Мында кеп иштеп жатканда зыяндуу заттарды бөлүп чыгарган ар кандай түзүлүштөр менен аппараттардын калдыктары тууралуу сөз болмокчу. Ага азот кычкылы, күкүрттүү газ, көмүртек кычкылы кирет.
Былтыркы зыяндуу калдыктын көлөмүн сегиз жыл мурунку көрсөткүч менен салыштыра келгенде жыйынтык үрөй учурган. 2018-жылы 2011-жылга караганда 20 миң тоннага көп калдык чыккан. Эң эле начар көрсөткүч 2015-жылга туура келет — 61 миң тонна. Андан бери калдыктын көлөмү азая берген. Эки жыл мурун 50 миң тоннага жетпеген зыяндуу калдык бөлүнүп чыккан.
Былтыр бул көрсөткүч 57 миң тоннага жетип кайрадан жогорулап кеткени байкалган. Мында жалпы калдыктын 43 пайызы борбор калаага таандык.
Ал эми Ошто абал кыйла дурус. Былтыр Бишкектегиге караганда 12 эсе аз калдык бөлүнүп чыккан.
