Кыргызстандын кайсы жеринде тамеки чегүүгө тыюу салынган. Инфографика

439
(жаңыланган 11:49 15.11.2019)
Бир подъездде жашаган кошунаңыздын чыга калып тамеки тартканы мыйзам бузгандык экендигин билдиңиз беле?

Тамекини кайсы жерде тартпаш керек экендиги "КР жарандарынын ден соолугун тамекинин зыяндуу таасиринен коргоо жөнүндөгү" мыйзамда аныкталган. Бул жерде кеп чылым гана эмес, кальян чегүү жана тамекисиз аралашмалар туурасында да болгон.

Мыйзам мындан 13 жыл мурда кабыл алынып, акыркы ирет 2017-жылы редакцияланган. 2019-жылдын кышында Жогорку Кеңештин депутаттары эл жашаган үйлөрдөн башка бардык имараттарда тамеки чегүүгө тыюу салган. Анткен менен буга шаардагы бир катар жайлардын ээлери каршы пикирин билдирди.

Мындан сырткары, автостанциялардын, авто жана темир жол бекеттердин жетекчилери, аэропорттор, поезддер менен коомдук тамактануучу жайлар тамеки тартууга атайын жай бөлүп, аны жабдууга милдеттүү. Тамеки чегүүчү жайлардын санитардык-гигиеналык тартибин өкмөт бекитип бериши керек.

Эреже бузуулар боюнча кодекске ылайык, тыюу салынган жерде чылым чеккен адамга 1000 сом өлчөмүндө айып салынат. Чылым чеге тургандарга милдеттүү түрдө жай бөлүү, тамеки заттарын тартуу жайлары жөнүндө көрсөтмөлүү маалыматты жайгаштыруу же мындай жайды жабдуу тууралуу талаптарды бузган жеке адамдар 3000 сом айыпка жыгылат (юридикалык тараптарга 13 000).

Айтмакчы, жаңы мыйзамдарда кызык жагдайлар бар. Биздин дагы бир инфографикада сиздер алардын бар экендигин билбеген айып пулдарды келтиргенбиз. https://sputnik.kg/infographics/20190725/1045178054/kyrgyzstandagy-aydoochular-tologon-en-kymbat-ayyptar.html

439
Белгилер:
тыюу салуу, чылым, мыйзам, эреже, Кыргызстан

Бишкек менен Оштогу батирлердин ижара акысы. Жаңыланган маалымат

97
Бул аптадагы бааларга ылайык, баш калаада бир бөлмөлүү батирдин ижара акысы 9 миң сомдон 20 миңге чейин жетти. Ош шаарында болсо турак жайдын ижарасы 10 миң сомдон 16 миңге чейин бааланууда.

Ар жума сайын Sputnik агенттиги ачык булактардан маалыматтарды топтоп, Бишкек жана Ош шаарларындагы батирлердин ижара акысына байкоо салып турат.

Бишкекте эмеректери жок бир бөлмөлүү батирди жайгашкан жери жана абалына жараша 8 миңден 11 миң сомго чейин ижарага алса болот. Эмеректери бар турак жайлар 9 миңден 20 миң сомго чейин бааланууда. Эки бөлмөлүү батирдин ижара акысы 12 миңден 21 миңге чейин, үч бөлмөлүү батир 13 миңден тарта 40 миң сомго чейин жетет.

Ошто муниципалдык ипотека аркылуу берилчү көп кабаттуу үй курула баштады. Эскиз

Ош шаарында болсо эмеректери жок бир бөлмөлүү батирди 8 миң сомго ижарага сунуш кылышат. Эмеректери бар батирдин акысы 10-16 миң сом болууда. Ал эми эки бөлмөлүү батирди 8ден 20 миң сомго чейин ижарага алууга болот. Үч бөлмөлүү турак жай эмеректери менен 15 миңден 30 миң сомго чейин бааланууда. Эмеректери жок үч бөлмөлүү батирди 4 миңден 15 миң сомго чейин алууга болот.

97
Белгилер:
акы, ижара, батир, Ош, Бишкек, Кыргызстан
Тема боюнча
Ижара акысы канча? Бишкек менен Ошто батир издегендер үчүн маалымат

Шайлоодо ат салышчу партиялардын талапкерлери. Толук тизме

815
(жаңыланган 12:08 18.09.2020)
Октябрь айында болчу Жогорку Кеңештин депутаттарын шайлоого жалпысынан 16 саясий партия, алардын катарында 2 миңдей талапкер катышат. Тизмесин толугу менен Sputnik Кыргызстан даярдаган материалдан көрө аласыз.

4-октябрга белгиленген парламенттик шайлоого аттанган партиялардын тизмесин бир нече күн мурда Шайлоо жана референдум өткөрүү боюнча борбордук комиссия расмий сайтына жарыялаган.

Окурмандарга ыңгайлуу болушу үчүн Sputnik редакциясы бардык партияларды бир материалга чогултуп, бюллетендеги номерлерине жараша жайгаштырды. Ар бир талапкердин атынын жанында туулган жылы жана кызмат орду боюнча маалымат көрсөтүлгөн.

Баса, тизмеде шайлоо алдында мурдагы партиясына кол шилтеп, тагдырын башкага байлаган депутаттар дагы бар. Кыскасы, азыркы депутаттардын 84ү кайрадан шайлоого бара жатканын көрүүгө болот.

Буга чейин жарышка аттанган партиялар тууралуу керектүү фактыларды даярдаганбыз.

Депутат болгусу келгендердин кандай кесипти аркалаганы, билими жана жаш курагы сыяктуулар кызыктырса, бул материалга баш багыңыз.

815
Белгилер:
тизме, саясий партиялар, талапкер, шайлоо, Жогорку Кеңеш
Тема:
Жогорку Кеңештин депутаттыгына талапкерлер — 2020
Тема боюнча
Депутат башында жаш келиндей. ЖКнын маалымат кызматынын жетекчисинин баяны
Түркия Кыргызстандагы парламенттик шайлоого 100 миң доллар бермей болду
Милиция кызматкерлери. Архивдик сүрөт

Милиция COVID жуктургандар менен байланышта болгондордун обочолонуусун көзөмөлдөйт

0
(жаңыланган 19:32 26.09.2020)
Транспортто жана имараттардын ичинде бет кап тагынуу, социалдык аралыкты сактоо режиминин аткарылышы катуу көзөмөлгө алынмай болду.

БИШКЕК, 26-сент. — Sputnik. Өкмөт жергиликтүү бийлик менен ички иштер органдарына COVID-19 илдети тастыкталган жарандар менен байланышта болгондордун социалдык обочолонуусун катуу көзөмөлгө алууну милдеттендирди. Бул туурасында өкмөттүн маалымат кызматынан кабарлашты.

Бул тапшырма Республикалык штабдын жыйынында берилген.

Айрым облустарда коронавирусту жуктургандардын көбөйүшүнөн улам Саламаттык сактоо министрлигине жана жергиликтүү өз алдынча башкаруу органдарына региондордогу эпидемиологиялык абалга талдоо жүргүзүп чыгуу тапшырылган.

"Эпидемиологиялык кырдаалды туура талдоо, абал курчуп кеткен учурда аны тез жөнгө салуу керек. Муну менен катар берилген тапшырмаларды ыкчам, ошол эле учурда сапаттуу жүзөгө ашыруу шарт", - деген Республикалык штабдын жыйынында биринчи вице-премьер Алмазбек Баатырбеков.

Ал коомдук жайларда, транспортто жана имараттардын ичинде бет кап тагынуу, социалдык аралыкты сактоо режиминин аткарылышы, эпидемиологиялык коопсуздук талаптары боюнча көзөмөлдү күчөтүү тапшырмасын берген.

Шайлоодон кийин карантин киргизилеби? Президент Жээнбековдун жообу

Кыргызстанда да коронавирус жуктургандардын саны акыркы күндөрү арбып бара жатат. 26-сентябрда COVID 158 кишиден табылды.

0
Белгилер:
анализ, талап, эреже, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Базар-Коргон милициясы ата-энеси кырсыктап көз жумган 7 бир тууганга жардам берди
Өлкөгө сырттан киргендер кайрадан текшерилет, анализ тапшырат. Жаңы алгоритм