Добуштарды кол менен саноонун алдын ала жыйынтыгы чыкты

6857
(жаңыланган 18:00 05.10.2020)
Жогорку Кеңешке шайлоонун кол менен эсептегенден кийинки болжолдуу жыйынтыгын Sputnik Кыргызстан агенттиги даярдаган инфографикадан көрө аласыздар.

Буга чейин Борбордук шайлоо комиссиясы автоматтык түрдө эсептеген (АСУ) аппараттардын болжолдуу жыйынтыгын жарыялаган.
Андан кийин кол менен санап башташкан. Анын алдын ала жыйынтыгы Sputnik Кыргызстан агенттиги даярдаган инфографикада көрсөтүлгөн.

Белгилей кетчү нерсе, бул көрсөткүчтөр парламенттик шайлоонун акыркы жыйынтыгы болуп эсептелбейт. Себеби БШК аны расмий түрдө жарыялай элек.

Эске сала кетсек, Жогорку Кеңешке 16 саясий партия ат салышты. Парламенттен орун алуу үчүн партиялар шайлоочулардын 7 пайыздан кем эмес добушун, башкача айтканда, ар бир облустан жана Бишкек менен Ош шаарларынан 0,7 пайыз добуш алышы кажет. Шайлоонун жыйынтыгы боюнча саясий партияга парламентте 65тен ашык мандат берилбейт.

Өлкө ичинде жалпы 2 430 шайлоо участкасы ачылган, анын 45и чет өлкөлөрдө иштеди.
Ал эми өлкө боюнча шайлоочулардын тизмесине 3,5 миллиондон ашык киши кирген. Добуш берүү укугуна ээ кыргызстандыктардын 52 пайызы аял, 48и эркек экени белгилүү болду.

Шайлоо-2020 коронавирус пандемиясынын маалына туш келгендиктен, БШК Саламаттык сактоо министрлиги менен биргеликте санитардык-эпидемиологиялык коопсуздукту камсыз кылуу үчүн атайын алгоритм иштеп чыккан.

6857
Белгилер:
жыйынтык, маалымат, саясый партия, шайлоо
Тема:
Шайлоо-2020 (253)
Тема боюнча
Бишкектиктер кантип добуш берип жатат. Маанилүү күндүн сүрөттөрү

Кыргызстанда кайсы улуттун өкүлдөрү азая баштады. Инфографика

1706
(жаңыланган 16:06 27.10.2020)
Акыркы беш жылда жалпы жонунан кыргызстандыктардын саны көбөйгөн, анткен менен айрым этностор азайгандан азайып баратат.

Кыргызстандагы ар улуттун өкүлдөрүнүн саны акыркы беш жылда кандай өзгөргөнүн Sputnik агенттигинин кабарчылары Улуттук статистика комитетинин маалыматтарын карап билип көрдү.

Ведомствонун маалыматына караганда, орустардын саны тездик менен азаюуда. Беш жылдын ичинде алардын саны 20 миңге кыскарган. Украиналыктар дагы азайганы байкалды, жалпы жонунан 3,5 миң кишиге кемиген.

Статком: Кыргызстанда эркектерге караганда билимдүү аялдар көп

Тизмеге ошондой эле немистер, беларустар, еврейлер, молдавандар, эстондор, латыштар, армяндар, грузиндер жана литвалыктар кирди.

Ал эми кыргыздардын саны жыл сайын өсүп жатат. Беш жылдын ичинде жарым миллионго көбөйгөн. Өзбектерге болсо 107 миң адам кошулду.

Мындан сырткары, дунгандар, тажиктер, уйгурлар, түрктөр, казактар, азербайжандар, татарлар, кореецтер, түркмөндөр жана чечендер көбөйгөн.

1706
Белгилер:
статистика, улут, Кыргызстан
Тема боюнча
Бишкек менен Ошто ижарага берилчү батирлердин ушул аптадагы баасы. Инфографика

Бишкек менен Ошто ижарага берилчү батирлердин ушул аптадагы баасы. Инфографика

248
Бул жумада борбордогу эмереги менен берилүүчү бир бөлмөлүү батир 10 миңден 20 миң сомго чейин болду. Ошто бир бөлмөлүү батирди 7-16 миңге ижарага алууга болот.

Sputnik Кыргызстан агенттигинин кабарчысы жума сайын Бишкек жана Оштогу батирдин ижара акысына ачык маалыматтар аркылуу байкоо салып турат.

Бул аптада борбордон эмереги жок бир бөлмөлүү батирди 9 миңден 13 миңге чейин, эмереги менен 10 миңден 20 миңге чейин ала аласыз. Баага үй жайгашкан район жана жасалгасы таасир этет.

Ал эми эки бөлмөлүүлөр 12 миңден 21 миңге, үч бөлмөлүү батирлер 16 миңден 40 миңге чейин болууда.

Ошто эмереги жок бир бөлмөлүү батирлер жети миңден сегиз миңге чейин, эмереги бары жети миңден он алты миңге жетүүдө. Эки бөлмөлүү батирди сегиз миңден 20 миңге чейин, үч бөлмөлүүлөрдү жети миңден 30 миңге чейин тапса болот.

248
Белгилер:
баа, ижара, батир, Ош, Бишкек, Кыргызстан
Тема боюнча
Кыргызстанда көпчүлүктү кызыктырган автоунаалар канчадан сатылууда. Саресеп
Улуттук банктын расмий өкүлү Аида Карабаева. Архив

Карабаева: эл аралык резерв экономикалык эмбарго болсо колдонулат

0
Улуттук банктын расмий өкүлү Аида Карабаева банктын эл аралык резервдери өлкөнүн алты айлык импортун жабууга жете турганын айтты.
Карабаева: эл аралык резерв экономикалык эмбарго болсо колдонулат

Улуттук банктын эл аралык резервдери үч миллиард доллардан ашты. Ал өлкө экономикасынын коопсуздугун камсыздоого белгиленген. Бул тууралуу Аида Карабаева Sputnik Кыргызстан радиосуна маек куруп жатып маалымдады.

Анын айтымында, эл аралык резервдерди колдонуу атайын мыйзамдар менен ишке ашат.

МВФтин дүйнөнү сактап калуу аракети жакырчылык коркунучун жаратат

"Улуттук банктын эл аралык резервдерин колдонуу боюнча "Кыргыз Республикасынын Улуттук банкы, банктар жана банк иштери жөнүндө" мыйзамда так белгиленген. Учурда эл аралык кордун (запас, резерв) көлөмү үч миллиард доллардан ашып, тарыхый максимумга жетти. Анын курамы алтындан, эл аралык туруктуу валюталардан турат. Бул сумма өлкөнүн алты айлык импортун жабууга жетет. Негизи эл аралык стандарт боюнча, алтын валюталык резерв өлкөнүн үч жарым айлык импортун камсыздоосу зарыл. Ал экономиканын коопсуздугун камсыздоо үчүн белгиленип, кандайдыр бир экономикалык эмбарго болсо колдонулат", — деди Карабаева.

Ал валюталык интервенциялар дагы эл аралык резервден жасала турганын кошумчалады.

0
Белгилер:
резерв, импорт, валюта, Аида Карабаева
Тема боюнча
15 сомго кымбаттаптыр. 2020-жылдагы доллардын курсу. Инфографика