Тозокко айланган эки жыл. Кыргызстандагы кандуу окуянын муң-кайгысы видеодо

1377
(жаңыланган 15:39 22.08.2019)
Эки жылга созулган Баткен окуясын алты мүнөттүк видеоинфографикага батырдык. 1999-2000-жылдардын жай айларында жүздөгөн террорчу Кыргызстандын түштүгүнө кирип, бир нече айылды басып алган.

Өзбекстан ислам кыймылынын (ӨИК) согушкерлери өлкө аймагына кантип кирип келгенин Sputnik видеоинфографикасынан көрүңүз.

Баткен тоолорунда согушкерлердин жүргөнү 1999-жылдын 23-июлунда байкалган. Алгач ӨИК лидери Тахир Юлдашев Кыргызстанга кол салууну каалаган эмес, болгону Баткен тоолору аркылуу Өзбекстанда жайгашкан Фергана өрөөнүнө кирүү максаты бар эле.

Ал жактан кыймылдын жетекчиси киши чогултуп, Өзбекстандын ошол кездеги президенти Ислам Каримовдун бийлигин кулатуу үчүн Ташкентке жөнөмөк болот. Юлдашев Бишкек террорчуларга каршы турат деп дегеле ойлогон эмес, 90-жылдары Кыргызстандын абалы мышык ыйлагыдай эле. Бирок чек араны коргоого эл жапырт көтөрүлдү...

Эки тараптын каршылашуусун Sputnik даярдаган лонгридден көрсөңүз болот. Материалда жоокерлердин, мурунку туткундардын жана күбөлөрдүн айткандары камтылган.

1377
Белгилер:
терроризм, согушкер, коогалаң, Баткен окуясы
Тема боюнча
“Теримди тирүүлөй сыйрышкан...”. Баткен коогалаңынын айтылбаган баяндары

Бишкек жана Ош шаарларында батир ижарасы канча? Салыштырма баалар

57
Борбор калаада турак жай ээлери бир бөлмөлүү батирди эмереги менен 10-20 миң сомго ижарага берип жатат. Ал эми Ошто ушундай эле үйлөр 9-16 миң сомдун тегереги.

Ар жума сайын Sputnik Кыргызстандын кабарчысы ачык маалыматтарды карап, Бишкек менен Ош шаарларындагы турак жайлардын ижара акысына байкоо жүргүзөт.

Бишкекте эмереги жок бир бөлмөлүү батирдин ижарасы 8 миңден 12 миң сомго чейин, ал эми эмереги менен 10 миңден 20 миң сомго чейин болууда. Үйдүн жасалгасына, жайгашкан жерине карап баасы кымбаттай берет. Эки бөлмөлүү батирди ижарага алуу бул жумада 12-21 миң сомго айланды. Үч бөлмөлүүлөрдү 15 миңден 40 миң сомго чейин чейин тапса болот.

Ошто муниципалдык ипотека аркылуу берилчү көп кабаттуу үй курула баштады. Эскиз

Ош шаарында арзаныраак, эмереги жок бир бөлмөлүү батирди 7 миң сомго, эмереги менен 9-16 миң сомго ала аласыз. Эки бөлмөлүүлөр 5 миңден башталып, 20 миң сомго барып такалат. Ал эми үч бөлмөлүү батирдин наркы 7 миңден 30 миң сомго чейин жетет.

57
Белгилер:
эмерек, баалар, ижара, батир, Ош, Бишкек
Тема боюнча
Оштун жака белиндеги Кең-Сай конушу өзгөчө шаарчага айланат. Эскиз
Ипотека алгыңыз келбесе, Бишкектен кантип батир сатып алууга болот? Кеңеш

Бишкек менен Оштогу батирлердин ижара акысы. Жаңыланган маалымат

179
Бул аптадагы бааларга ылайык, баш калаада бир бөлмөлүү батирдин ижара акысы 9 миң сомдон 20 миңге чейин жетти. Ош шаарында болсо турак жайдын ижарасы 10 миң сомдон 16 миңге чейин бааланууда.

Ар жума сайын Sputnik агенттиги ачык булактардан маалыматтарды топтоп, Бишкек жана Ош шаарларындагы батирлердин ижара акысына байкоо салып турат.

Бишкекте эмеректери жок бир бөлмөлүү батирди жайгашкан жери жана абалына жараша 8 миңден 11 миң сомго чейин ижарага алса болот. Эмеректери бар турак жайлар 9 миңден 20 миң сомго чейин бааланууда. Эки бөлмөлүү батирдин ижара акысы 12 миңден 21 миңге чейин, үч бөлмөлүү батир 13 миңден тарта 40 миң сомго чейин жетет.

Ошто муниципалдык ипотека аркылуу берилчү көп кабаттуу үй курула баштады. Эскиз

Ош шаарында болсо эмеректери жок бир бөлмөлүү батирди 8 миң сомго ижарага сунуш кылышат. Эмеректери бар батирдин акысы 10-16 миң сом болууда. Ал эми эки бөлмөлүү батирди 8ден 20 миң сомго чейин ижарага алууга болот. Үч бөлмөлүү турак жай эмеректери менен 15 миңден 30 миң сомго чейин бааланууда. Эмеректери жок үч бөлмөлүү батирди 4 миңден 15 миң сомго чейин алууга болот.

179
Белгилер:
акы, ижара, батир, Ош, Бишкек, Кыргызстан
Тема боюнча
Ижара акысы канча? Бишкек менен Ошто батир издегендер үчүн маалымат
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны