Кыргызстандын кайсы аймагы алтынга бай. Карта

5011
(жаңыланган 11:21 13.08.2019)
Быйыл жайда Солтон-Сары алтын кенинин тегерегинде чыр чыгып, андан улам иш токтотулду. Аталган кенде алтындын жалпы кору болжол менен 20 тоннага чамалайт. Sputnik Кыргызстандын кабарчысы өлкөдөгү пайдалуу кендердин картасын изилдеп, республиканын кайсы аймагында асыл металл кени арбын экенин тактап көрдү.

Кыргызстандын аймагында жалпы 302 алтын жана алтын аралашкан кен чыккан жер бар. Бул туурасында Кен чыккан жерлер жана пайдалуу кендер реестринде айтылат. Эгер курамына алтындан башка дагы металлдар, маселен, жез, сымап, сурьма, кобальт, вольфрам камтылган кендерди да эске алсак, анда бул көрсөткүч 382ге жетет.

Алтын кендеринин саны боюнча алдыңкы сапта Жалал-Абад облусу турат, алтын аралашкандары менен бирге 95 баалуу металл топтолгон кен бар. Албетте, алардын басымдуу бөлүгү руда-алтын аралашкан топурактуу кендүү жерлерге кирет. Мындан тышкары, аталган региондун аймагында беш орточо алтын кени жайгашкан, облустар арасында бул эң жогорку көрсөткүч.

Саны боюнча алтын кенине жарды Баткен облусу, бирок изилдөөчүлөр алардын ичинен үчөөнү орточо кендерге киргизет.

Ири кендер өлкө аймагында төмөнкүчө жайгашкан. Ысык-Көл облусунда жалпыга маалым болгон Кумтөр бар. Божомолдорго караганда, 2019-жылы алтын өндүрүү көлөмү аталган кенде 16-17,5 тоннаны түзмөкчү.

Чүй облусунда Талды-Булак Сол жээк жайгашкан. Анда алтындын кору 64 тоннадан ашат.

Эгер курамында алтындан сырткары башка металлдар да камтылган кендерди кошо эсептесек, анда ири кендердин саны эки эсеге көбөйөт. Талас облусунда Талды-Булак кени (алтын, жез), ал эми Ош облусунда Чалкуйрук-Акжылга (алтын, кобальт) кени бар.

5011
Белгилер:
Кыргызстан, кен, алтын, карта

Кыргызстанда кайсы үлгүдөгү автоунаалар көп уурдалат?

684
Жыл башынан бери республика аймагында 200гө чукул автоунаа уурдалган. Sputnik Кыргызстан агенттиги алардын басымдуу бөлүгү кайсы үлгүдөгү темир тулпарлар экендигин тактап көрдү.
КРде кайсы автоунаалар көп айдай качышат?

Башкы прокуратуранын маалыматына ылайык, 2021-жылдын алты айында укук коргоо органдарына 395 адам автотранспорт каражатын башка бирөө айдай качып кетти деп кайрылган. Анын негизинде учурда 44 факт боюнча тергөө жүрүп, 99 иш сотко өтүп, 40 иш реабилитацияланбаган негиздер боюнча кыскартылган. Ал эми калган фактылар ар кандай жагдайда кылмыштын курамы жок делип же жабырлануучунун тосмо арызы менен тергөөгө алынган эмес.

Үстүбүздөгү жылдын биринчи жарым жылдыгында Honda Fit үлгүсүндөгү автоунаалар көп жолу уурдалган. Кийинки орундарда ВАЗ, Москвич, УАЗ, Honda Odyssey, Honda Stepwgn, Daewoo Tico, Daewoo Nexia автомашиналары турат.

Алты айдын ичинде өлкө боюнча темир тулпарларды айдап качуу фактыларынын эң көбү Бишкек шаарында катталса, эң азы Нарын облусунда болгон.
Эске сала кетсек, КРдин Жазык кодексине ылайык, бирөөнүн автоунаасын же башка автомототранспорттук каражатын өзү билемдик менен ээлеп алып, аны айдап кеткендерге 260-300 миң сом айып салынат же 2,5 жылдан беш жылга чейин эркинен ажыратуу менен 100-140 миң сом айып каралган.

684
Белгилер:
Кыргызстан, автоунаа, статистика, кылмыш

Бишкектеги батирлердин июль айына карата ижара акысы. Инфографика

279
Бишкек шаарында июль айында бир жана эки бөлмөлүү батирлердин ижара акысы арзандады. Ал эми үч бөлмөлүүлөр бир ай мурдагыга салыштырмалуу кымбаттады.
Бишкектеги батирлердин июль айына карата ижара акысы

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 608 жарнама каралды. Июль айында деле өткөндөгүдөй эмереги бар жана мейманкана тибиндеги батирлерди изилдеп чыктык.

Бул айда эмереги бар дээрлик бардык типтеги бир жана эки бөлмөлүү батирлердин ижарасы арзандаган. Бир бөлмөлүү “элиталык” батирдин ижара акысы 2 800 сомго төмөндөгөн.

Бул айда эмереги бар бардык типтеги үч бөлмөлүү батирлердин ижарасы кымбаттады. 105 жана 106-сериядагы үч бөлмөлүү батирлер үчүн орто эсеп менен 2 500 сомго көбүрөөк төлөш керек болот. Ал эми 104-сериядагылар 800 сомго өскөн.

Жеке типтеги бир бөлмөлүү батирлердин ижара акысы болсо 600 сомго кымбаттаган.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо баасынын диапазонун көрсөтүп бердик.

Ачык маалымат булактарына караганда, июль айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 14 100 сом (12 000ден 17 000ге чейин);
  • 105-серия — 13 800 (10 000ден 18 000ге чейин);
  • 106-серия — 14 300 (10 000ден 20 000ге чейин);
  • Жеке типтегилер — 15 900 (9 000ден 25 400гө чейин);
  • "Элитка" — 21 400 (15 000ден 29 600гө чейин);
  • Мейманкана тибиндеги батирлер — 6 600 (5 000ден 8 500гө чейин).

Эмереги бар эки бөлмөлүү батирлердин орточо баасы:

  • 104-серия — 17 400 сом (12 000ден 23 000ге чейин);
  • 105-серия — 17 700 (12 000ден 29 700гө чейин);
  • 106-серия — 19 600 (14 000ден 28 000ге чейин);
  • Жеке типтегилер — 22 000 (12 000ден 35 000ге чейин);
  • "Элитка" — 36 400 (20 000ден 59 300гө чейин).

Эмереги бар үч бөлмөлүү батирлердин орточо баасы:

  • 104-серия — 22 600 сом (17 500дөн 29 700гө чейин);
  • 105-серия — 24 500 (15 000ден 35 000ге чейин);
  • 106-серия — 27 700 (16 900дөн 33 900гө чейин);
  • Жеке типтегилер — 28 900 (19 000ден 63 300гө чейин);
  • "Элитка" — 58 100 (25 400дөн 110 200гө чейин).
279
Белгилер:
Бишкек, батир, ижара, акы, инфографика
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев

Жумалиев: дыйкан, фермерлерди камсыздандыруу пландалууда

0
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев айыл чарба тармагына камсыздандырууну киргизүү мерчемделип жатканын маалымдады.

Агро камсыздандыруу боюнча мыйзам иштелип чыгып, сунушталды. Бул тууралуу Жигитали Жумалиев Sputnik Кыргызстан радиосундагы маегинде билдирди.

Жумалиев: дыйкан, фермерлерди камсыздандыруу пландалууда

Анын айтымында, учурда агро камсыздандыруу дүйнөдө көптөгөн өлкөлөрдө колдонулууда.

"Соңку учурдагы табигый процесстерден улам түшүмдүүлүк азайып кетти. Мына ушул сыяктуу көйгөйлөрдөн коргоо максатында агро камсыздандыруу боюнча мыйзам долбоору иштелип чыгып, сунушталды. Бул тажрыйба көптөгөн мамлекеттерде ийгиликтүү иштеп жатат. 2009-жылдын 26-январында "Бир типтеги өсүмдүктөрдүн өзгөчөлүгү жөнүндө" мыйзам чыккан. Тилекке каршы, ал жетиштүү деңгээлде иштеп кеткен жок. Мындан улам ага өзгөртүүлөр сунушталып, агро камсыздандырууну киргизүү мерчемделүүдө. Ага ылайык, камсыздандырууда ар бир өсүмдүк боюнча ар башка тариф коюлат. Табигый кырсыктардан кийинки чыгымдын 50 пайызын мамлекет, калганын дыйкандар каржылайт. Бул дыйкан, фермерлерди ар кандай тобокелчиликтерден коргойт", — деди Жумалиев.

Ошондой эле ал агро камсыздандыруу ыктыярдуу түрдө жүргүзүлө турганын кошумчалады.

0
Белгилер:
Жигитали Жумалиев, айыл чарба, камсыздандыруу, дыйканчылык
Тема боюнча
Айдаралиев: чоң пландарды түзө бербей майда иштерди аткарууга мезгил келди