Кыргызстан тыгыз соода кылган 10 мамлекет. Алты жылда рейтинг кандай өзгөрдү

383
(жаңыланган 17:58 29.07.2019)
Алдыңкы үч сапта Кытай, Россия жана Казакстан турат. 2013-жылы Швейцария төртүнчү орунда болсо, азыр бул мамлекет менен дээрлик соода-сатык жок.

Кыргызстандын башка мамлекеттер менен соода алакасы кандай өзгөргөнүнө Sputnik агенттигинин кабарчысы Улуттук статистика комитетинин маалыматтарын карап саресеп салып көрдү. Ага ылайык, акыркы алты жылда сап башындагы мамлекеттердин катары бир аз өзгөргөн.

Мисалы, буга чейин тизмеде Россия биринчи болсо, азыр алдыңкы сапта Кытай турат. Учурда Кытайда өндүрүлгөн товарлар Кыргызстанга көп кирип жатканы менен жергиликтүү товарлар Кытайга дээрлик сатылбайт.

Экинчи орунда Россия турса, үчүнчүнү Казакстан ээлеген. 2013-жылы соода-сатык жаатында Швейцария төртүнчү орунду ээлесе (Кыргызстандан алтын сатып алчу), азыр төртүнчү орунда Улуу Британия турат. Бул мамлекет дагы Кыргызстандын баалуу металлдарына кызыгат.

Бешинчи орунда Өзбекстан менен Түркия. Ал эми АКШ менен болгон соода-алаканын көлөмү 93 миллион доллардан 33 миллион долларга чейин азайган. Бүгүнкү күнү АКШ Украинадан кийин сегизинчи орунда турат.

Тогузунчу орунда Тажикстан болсо, онунчу сапты Германия ээледи. Немистер менен болгон сооданын көлөмү 90 миллион доллардан 26 миллион долларга чейин төмөндөгөн.

 

383
Белгилер:
сатык, соода, инфографика, экономика, Улуттук статистика комитети

Булар менен дүйнө сыймыктанчу! Олимпиаданы багынткан 8 кыргыз спортчусу

84
(жаңыланган 14:06 15.07.2020)
40 жыл мурда кыргыз спортунда гүлдөгөн мезгил болгон. Кыргыз ССРинде туулуп-өскөн бир эмес сегиз адам дароо Олимпиада медалын тагынышкан. Унутулгус учурду эсиңиздерге салууну чечтик.

Советтик Кыргызстандан чыккан сегиз спортчу Москвадагы Олимпиадада кантип жеңишке жеткенин Sputnik агенттиги даярдаган видеоинфографикадан көрө аласыздар.

Жүрөк тилген видео! Аталардын Улуу Ата Мекендик согуштагы эрдиги

Кыргыз спортунун ошол кездеги жылдыздары Александр Мелентьев, Татьяна Колпакова, Каныбек Осмоналиев, Александр Блинов, Александр Панфилов, Николай Чернецкий, Сатымкул Жуманазаров, Александр Абушахметовдор эле.

Бардыгы биригип беш алтын, эки күмүш жана бир коло медаль алышкан. Кыргыз спортчуларынын арасында мындай ийгилик Олимпиадага чейин да, андан кийин да боло элек. Москвадагы спорт оюндары кыргыз спорту үчүн чындыгында чоң жетишкендик алып келген.

84
Белгилер:
жетишкендик, медаль, спорт, олимпиада, Москва, Кыргызстан
Тема:
Москвадагы Олимпиада-80
Тема боюнча
КМШ өлкөлөрүнүн биринчи спорттук турнирин сентябрда өткөрүү пландалууда

Кыргызстандагы айдоочулар тууралуу кызыктуу фактылар

831
Кыргызстанда рулга отурган эркектер менен аялдардын саны канча, кайсы курактагылар автоунаа айдоону үйрөнүүгө көбүрөөк кызыгат. Sputnik Кыргызстан дал ушул темада инфографика даярдады.

Кабарчылар Мамлекеттик каттоо кызматынын маалыматтарына анализ жүргүзүп, айдоочулук күбөлүктөр 2017-жылы көп берилгенин аныктады. Андан кийин 2018-жылы 131 666 күбөлүк берилсе, 2019-жылы эки эсе кыскарып, 70 393тү түзгөн.

Жалпысынан алганда учурда 1 миллион 622 миң 109 кыргызстандыктын айдоочулук күбөлүгү бар. Анын 17 пайызын аялдар түзөт.

831
Белгилер:
факты, айдоочу күбөлүгү, айдоочу, Кыргызстан
Тема боюнча
КРде айдоочулук күбөлүк арзандап, автоунааны каттоо жеңилдеди
ЕАЭБге убактылуу автоунаа алып кирүү мөөнөтү узартылды
Жаңы конуш Калыс-Ордо. Архивдик сүрөт

Статусу жок жаңы конуш менен дачада жашагандар эми жөлөк пул ала башташат

0
(жаңыланган 16:31 15.07.2020)
Министр президент кол койгон мыйзамга ылайык, эми ата-энеси белгисиз, тоголок жетимдер дагы айына 2000 сомдон жөлөк пул ала турганын кошумчалады.

БИШКЕК, 15-июл. — Sputnik. Статусу жок жаңы конуш, дачаларда жашагандар эми социалдык төлөм ала башташат. Бул тууралуу эмгек жана социалдык өнүктүрүү министри Улукбек Кочкоров брифингде маалымдады.

Анын айтымында, 10-июлда президент аталган мыйзамга кол коюп, социалдык төлөм чегерүү эрежелери өзгөртүлгөн.

Түркиядагы кыргызстандыктар пенсия, жөлөк пул ала башташат. Күчүнө кирген документ

"Буга чейин статусу жок жаңы конушта, дачада жашагандар социалдык төлөм ала алчу эмес. Эми алар кайрылган жерден жөлөк пул берилет. Бир айдын ичинде биз токтом, жоболорго өзгөртүүлөрдү киргизип чыгабыз дагы 30 күндөн кийин жөлөк пул төлөнө баштайт. Бардык муктаж адамдарга кайрылган жеринен кызмат көрсөтүлүп, социалдык төлөм берилет", — деди Кочкоров.

Ал президент кол койгон мыйзамга ылайык, эми ата-энеси белгисиз, тоголок жетимдер дагы жөлөк пул ала турганын кошумчалады.

"Буга чейин аларга акча чегерилчү эмес. Эми банктык эсеп ачылып, 18 жашка чыкканга чейин ошол эсепке айына 2000 сомдон которула берет. 18 жашка толгондон кийин алар акчаны атайын эсептен алуу укугуна ээ болушат", — деди министр.

Президент медиктердин компенсациясы боюнча мыйзамга кол койду

Кочкоров турмуштук оор кырдаалга кабылган үй-бүлө жана балдарды тез арада табуу, аларга жардам көрсөтүү боюнча автоматташтырылган электрондук база түзүлгөнүн кошумчалады. Базада татаал шартта жашаган балдар тууралуу толук маалымат камтылган.

0
Белгилер:
жаңы конуштар, жетим, каражат, эреже, мыйзам, жөлөк пул, Улукбек Кочкоров
Тема боюнча
Кочкоров: 20 миңдей адам жеңилдетилген түрдө майыптыгын күбөлөндүрөт