2021-жылдагы майрам жана дем алыш күндөр. Календарь

8106
(жаңыланган 14:07 14.12.2020)
2021-жылы кыргызстандыктар майрамдарга байланыштуу эң аз дегенде 11 күн ашыкча эс алышат. Кийинки жылдын дем алыш жана майрам күндөрүн карап калышыңыз ыктымал. Андыктан бул календардын шилтемесин сактап алыңыз.
2021-жылдагы өлкөдөгү дем алыш күндөр

2021-жылдын календары мындан эки жыл мурдагы календарга салыштырмалуу башкача. Келе жаткан жылы Жаңы жыл майрамынан кийин дем алыш күндөр узакка созулбайт.

Май айында кыргызстандыктар үч күн, ноябрда болсо төрт күн катары менен эс алуу күнү болмокчу.

Мындан сырткары, Курман айт жана Орозо айт майрамдары бар. Бирок азырынча алардын так датасы билине элек.

Календарда эс алуу күндөр өзгөрүлүп кала турган болсо, окурмандарга кошумча маалымат берилет. 

8106
Белгилер:
эс алуу күндөрү, майрам, календарь
Тема:
Нооруз-2021 (13)
Тема боюнча
Жаңы жыл майрамында кыргызстандыктар канча күн эс алары белгилүү болду
2020-2021-окуу жылындагы каникулдардын календары

Өлүмгө кептеген табигый кырсык. Жер көчкүгө эмне себеп?

886
Жер көчкү алдында калган маркумдардын санына карасак, бул Кыргызстандагы бардык табигый кырсыктардан алдыда турат. Жер көчкүдөн кутулуу дээрлик мүмкүн эмес. Бул жаратылыш апааты кандайча болоруна кызыктык.

Sputnik Кыргызстандын кабарчылары өлкөнүн Өзгөчө кырдаалдар министрлигинин маалыматтары менен таанышып, жер көчкүнүн себептерин билип көрүштү. Ошондой эле аталган министрликтин Өзгөчө кырдаалдарга көз салуу жана божомолдоо департаментинин директору Анаркул Айталиев да маалыматтары менен бөлүштү.

Эксперттин айтымында, көчкү жүргөн аймакта аман калуу дээрлик мүмкүн эмес, себеби жүздөгөн тонна топурак секундасына бир нече метрлик ылдамдык менен жылып отурат. Алдынан чыккан имараттарды талкалап, адамдар коопсуз аралыкка качып үлгүрө албай калышат.

Набыт болгондордун сөөгүн издөөгө бир нече күн кетет, бирок көп учурда табылбай да калат. Соңку төрт жылда КР Өзгөчө кырдаалдар министрлиги 73 ири көчкүнү каттаган. Ошол кырсыктарда 34 киши каза тапкан. Бул багыттагы өтө кооптуу аймактар — Ош жана Жалал-Абад облустары.

Эмнеге мындай болуп жатканын түшүнүү үчүн жер көчкү эмнеден улам болорун тактап алуу абзел. Көктөмдө күн тийгенде мөңгүлөр активдүү эрий баштайт, жер алдындагы суу көп топтоло баштайт. Топурактын нымдуулугуна жамгыр да таасир этет.

Кыргызстандын түштүк облустарынын көйгөйү – бул жактагы тоолор көбүрөөк борпоң сары топурактан турарында. Борпоң топурактын курамында чопо, кум жана ылай бар.

Борпоң сары топурак нымды тартып алып, аны көпкө сактаганы менен кооптуу. Нымдуулугу акыркы чегине жеткенде жардын боорундагы бөлүгү өз салмагынын оордугунан кулап түшөт.

4 миңдин тегерегиндеги үй-бүлө кооптуу аймактарда күн кечирет, алар мамлекеттин көзөмөлүндө. Болочокто 46 көйгөйлүү тилкени, атап айтканда, Жалал-Абад облусунда – 22 жана Ош облусундагы 24 участокту коопсуз кылуу пландалууда.

Топурак казылып, жер алдындагы суулар кургатылат. Ошентип 990 турак үй, 11 мектеп, үч мекеме коопсуз сакталат. Буларды ишке ашырууга чет элдик донорлор 39 миллион доллар бөлүүнү убада кылышкан.

886
Белгилер:
кооптуулук, донор, Баткен, Ош, Жалал-Абад, табигый кырсык, Жер көчкү
Тема боюнча
Дүйнө элин азапка салып... 2020-жылдын жан кейиткен табигый кырсыктары

Батир издеп жүрөсүзбү? Бишкектеги үйлөрдүн апрелдеги баасы

312
2021-жылдын апрель айында Бишкекте жеке типтеги эки бөлмөлүү батирлер арзандады (мартка салыштырмалуу). Бирок үч бөлмөлүү "хрущевкалардын" баасы өскөн.
Бишкекте сатылган батирлердин баасы

Sputnik Кыргызстан ай сайын ачык булактар аркылуу Бишкектеги батирлердин баасына көз жүгүртүп турат. Биз баалардын диапазонун жана түрдүү типтеги (104, 105 жана 106-серия, "хрущевка", индивидуалдуу) бир, эки жана үч бөлмөлүү батирлердин орточо баасын көрсөтүп беребиз. Бул айдан тарта ичин ээси өзү жасай турган "элитка" тибиндеги батирлердин баасын дагы биле аласыздар.

Бул материалды даярдоо үчүн 1 525 жарыяга анализ жасалды.

2021-жылдын апрель айында борбор калаада үйлөрдүн орточо баасы төмөндөдү. Мисалы, 106-сериядагы батирлер 1000 долларга арзандады. Сатуучулар жеке типтеги эки бөлмөлүү батирге 2 100 долларга арзаныраак сурап жатышты.

Ал эми үч бөлмөлүү "хрущевкалар" кымбаттаса, ичин ээси өзү жасай турган жаңы батирлер арзандаган.

Ачык булактардагы маалыматтарга караганда, апрелде бир бөлмөлүү батирдин орточо баасы төмөнкүчө болду:

  • 104-серия — 29 500 доллар (25 700дөн 34 500гө чейин);
  • 105-серия — 29 500 (23 500 — 36 500);
  • 106-серия — 32 000 (23 000 — 39 500);
  • "хрущевка" — 26 700 (15 000 — 33 500);
  • Индивидуалдуу типтеги батирлер — 30 500 (18 500 — 46 500);
  • ичин ээси жасап алчу "элиткалар" — 31 600 (21 500 — 50 000).

Эки бөлмөлүү батирлердин орточо баасы:

  • 104-серия — 36 650 доллар (25 000 — 59 000);
  • 105-серия — 40 300 (27 000 — 51 500);
  • 106-серия — 43 700 (29 500 — 59 500);
  • "хрущевкалар" — 33 500 (24 500 — 46 500);
  • индивидуалдуу типтеги батирлер — 41 400 (29 800 — 67 500);
  • ичин ээси жасап алчу "элиткалар" — 47 200 (23 500 — 92 000).

Үч бөлмөлүү батирлердин орточо баасы:

  • 104-серия — 43 800 доллар (36 000 — 56 500);
  • 105-серия — 52 000 (35 500 — 76 500);
  • 106-серия — 55 800 (30 000 — 76 500);
  • "хрущевкалар" — 41 600 (32 000 — 58 000);
  • индивидуалдуу типтеги батирлер — 56 900 (24 500 — 120 000);
  • ичин ээси жасап алчу "элиткалар"— 86 700 (55 500 — 153 000).
312
Белгилер:
Кыргызстан, нарк, баалар, батир, Бишкек
Тема боюнча
Бишкекте декабрда батирлер канчага бааланды. Инфографика
Манас эл аралык аэропорту. Архив

"Манас" аэропортунун директорлор кеңеши алмашты

6
(жаңыланган 15:49 08.05.2021)
Кеңештин дээрлик бардык мүчөсү алмашып, бир гана Маммүлк фондунун мурдагы төрагасы Ренат Түлөбердиев кайра шайланган.

БИШКЕК, 8-май — Sputnik. "Манас" Эл аралык аэропорту" ачык акционердик коомунун директорлор кеңешинин төрагасы алмашты. Бул тууралуу аэропорттун маалымат кызматы билдирди.

Манас аэропорту. Архивдик сүрөт
© Фото / пресс-служба правительства/ Алишер Алиев
Кыргызстандын биржа фондунун сайтында 30-апрель күнү компаниянын акционерлеринин жылдык жалпы жыйыны өткөнү жазылат. Тагыраак айтканда, директорлор кеңешинин дээрлик бардык мүчөсү алмашып, бир гана Маммүлк фондунун мурдагы төрагасы Ренат Түлөбердиев кайра шайланган. Кеңештин беш мүчөсү бар.

Жаңы түзүлгөн кеңеш Ахматбек Абыловду директор кылып шайлаган. Ага чейин бул кызматты Алмазбек Мусабеков ээлеп келген. Ал директорлор кеңешине 2019-жылы мүчө борлуп, былтыр июлда төрагалыкка бекитилген.

Директорлор кеңеши менен башкаруучулуктун айырмасы:

  • Директорлор кеңеши — акционерлер аркылуу жетекчилик кылган компаниянын башкаруучу органы.
  • Ал эми компаниянын башкаруучулугу директорлор кеңеши белгилеген учурдагы ишмердүүлүгүн, анын ичинде стратегиясын жана саясатын аныктайт. Башкаруучулук директорлор кеңешине отчёт берет.

Учурда "Манас" Эл аралык аэропортунун" башкаруучулугун Бакыт Шаршеев жетектейт.

6
Белгилер:
башкаруу, "Манас" эл аралык аэропорту, директорлор кеңеши
Тема боюнча
"Манас" аэропорту тышкы башкарууга берилеби? Компаниянын жообу
Россия-кыргыз өнүктүрүү фондунун төрагасы алмашты