Аймактардагы эл кайсы партияга добуш берди. Интерактивдүү карта

2004
(жаңыланган 16:29 05.10.2020)
Өлкөнүн аймактарында жашаган кыргызстандыктар кайсы партияга добуш бергенин, ошондой эле кечээки шайлоого канча шайлоочу келгенин Sputnik Кыргызстан агенттигинин интерактивдүү картасынан көрүңүздөр.

Борбордук шайлоо комиссиясынын алдын ала берген маалыматы боюнча, төрт партия 7 пайыздык босогодон өттү:

  • "Биримдик" — 24,54%;
  • "Мекеним Кыргызстан" — 23,92%;
  • "Бүтүн Кыргызстан" — 7,1%;
  • "Кыргызстан" — 8,79%.

Шайлоочулардын тизмесине 3 миллион 523 миң 554 киши кирген, бирок добушту 56,2 пайызы (1 миллион 980 миң 240 шайлоочу) гана берген.

Жаңы чакырылышка кимдер депутат болуп келди? Болжолдуу тизме

Sputnik агенттигинин интерактивдүү картасынан кыргызстандыктар кандай добуш бергендигин, ошондой эле кайсы облуста жана кайсы шаарда шайлоочулардын активдүүлүгү жогору болгонун көрө аласыз.

2004
Белгилер:
добуш берүү, саясый партия, шайлоо, Кыргызстан
Тема:
Шайлоо-2020 (253)
Тема боюнча
Кыргызстанда парламенттик шайлоо кандай өттү? Күндүн урунттуу учурлары

Кыргызстанда кайсы улуттун өкүлдөрү азая баштады. Инфографика

1544
(жаңыланган 16:06 27.10.2020)
Акыркы беш жылда жалпы жонунан кыргызстандыктардын саны көбөйгөн, анткен менен айрым этностор азайгандан азайып баратат.

Кыргызстандагы ар улуттун өкүлдөрүнүн саны акыркы беш жылда кандай өзгөргөнүн Sputnik агенттигинин кабарчылары Улуттук статистика комитетинин маалыматтарын карап билип көрдү.

Ведомствонун маалыматына караганда, орустардын саны тездик менен азаюуда. Беш жылдын ичинде алардын саны 20 миңге кыскарган. Украиналыктар дагы азайганы байкалды, жалпы жонунан 3,5 миң кишиге кемиген.

Статком: Кыргызстанда эркектерге караганда билимдүү аялдар көп

Тизмеге ошондой эле немистер, беларустар, еврейлер, молдавандар, эстондор, латыштар, армяндар, грузиндер жана литвалыктар кирди.

Ал эми кыргыздардын саны жыл сайын өсүп жатат. Беш жылдын ичинде жарым миллионго көбөйгөн. Өзбектерге болсо 107 миң адам кошулду.

Мындан сырткары, дунгандар, тажиктер, уйгурлар, түрктөр, казактар, азербайжандар, татарлар, кореецтер, түркмөндөр жана чечендер көбөйгөн.

1544
Белгилер:
статистика, улут, Кыргызстан
Тема боюнча
Бишкек менен Ошто ижарага берилчү батирлердин ушул аптадагы баасы. Инфографика

Бишкек менен Ошто ижарага берилчү батирлердин ушул аптадагы баасы. Инфографика

246
Бул жумада борбордогу эмереги менен берилүүчү бир бөлмөлүү батир 10 миңден 20 миң сомго чейин болду. Ошто бир бөлмөлүү батирди 7-16 миңге ижарага алууга болот.

Sputnik Кыргызстан агенттигинин кабарчысы жума сайын Бишкек жана Оштогу батирдин ижара акысына ачык маалыматтар аркылуу байкоо салып турат.

Бул аптада борбордон эмереги жок бир бөлмөлүү батирди 9 миңден 13 миңге чейин, эмереги менен 10 миңден 20 миңге чейин ала аласыз. Баага үй жайгашкан район жана жасалгасы таасир этет.

Ал эми эки бөлмөлүүлөр 12 миңден 21 миңге, үч бөлмөлүү батирлер 16 миңден 40 миңге чейин болууда.

Ошто эмереги жок бир бөлмөлүү батирлер жети миңден сегиз миңге чейин, эмереги бары жети миңден он алты миңге жетүүдө. Эки бөлмөлүү батирди сегиз миңден 20 миңге чейин, үч бөлмөлүүлөрдү жети миңден 30 миңге чейин тапса болот.

246
Белгилер:
баа, ижара, батир, Ош, Бишкек, Кыргызстан
Тема боюнча
Кыргызстанда көпчүлүктү кызыктырган автоунаалар канчадан сатылууда. Саресеп
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү