Жол эрежесин бузууга салынган айыптардын көлөмү кантип өзгөрдү? Инфографика

Жазылуу
Үстүбүздөгү жылдын 16-январынан тарта Жол кыймылынын бир нече эрежесин бузуу боюнча айып пулдун көлөмү азайды. Тиешелүү мыйзамга президент Сооронбай Жээнбеков кол койду.

Негизги өзгөртүүлөр КР Эреже бузуулар жөнүндө кодексинин 123-1-беренесине киргизилген. Мындай чечим жарандардын жоопкерчилигин күчөтүү, акыйкат жана гуманизм принциптерине таянып, эреже бузуулардын айрым категориялары үчүн айып пулдун өлчөмүн шартка ылайыктоо максатында кабыл алынганы айтылат.

Ага ылайык, төмөнкү эрежелер бузулса айып пулдун көлөмү 3000 сомдон 1000 сомго чейин төмөндөтүлөт:

  • жол белгилеринин талаптарын аткарбоо;
  • жолдун жүрүүчү бөлүгүндөгү чийиндердин талаптарын аткарбоо (каршы кыймылдын тилкесине чыгуу менен кууп өтүү, же болбосо манёвр жасоо эрежелерин бузууларды кошпогондо);
  • токтоо же токтоп туруу эрежелерин бузуу;
  • коопсуз дистанцияны, интервалды сактабоо же болбосо жолдун жүрүүчү бөлүгүндө транспорт каражаттарын жайгаштырууну бузуу же автомагистралда жүрүү эрежелерин бузуу;
  • светофордун тыюу салуучу сигналы же жөнгө салуучунун тыюу салуучу жаңсоосу болгондо жол белгилери же жолдун жүрүүчү бөлүгүнүн чийиндери менен белгиленген стоп-линиянын алдында токтоо жөнүндө Жол кыймылынын эрежелеринин талаптарын аткарбоо;
  • каршы кыймыл тилкесине чыкпай туруп кууп өтүү же манёвр жасоо эрежелерин бузуу;
  • тышкы жарык берүүчү приборлорду же болбосо эскертүүчү сигналдарды пайдалануу эрежелерин бузуу (бардык механикалык транспорт каражаттарына сутканын жарык убагында калктуу конуштардан тышкары жерлерде фаранын жандырылган жакын жарыгы менен жүрүү талаптарын кошпогондо).

Кыргызстанга кайсы өлкөлөрдөн унаалар алып келинет - Sputnik Кыргызстан
Кыргызстанга автоунаа кайсы өлкөлөрдөн кирет. Акыркы 5 жылдагы рейтинг
Ошол эле учурда жасалма мамлекеттик номерлерди тагып жүргөндөрдүн жазасы, тескерисинче, катаалдады. Мындай иштер эреже бузуу эмес, Жоруктар беренеси менен каралып, жоопкерчилиги күчөтүлөт. Эми автоунаасына жасалма номер таккан айдоочуларга 10 миң сом эмес, 20дан 30 миң сомго чейин айып салынат.

Белгилей кетсек, жаңы мыйзам ири өлчөмдөгү айып пулдардын көлөмүн азайткан жок. Кыргызстандагы айдоочулар төлөгөн эң кымбат айыптар тууралуу буга чейинки инфографикадан көрө аласыздар.

Жаңылыктар түрмөгү
0