жашоочуларына салыштырмалуу нан менен жумуртканы арзан сатып алат. Анткен менен Бишкекте биринчи сорттогу ун баарынан арзан, килограммы 39 сом.

Баалардан тышкары адистер төрт шаардын тургундарынын сатып алуу мүмкүнчүлүктөрүн салыштырып көрдү. Бишкек үч шаардан тең артта калды. Мисалы, апрель айында Бишкекте бир кишинин орточо айлыгына 60 килограмм уй этин сатып алууга болсо, Москванын тургуну бир айлык маянасына 227 килограммдан ашык эт сатып алууга дарамети жетмек. Нур-Султандыктар бир айлыгына 2 тоннадан ашык картошка сатып алса, бишкектиктер 740 гана килограмм алууга мүмкүнчүлүгү жетет.

214
Белгилер:
баа, азык-түлүк, Минск, Нур-Султан, Москва, Бишкек
Тема боюнча
Быйыл жашылча-жемиш былтыркыдан азыраак жыйналууда

Батир сатып алганы жатасызбы? Бишкектеги үйлөрдүн майдагы баасы

279
2021-жылдын май айында Бишкекте ичин ээси жасап ала турган үч бөлмөлүү батирлер (апрель айына салыштырмалуу) арзандады. Эки бөлмөлүү "элиткалар" башкаларга салыштырмалуу кымбаттады.
Бишкекте сатылган батирлердин баасы

Sputnik Кыргызстан ай сайын ачык булактар аркылуу Бишкектеги батирлердин баасына көз жүгүртүп турат. Биз баалардын диапазонун жана түрдүү типтеги (104, 105 жана 106-серия, "хрущевка", индивидуалдуу) бир, эки жана үч бөлмөлүү батирлердин орточо баасын көрсөтүп беребиз. Мындан сырткары, ээси өзү жасай турган "элитка" тибиндеги батирлердин баасын дагы биле аласыздар.

Бул материалды даярдоо үчүн 1 435 жарыяга анализ жасалды.

2021-жылдын май айында борбор калаадагы батирлердин орточо баасы бир аз төмөндөдү. Мисалы, бир бөлмөлүү "хрущевкалар" орто эсеп менен 1 300 долларга арзандады. Жеке типтеги үч бөлмөлүү батирлерге болгон баа 4 100 долларга түштү.

Баарынан да ичин ээси жасап ала турган эки бөлмөлүү батирлер кымбаттаса, ушул эле категориядагы үч бөлмөлүү үйлөр арзандаган.

Ачык булактардагы маалыматтарга караганда, майда бир бөлмөлүү батирдин орточо баасы төмөнкүчө болду:

  • 104-серия — 30 300 доллар (26 800дөн 36 500гө чейин);
  • 105-серия — 30 600 (26 500 — 36 500);
  • 106-серия — 31 700 (26 500 — 37 500);
  • "хрущевка" — 25 400 (19 500 — 35 500);
  • Жеке типтеги батирлер — 29 400 (от 20 500 до 46 400);
  • Ичин ээси жасап алчу "элиткалар" — 34 000 (20 000 — 61 000).

Эки бөлмөлүү батирлердин орточо баасы:

  • 104-серия — 36 400 доллар (24 000 — 45 500);
  • 105-серия — 40 900 (25 500 — 53 000);
  • 106-серия — 44 350 (31 400 — 57 500);
  • "хрущевка" — 32 400 (26 500 — 41 500);
  • Жеке типтеги батирлер — 41 500 (22 000 — 89 000);
  • Ичин ээси жасап алчу "элиткалар" — 50 700 (24 000 — 103 000).

Үч бөлмөлүү батирлердин орточо баасы:

  • 104-серия — 43 500 доллар (33 000 — 56 000);
  • 105-серия — 52 800 (34 500 — 82 500);
  • 106-серия — 55 600 (42 800 — 79 000);
  • "хрущевка" — 42 800 (37 600 — 48 500);
  • Жеке типтеги батирлер — 52 800 (от 27 500 до 90 500);
  • Ичин ээси жасап алчу "элиткалар" — 77 500 (от 38 000 до 170 000).
279
Белгилер:
сатып алуу, баалар, батир, Бишкек
Жылдыздуу асман. Архив

Июндун аягында кыргызстандыктар жылдыз жааган түнгө күбө болот

0
(жаңыланган 11:18 13.06.2021)
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

БИШКЕК, 13-июн. — Sputnik. 28-июнга караган түнү Июнь Боотиддеринин метеордук агымы өзүнүн жогорку чегине жетет. Бул тууралуу Москва планетарийинен кабарлашты.

Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы
© Фото / Институт космических исследований Российской академии наук, Роскосмос
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

Жылдыздардын акыркы активдүү учканы 1998 жана 2004-жылдары байкалган. Ачык булактардагы маалыматтарга караганда, Боотиддер атмосфера аркылуу өтүп бара жатып жарылып, жарык чыгарган учурлар дагы болот.

Июнь Боотиддери — жылдыздардын 1916-жылы ачылган агымы. Жыл сайын 26-июндан 2-июлга чейин байкалат.

0
Белгилер:
аалам, июнь, учуу, жылдыз, асман
Тема боюнча
Кытай алгачкы жолу Марска космостук аппаратын кондурду