Кантип жетип, канча төлөйм? Кыргызстандагы лыжа базаларында эс алуунун акысы

393
(жаңыланган 16:43 16.01.2020)
Республикадагы тоо лыжа базаларында жана курортторунда кышкы эс алуунун шарттары, алардын жайгашышы жана көрсөтүүчү кызматтары тууралуу Sputnik Кыргызстандын инфографикасынан билүүгө болот.

Тоо лыжа базасында ар бир адамдын күч-кубат алып, болбосо жөн гана эс алып, жаратылыштан ырахат алуу мүмкүнчүлүгү бар. Сиздер Кыргызстандагы мындай эс алуучу жайларды салыштырып, тандап алышыңыздар үчүн биз "Ак-Таш", ЗИЛ, "Каракол", "Кашка-Суу", "Орловка", "Оруу-Сай", "Политех", "Тогуз-Булак", "Төө-Ашуу", "Чоң-Таш", "Чуңкурчак", "Ski-Татыр" жана "Ак-Түз" болуп бардыгы 13 базанын инфографикасын даярдадык.

Бишкекке эң жакыны "Чоң-Таш" базасы. Борбордон 20 чакырым алыс. Ал эми эң бийиги — "Төө Ашуу". Ал деңиз деңгээлинен 3000 метр бийиктикте жайгашкан.

"Ski-Татыр", "Политех", "Чоң-Таш" жана "Ак-Түз" базаларында мейманкана жок. 2020-жылы "Орловка" базасында эң кымбат жана арзан эки кишилүү номерлер 6000 жана 1200 сом турары айтылды.

Базаларда ар кандай татаалдыктагы муз тебүү жолдору — "кичкинтайдан" баштап (кичине балдар жана үйрөнчүктөр үчүн) фрирайддарга чейин бар. Профессионалдар үчүн эң узун жол "Чуңкурчак" базасында (10 миң метр), ал эми үйрөнчүктөр үчүн "Ак-Таш" базасында (1600) жайгашкан. Тоодон түшчү кыска жол "Оруу-Сайда" (850 метр), ал эми үйрөнчүктөр үчүн "Караколдо" (400) бар.

"Ак-Түз" (азыркы мезгилдеги жаңы база), "Кашка-Суу" жана "Ski-Татыр" базаларында отургуч жана аркан менен көтөрүлүү түрү кездешет.

393
Белгилер:
эс алуу, Тоо-лыжа базасы, Кыргызстан
Тема боюнча
Дарыгер кышкы депрессиядан арылуунун жолун айтып берди
Абдырасулова: климаттын өзгөрүшү туризмге терс таасирин берип жатат

Кыргызстанда кайсы улуттун өкүлдөрү азая баштады. Инфографика

959
(жаңыланган 16:06 27.10.2020)
Акыркы беш жылда жалпы жонунан кыргызстандыктардын саны көбөйгөн, анткен менен айрым этностор азайгандан азайып баратат.

Кыргызстандагы ар улуттун өкүлдөрүнүн саны акыркы беш жылда кандай өзгөргөнүн Sputnik агенттигинин кабарчылары Улуттук статистика комитетинин маалыматтарын карап билип көрдү.

Ведомствонун маалыматына караганда, орустардын саны тездик менен азаюуда. Беш жылдын ичинде алардын саны 20 миңге кыскарган. Украиналыктар дагы азайганы байкалды, жалпы жонунан 3,5 миң кишиге кемиген.

Статком: Кыргызстанда эркектерге караганда билимдүү аялдар көп

Тизмеге ошондой эле немистер, беларустар, еврейлер, молдавандар, эстондор, латыштар, армяндар, грузиндер жана литвалыктар кирди.

Ал эми кыргыздардын саны жыл сайын өсүп жатат. Беш жылдын ичинде жарым миллионго көбөйгөн. Өзбектерге болсо 107 миң адам кошулду.

Мындан сырткары, дунгандар, тажиктер, уйгурлар, түрктөр, казактар, азербайжандар, татарлар, кореецтер, түркмөндөр жана чечендер көбөйгөн.

959
Белгилер:
статистика, улут, Кыргызстан
Тема боюнча
Бишкек менен Ошто ижарага берилчү батирлердин ушул аптадагы баасы. Инфографика

Бишкек менен Ошто ижарага берилчү батирлердин ушул аптадагы баасы. Инфографика

241
Бул жумада борбордогу эмереги менен берилүүчү бир бөлмөлүү батир 10 миңден 20 миң сомго чейин болду. Ошто бир бөлмөлүү батирди 7-16 миңге ижарага алууга болот.

Sputnik Кыргызстан агенттигинин кабарчысы жума сайын Бишкек жана Оштогу батирдин ижара акысына ачык маалыматтар аркылуу байкоо салып турат.

Бул аптада борбордон эмереги жок бир бөлмөлүү батирди 9 миңден 13 миңге чейин, эмереги менен 10 миңден 20 миңге чейин ала аласыз. Баага үй жайгашкан район жана жасалгасы таасир этет.

Ал эми эки бөлмөлүүлөр 12 миңден 21 миңге, үч бөлмөлүү батирлер 16 миңден 40 миңге чейин болууда.

Ошто эмереги жок бир бөлмөлүү батирлер жети миңден сегиз миңге чейин, эмереги бары жети миңден он алты миңге жетүүдө. Эки бөлмөлүү батирди сегиз миңден 20 миңге чейин, үч бөлмөлүүлөрдү жети миңден 30 миңге чейин тапса болот.

241
Белгилер:
баа, ижара, батир, Ош, Бишкек, Кыргызстан
Тема боюнча
Кыргызстанда көпчүлүктү кызыктырган автоунаалар канчадан сатылууда. Саресеп
Экс-депутат Эльвира Сурабалдиева. Архив

Эльвира Сурабалдиева вице-премьерлик кызматка киришти

36
(жаңыланган 14:29 28.10.2020)
Буга чейин өкмөт башчынын орун басарлыгын аркалаган Аида Исмаилованын талапкерлиги эмгек жана социалдык өнүктүрүү министри кызматына сунушталып, колдоо тапкан эмес.

БИШКЕК, 28-окт. — Sputnik. Эльвира Сурабалдиева Кыргызстандын вице-премьер-министри болуп дайындалды. Тиешелүү жарлыкка президенттин милдетин аткаруучу Садыр Жапаров кол койгонун өлкө башчынын маалымат кызматы билдирди.

Сурабалдиева вице-премьерликти ким сунуштап, кантип макул болгонун айтты

Эскерте кетсек, Сурабалдиеванын талапкерлигин алгач Жогорку Кеңештин тармактык комитети колдоп, андан соң депутаттар жалпы жыйында карашкан. Натыйжада эл өкүлдөрү өкмөттүн жаңы мүчөсү үчүн бир добуштан макул болушкан. Сурабалдиева Аида Исмаилованын ордуна келди, эми социалдык тармакты тескемекчи.

36
Белгилер:
Жогорку Кеңеш, министр, вице-премьер-министр, Садыр Жапаров, Аида Исмаилова, Эльвира Сурабалдиева
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео