Кыргызстандыктардын ичкен-жегени акыркы 28 жылда кандай өзгөрдү. График

399
Көрсө, 90-жылдары кыргызстандыктар азыркыга караганда сүттү жана сүт азыктарын көп жечү экен. Ушундай эле көрүнүш жумуртка менен этке дагы тиешелүү.

Улуттук статистика комитетинин адистери акыркы 28 жылда кыргызстандыктардын ичкен-жегени кандай өзгөргөнүн иликтеп көрүштү. Алар 1990-жылдан 2018-жылга дейре жан башына керектелген орточо азык-түлүккө анализ кылышкан.

Мекеменин маалыматына ылайык, кыргызстандыктардын тамактануусунда нан өзгөрүүсүз калган. Дээрлик 30 жыл мурда бир киши бир айда 10,7 килограмм нан жеп келген болсо, учурда бул сумма дээрлик өзгөргөн эмес. Эл нанды 2004-жылы эң көп жеген. Бул жылы бир кишиге айына 12 килограммга жакын нан туура келген.

Арак-шарапты ууртап-таткан боюнча да көрсөткүчтөр көп деле айырмаланбайт. Учурда бир айда жан башына 0,1 литр спирт ичимдиги туура келет. Бирок 1991-жылы бул көрсөткүч төрт эсе көп болчу. 2006 жана 2008-жылы ичимдикке ыктагандардын саны бир кыйла жогорулаган.

Ал эми жер-жемиш боюнча көрсөткүчтөр олку-солку болуп турат. Мисалы, 1996-жылы орточо эсеп менен ар бир кыргызстандык төрт килограммдан көбүрөөк жер-жемиш жесе, 2003-жылы бул көрсөткүч алты эсе азайып кеткен. Акыркы жылдары жогорулагандын үстүндө.

Таттуу-тарапаны кыргызстандыктар туруктуу жеп келет. 2003-жылы бир жаран бир айда эки килограммга чейин шекер колдонгон. 2004-жылдан бери бул көрсөткүч туруктуу бойдон сакталып келе жатат.

1990-жылдардын башында кыргызстандыктар эт менен сүттү көп ичип-жеген. Андан кийинки жылдары бул көрсөткүч төмөндөөнүн гана үстүндө болгон. Бирок акыркы жылдары абал турукташып калды. 2018-жылы бир жаранга бир айда эки килограмм эт жана жети килограммдан ашык сүт жана сүт азыктары туура келет.

399
Белгилер:
Сүт, эт, Кыргызстан, тамак-аш, азык-түлүк
Тема боюнча
Улуу Британиянын элчиси "Аламүдүн" базарына барганын видеого тартып алган
Адистер түндө шам-шум этүүнүн зыяндуу жактарын санап берди
Адис: тамактан ууланбаш үчүн 7 нерсеге көңүл буруу керек

Пандемия башталгандан берки алгачкы жолугушуу. ЕАЭБ тууралуу инфографика

239
(жаңыланган 13:47 17.07.2020)
Бүгүн, 17-июлда, ЕАЭБ өлкөлөрүнүн премьер-министрлери Евразиялык өкмөт аралык жыйынга чогулушту. Иш-чара онлайн эмес, кадимки форматта Минск шаарында өтүп жатат. Бул — COVID-19 пандемиясы башталгандан берки алгачкы жолугушуу.
Евразиялык экономикалык биримдик сандар менен

Жыйынга Кыргызстан, Россия, Белоруссия, Казакстан, Армения жана Молдова өлкөлөрүнүн премьер-министрлери катышууда. Анда өкмөт башчылары соода, ички рыноктун иштөө механизми, атаандаштык жана өндүрүш маселелерин талкуулашмакчы.

Ошондой эле саламаттык сактоо тармагындагы бир катар көйгөйлөр каралып, ЕАЭБ өлкөлөрүндө коронавирустун жайылуусун токтотуу маселесине токтолушат.

Кубатбек Боронов ЕАЭБ жыйынына катышуу үчүн Минск шаарына учуп кетти

Мындан сырткары, премьер-министрлер Жерди аралыктан зонддоонун негизинде геомаалымат жана космос кызматтарын жеткирүү боюнча кызматташуунун мамлекеттер аралык программасынын долбоорун карашат.

Саммитте ЕАЭБдин айыл чарба тармагын өнүктүрүү жана Биримдикти индустриялаштыруу маселеси да талкууланат.

Евразия экономикалык комиссиянын маалымат кызматы билдиргендей, жыйынга катышуудан тышкары Биримдиктин өкмөт башчылары Белоруссия жетекчилиги менен жолугушат.

ЕЭК Кыргызстандын өнүктүрүү институтун түзүү демилгесин карап чыкты

Евразия экономикалык биримдиги 2015-жылы түзүлгөн. Бүгүнкү күндө анын курамында Кыргызстан, Армения, Белоруссия, Казакстан жана Россия мамлекеттери бар. Молдова байкоочу өлкө катары жыйындарына катышып келет. Мындан сырткары, Өзбекстан дагы ЕАЭБге байкоочу статусун алышы ыктымал.

2019-жылга карата ЕАЭБ калийи бар жер семирткичтерин өндүрүү боюнча дүйнөдө 1-орунда, ал эми газ жана мунай өндүрүү жагынан экинчи орунда турат.

239
Белгилер:
өкмөт башчы, көйгөй, жыйын, Минск, Евразиялык экономикалык биримдик
Тема боюнча
ЕЭК Кыргызстан, Казакстан жана ЕАЭБ ортосундагы көйгөйдү кантип чечет?

Булар менен дүйнө сыймыктанчу! Олимпиаданы багынткан 8 кыргыз спортчусу

458
(жаңыланган 14:06 15.07.2020)
40 жыл мурда кыргыз спортунда гүлдөгөн мезгил болгон. Кыргыз ССРинде туулуп-өскөн бир эмес сегиз адам дароо Олимпиада медалын тагынышкан. Унутулгус учурду эсиңиздерге салууну чечтик.

Советтик Кыргызстандан чыккан сегиз спортчу Москвадагы Олимпиадада кантип жеңишке жеткенин Sputnik агенттиги даярдаган видеоинфографикадан көрө аласыздар.

Жүрөк тилген видео! Аталардын Улуу Ата Мекендик согуштагы эрдиги

Кыргыз спортунун ошол кездеги жылдыздары Александр Мелентьев, Татьяна Колпакова, Каныбек Осмоналиев, Александр Блинов, Александр Панфилов, Николай Чернецкий, Сатымкул Жуманазаров, Александр Абушахметовдор эле.

Бардыгы биригип беш алтын, эки күмүш жана бир коло медаль алышкан. Кыргыз спортчуларынын арасында мындай ийгилик Олимпиадага чейин да, андан кийин да боло элек. Москвадагы спорт оюндары кыргыз спорту үчүн чындыгында чоң жетишкендик алып келген.

458
Белгилер:
жетишкендик, медаль, спорт, олимпиада, Москва, Кыргызстан
Тема:
Москвадагы Олимпиада-80
Тема боюнча
КМШ өлкөлөрүнүн биринчи спорттук турнирин сентябрда өткөрүү пландалууда
Муштумун түйүп турган адам. Архив

Насыя үчүн аялын өлтүрө сабаган зөөкүр. Июлдагы соттук чечимдер

0
(жаңыланган 16:23 11.08.2020)
Узап кеткен айда өлкө аймагындагы Фемида өкүлдөрү бир топ чуулуу иштерди карап чыкты. Алардын арасында кызматтык, экономикалык мүнөздөгү жана адам өмүрүн алган кылмыштар да бар.

Sputnik Кыргызстан маалымат агенттиги июлдагы төбө чачты тик тургузган кылмыштардын айрымдарын сунуштайт.

Россияда сатылган КРдин паспорттору. Өзбекстандын жараны 2015-жылдан бери Россияда айдоочу болуп иштеп келген. Бирок 2019-жылдан баштап ЕАЭБдин миграция боюнча мыйзамдары күчүнө кирип, уюмга мүчө эмес мамлекеттерден баргандардын иштөөсүндө кыйынчылыктар жаралган. Ошондо айыпталуучу интернет аркылуу 45 миң рублге КРдин жасалма паспортун алган. Көп өтпөй ал россиялык укук коргоо органдарынын колуна түшүп, Кыргызстанга депортацияланган. Аны кайра "Манас" эл аралык аэропортундагы чек арачылар жасалма документ менен кармаган. Сот чет элдикти бир ай үй камагына калтырып, 110 миң сом айып салды.

Бишкекте 5 адамга кычкылтек концентраторун убадалап, алдап кеткен шектүү кармалды

Мурдагы аялын зордуктаган мамкызматкер. Мамлекеттик органда иштеген 29 жаштагы эркек ажырашып кеткен келинчегин түндө үйгө алып келип сабап, андан соң анын эркине каршы күч колдонуп зордуктаганы боюнча жабырлануучу милицияга арыз менен кайрылган. Тергөө маалында күнөөлөнүүчү ал түнү үйдө чогуу болгонун, кол көтөргөнүн, бирок келин менен жыныстык катнашта болбогонун билдирген. Погончондор материалдарды чогултуп, күбөлөрдөн көрсөтмө алып, ишти сотко өткөргөн. Фемида өкүлдөрү эргулду Жазык кодексинин 139-беренесинин ("Ден соолукка анча оор эмес зыян келтирүү") биринчи бөлүгү боюнча күнөөлүү деп таап, үч жыл түзөтүү жумуштарына бекитти. Ал эми келинге 150 миң сомго жакын акча төлөп бермей болду.

Насыя үчүн аялын өлтүрүп... Элетте жашаган эрди-катын банктан алган насыясынын айынан уруша кетишип, мас болгон бүлө башчысы аялын катуу сабап салган. Кожойке окуя болгондон бир нече саат өткөндөн кийин эле төшөктө жатып көз жумган. Аны байкаган күйөөсү коркуп кетип кошуналарын жана милиция кызматкерлерин чакырган. Зөөкүр эргул эми бир нече жылга темир тор артында калып, ири көлөмдө айып пул төлөйт.

Өзгөндө таксистти өлтүрүп, сөөгүн өрттөдү делген эки өспүрүм камакка алынды

Көчөдөгү зөөкүрчүлүк. Мурда соттолгон 24 жаштагы жигит көчөдө бейтааныш эркек менен арак ичип, экөө мушташа кеткен. Ал бөтөлкөлөш шеригинин колу-бутун байлап, оозуна чүпүрөк тыгып, катуу сабаган. Анысы аз келгенсип, үстүнө автоунаанын дөңгөлөгүн таштап кетип калган. Берки адам баш сөөгүнөн жаракат алып, мээсине кан куюлуп өлгөн. Соттук-психиатриялык экспертиза айыпталуучу кылмыш жасаган маалда акыл-эси ордунда, кылгандарына жооп берген абалда болгон деген бүтүм чыгарган. Эми ал 12,5 жыл темир тор артында болот.

Бычакташкан жаштар. Мектепти жаңы эле бүтүргөн бала өзүнүн сүйлөшкөн кызынын мурдагы жигити менен көчөдө кезигип, чаламандын чак түшүндө аны бычактап салган. Жыйынтыгында 18 жаштагы баланын ашказан, бөйрөгү бычактан жабыркап, ооруканада көз жумган. Жаштардын урушу кыздын айынан чыккан. Адам өмүрүн алган улан 12,5 жылга кесилди.

Ноокенде 10 жашар кызды зордуктаган бала өмүр бою эркинен ажыратылды

Кемпирдин өмүрүнө кол салган ишкер. Бишкек шаарынын 43 жаштагы тургуну ишкерлик менен алектенип, жеке фирманын жетекчиси болуп иштеп келген. Ал 2005-2006-жылдары мамлекетке 4,5 миллион сомдон ашык бажы төлөмдөрүн бербей Казакстанга качып кетип, издөөгө алынган. Бир нече жыл өткөндөн кийин Кыргызстанга кайтып келип, таксист болуп иштеп, пенсия курагындагы бир кемпирге азык-түлүк жеткирип берип тыйын таап жүргөн. Күндөрдүн биринде ал жалгыз жашаган пенсионер менен тил табыша албай, жашы улгайган аялды өз батиринде балка менен башка чапкылап өлтүрүп койгон. Эртеси милицияга өзү келген. Сот аны 17 жылга темир тор артына кесип, 100 миң сомго жыккан.

0
Белгилер:
соттук чечим, өкүм, кылмыш, Кыргызстан
Тема боюнча
Саймаитинин өлүмү: экс-консул айып төлөп, бошоп чыкты
Талас башчысынын "кеңешчиси" сүзгөн велосипедчи көз жумду. Мураталиев үн катты
Ноокенде 10 жашар кызды зордуктаган бала өмүр бою эркинен ажыратылды