Кыргызстандагы өтүмдүү унаалардын азыркы баасы. Инфографика

3873
(жаңыланган 15:24 01.11.2020)
Sputnik Кыргызстан агенттиги суроо-талап күч делген унаалардын баасын талдап көрдү. Акыркы жумада өлкөдөгү эң популярдуу 10 автокөлүктүн наркы кандай өзгөргөнүн сураштырдык.

Мамлекеттик каттоо кызматынын маалыматы боюнча, калк арасында суроо-талап төмөнкү унааларга күч:

  • 5-сериядагы BMW;
  • Daewoo Matiz;
  • Daewoo Nexia;
  • Honda Accord;
  • Honda CR-V;
  • Honda Fit;
  • Honda Odyssey;
  • Mercedes-Benz E-класс;
  • Toyota Camry;
  • Volkswagen Passat.

Sputnik автоунаалар сатыкка коюлган төрт интернет-ресурска баш багып, бааларын талдап көрдү. Алар: autobaza.kg, cars.kg, turbo.kg, mashina.kg (баарынын наркы дээрлик айырмаланбайт).

Lamborghini, Aston Martin... Кыргызстандагы көз жайнаткан эксклюзивдүү автолор

Окурмандарга ыңгайлуу болуш үчүн автокөлүктүн орточо баасын чыгарууну чечтик. Буга чейинки анализ 23-октябрда, акыркысы 30-октябрда жүргүзүлдү.

Honda CR-V 149 долларга кымбаттады, ошондой эле 5-сериядагы BMW унаасынын баасы өткөн жумага салыштырмалуу 167 долларга өстү. Мындан сырткары, Honda Accord 86 долларга наркын жогорулатты. Аналитиктер баалардын өсүшү автоунаанын техникалык абалына жана тез арада сатылышына байланыштуу экенин айтышууда. Башка үлгүдөгү автокөлүктөрдүн баасы дээрлик өзгөргөн эмес.

3873
Белгилер:
баа, унаа, Кыргызстан
Тема боюнча
Кыргызстандагы айдоочулар тууралуу кызыктуу фактылар

Кыргызстанда жан сактоо үчүн канча каражат керек. Статкомдун эсептөөсү

324
Ведомстводон билдиришкендей, борбор калаада жашоо минимуму анча чоң эмес. Аймактарга бөлүп карай турган болсок, Бишкек шаары Жалал-Абад менен Ош облустарынан артта калат.
Кыргызстанда 2020-жылдагы жашоо минимуму

2020-жылы Кыргызстанда жашоо минимуму кандай болгонун Улуттук статистика комитетинин адистери санап чыгышты. Маалыматка караганда, былтыр бул көрсөткүч мурдагы жылга салыштырмалуу 11,5 пайызга көтөрүлүп, 5 359 сомду түзгөн.

Жашоо минимуму ай сайын азык-түлүк, тамаш-ашка кирбеген товарлар, кызматтар жана салык төлөөнүн жыйынтыгында калыптанат. Бул жерде кеп эң минималдуу чыгым тууралуу болуп жатканын эстен чыгарбашыбыз керек. Анткени мындай акча менен киши башка муктаждыктарын жаба албайт.

Жашоо минимумун кыргыз өкмөтү 2009-жылы аныктап берген. Ага эң зарыл болгон тамак-аш гана кирет. Жалпы сумманын жарымынан көбү, тагыраагы, 3 483 сому тамакка кетет. 911 сом кызматтарга, мындан азыраак сумма башка товарларга коротулуп, 100 сомдой акча салыктарга жумшалат.

Статистикалык комитеттин маалыматы боюнча, эмгекке жарамдуу аялдарга караганда эркектерге 187 сомго көбүрөөк эсептелген. Ал эми пенсионерлердики болгону 4 785 сом.

Аймактарга бөлүп караганда жашоо минимуму Жалал-Абадда баарынан жогору. Облустун бир тургунуна айына 5 755 сомдон эсептелген. Экинчи орунду 5 541 сом менен Ош облусу ээлеген. Алардан соң гана Бишкек шаары турат, киши башына 5 381 сом.

Эң аз жашоо минимуму Талас облусунда катталды. Бир таластыкка айына 4 949 сом каралган.

324
Белгилер:
жашоо, статистика, Кыргызстан, Бишкек
Тема боюнча
Бишкекте декабрда батирлер канчага бааланды. Инфографика
Кыргызстандагы эң өтүмдүү минивэн, универсал унаалардын баасы. Инфографика

Өлөр алдында учкучтар уруша кетишкен. Дача СУга учактын кулаган себеби

2886
(жаңыланган 13:18 14.01.2021)
Учкучтар өлөр алдында эмне тууралуу кеп кылышкан? Алардын негизги катасы эмне болгон? Дача СУдагы учак кырсыгынын себеби эмнеде? Биз ушул жана башка суроолорго жооп алдык.

Так төрт жыл мурда жүк ташыган "Боинг" Бишкектин четиндеги Дача СУ айылына кулаган. Кырсыктан 39 адам, тагыраагы, 35 кыргызстандык жана экипаждын төрт мүчөсү каза болгон. Учкучтардын ката кетиришине эмне себеп болгонун билүү үчүн биз эксперттерге кайрылып, Мамлекеттер аралык авиациялык комитеттин отчету менен тааныштык.

Көрсө, трагедия алдында учкучтардын кабинасында абал курчуп кеткен экен. Кыргызстандык диспетчер инструкция боюнча иш алып барганына карабай аны тилдеп жатышкан.

2886
Белгилер:
учак, авиакырсык, Дача СУ
UFC уюмунун жеңил салмактагы чемпиону Хабиб Нурмагомедов. Архив

Нурмагомедов Макгрегор Порьеден жеңилгенден кийин үн катты

0
(жаңыланган 14:21 24.01.2021)
Спортчулар UFC 257 мелдешинин башкы беттешинде кезиккен. Америкалык мушкер кармаштын экинчи раундунда бир катар соккулары менен таамай тийип, атаандашын техникалык нокаутка түшүрдү.

БИШКЕК, 24-янв. — Sputnik. UFC уюмунун жеңил салмактагы чемпиону Хабиб Нурмагомедов ирландиялык Конор Макгрегордун америкалык Дастин Порьеден жеңилгени боюнча пикирин билдирди. Бул тууралуу Р-Спорт жазды.

Эки мушкер бүгүн, 24-январда, UFC 257 мелдешинин башкы беттешинде кезиккен. Америкалык спортчу кармаштын экинчи раундунда нокаут менен утту.

"Сени чемпион кылган команданы алмаштырып, спарринг-өнөктөштөрдү чанып, чындыктан алыстап, жаш балдар менен машыгып жүргөндүн кесепети ушундай болот турбайбы...", — деп Нурмагомедов Twitter баракчасына билдирүү калтырган.

Буга чейин спорттук карьерасын жыйынтыктаган Хабиб Нурмагомедов Макгрегор — Порье, Чендлер — Хукер беттешине байкоо саларын айткан. Эгер алар чемпиондук наам үчүн кармашка татыктуулугун көрсөтсө, анда октагонго келери мүмкүн экенин билдирген. Мындан улам UFC 257 мелдешинин башкы беттештеринин мааниси арткан.

АКШлык Порье менен ирландиялык Макгрегор бүгүн, 24-январда, Абу-Дабидеги "Мушкерлер аралында" өткөн мелдеште кармашып, Порье атаандашын нокаутка түшүрүп утту.

Россиялык мушкер буга чейин Макгрегорду да, Порьени да титулдук беттеште мөөнөтүнөн мурда утуп, чемпиондук наамын коргогон.

0
Белгилер:
Хабиб Нурмагомедов, Конор Макгрегор, Дастин Порье, UFC
Тема боюнча
UFC уюмунда өзбекстандык мушкер кубаттуу муштуму менен атаандашын "бийлетти". Видео
Апамды таарынтып албайын. Хабиб карьерасын улантууга үндөгөндөргө жооп берди