Президенттикке талапкерлердин бою жана салмагы. Рейтинг

3997
(жаңыланган 14:05 25.12.2020)
Sputnik Кыргызстан редакциясы президенттикке талапкерлер менен тааныштыруусун улантат. Бул ирет өлкө башчысы болом дегендердин бою жана салмагы кандай экенин инфографикада көрсөтүп беребиз.
Президенттикке талапкерлердин бою, салмагы

Президенттик шайлоого бир айдан азыраак убакыт калды. 10-январь күнү кыргызстандыктар жаңы өлкө башчы шайлап, аны менен катар өлкөнү башкаруу формасын тандашат.

Шайлоо кампаниясы кызуу жүрүп, талапкерлер элдин көңүлүн бурууга аракет кылып жатканда Sputnik Кыргызстан алардын бою жана салмагы тууралуу маалымат чогултту.

Маалыматтар талапкердин өздөрүнөн же штаб кызматкерлеринен алынды. Инфографикада бардык 18 талапкер (25-декабрга карата) көрсөтүлгөн.

Эске салсак, Sputnik Кыргызстан 2017-жылкы президенттик шайлоодо дагы талапкерлер тууралуу дал ушундай макала даярдаган.

Ал эми бул ирет талапкерлердин балдары, жубайы, билими, шайлоо фондуна канча каражат салгандыгы тууралуу билип көрдүк.

3997
Белгилер:
салмак, бой, талапкер, шайлоо, Кыргызстан
Тема:
Кыргызстандагы президенттик шайлоо – 2021 (195)
Тема боюнча
БШК президенттикке талапкерлер аттарды кайдан, кандай шартта алганын аныктады
Европа, Америкада жашайт. Ажолукка талапкерлер кандай уул-кыздарды тарбиялаган

Кыргызстанда майды аз ичкен автоунаалардын наркы кандай өзгөрдү? Инфографика

369
Sputnik Кыргызстан автоунаа базарындагы бааларды талдап, эң көп сатылган чакан автокөлүктөрдүн орточо наркы кандайча өзгөргөнүн билип көрдү.
Май аз ичкен унаа баасы 2020-жылдын декабрынан бери кандай өзгөрдү

Инфографикада автоунаалардын эң көп чыгарылган жылы көрсөтүлгөн. Талдоо 2020-жылдын 3-декабрынан 2021-жылдын 22-январына чейинки аралыкта autobaza.kg, cars.kg, turbo.kg жана mashina.kg ресурстарындагы маалыматтардын негизинде жүргүзүлгөн (көрсөткүчтөр дээрлик окшош).

Окурмандарга ыңгайлуу болуш үчүн ар бир автоунаанын орточо наркы өлкөнүн Улуттук банкынын 22-январда аныкталган курсу (бир доллар 84,7 сом) боюнча жүргүзүлдү.

Көп сатылган алдыңкы топ-9га төмөнкүлөр кирди:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Volkswagen Golf;
  • Chevrolet Spark;
  • Honda Civic;
  • Toyota Prius.

Тизмеде Lada 2107 унаасы дагы деле эң арзан болуп калууда: 2001-жылы чыккан машина 1 100 доллар, акыркы бир нече айда ал 80 долларга арзандаган. Жеткиликтүүлүгү жагынан экинчиге Daewoo Matiz чыкты. 2001-жылда чыккан унаа базарда 1 700 долларга сатылууда. Декабрда анын баасы 70 долларга кымбаттаган.

Toyota Prius күйүүчү майды аз талап кылган эң кымбат унаа катары эсептелет. 2010-жылы чыгарылган машина 9 500 доллар турат. Декабрдан тарта баа 356 долларга жогорулаган.

369
Белгилер:
Бишкек, Кыргызстан, нарк, баа, автоунаа
Тема боюнча
Кыргызстандагы эң өтүмдүү минивэн, универсал унаалардын баасы. Инфографика

Кыргызстанда жан сактоо үчүн канча каражат керек. Статкомдун эсептөөсү

411
Ведомстводон билдиришкендей, борбор калаада жашоо минимуму анча чоң эмес. Аймактарга бөлүп карай турган болсок, Бишкек шаары Жалал-Абад менен Ош облустарынан артта калат.
Кыргызстанда 2020-жылдагы жашоо минимуму

2020-жылы Кыргызстанда жашоо минимуму кандай болгонун Улуттук статистика комитетинин адистери санап чыгышты. Маалыматка караганда, былтыр бул көрсөткүч мурдагы жылга салыштырмалуу 11,5 пайызга көтөрүлүп, 5 359 сомду түзгөн.

Жашоо минимуму ай сайын азык-түлүк, тамаш-ашка кирбеген товарлар, кызматтар жана салык төлөөнүн жыйынтыгында калыптанат. Бул жерде кеп эң минималдуу чыгым тууралуу болуп жатканын эстен чыгарбашыбыз керек. Анткени мындай акча менен киши башка муктаждыктарын жаба албайт.

Жашоо минимумун кыргыз өкмөтү 2009-жылы аныктап берген. Ага эң зарыл болгон тамак-аш гана кирет. Жалпы сумманын жарымынан көбү, тагыраагы, 3 483 сому тамакка кетет. 911 сом кызматтарга, мындан азыраак сумма башка товарларга коротулуп, 100 сомдой акча салыктарга жумшалат.

Статистикалык комитеттин маалыматы боюнча, эмгекке жарамдуу аялдарга караганда эркектерге 187 сомго көбүрөөк эсептелген. Ал эми пенсионерлердики болгону 4 785 сом.

Аймактарга бөлүп караганда жашоо минимуму Жалал-Абадда баарынан жогору. Облустун бир тургунуна айына 5 755 сомдон эсептелген. Экинчи орунду 5 541 сом менен Ош облусу ээлеген. Алардан соң гана Бишкек шаары турат, киши башына 5 381 сом.

Эң аз жашоо минимуму Талас облусунда катталды. Бир таластыкка айына 4 949 сом каралган.

411
Белгилер:
жашоо, статистика, Кыргызстан, Бишкек
Тема боюнча
Бишкекте декабрда батирлер канчага бааланды. Инфографика
Кыргызстандагы эң өтүмдүү минивэн, универсал унаалардын баасы. Инфографика
Жогорку Кеңеш. Архив

Жогорку Кеңеште жаңы вице-спикер шайланууда. Көрсөтүлгөн талапкерлер

0
(жаңыланган 12:24 27.01.2021)
Төраганын орун басары кызматына парламенттин оппозициялык фракцияларынын квотасы менен көрсөтүлүп, шайланат.

БИШКЕК, 27-янв. — Sputnik. Жогорку Кеңештин депутаттары вице-спикерди шайлап жатат.

Төраганын орун басары кызматына оппозициялык фракциялардын квотасы менен көрсөтүлөт. "Ата Мекен" фракциясы Нурбек Сыдыгалиевди, "Өнүгүү – Прогресс" фракциясы Уланбек Исмаиловдун талапкерлигин сунуштады.

Мурдагы вице-спикер Мирлан Бакиров белгисиз себептерден улам өткөн жылдын 23-декабрында кызматын тапшырып кеткен.

0
Белгилер:
депутат, талапкер, шайлоо, вице-спикер, Жогорку Кеңеш, Мирлан Бакиров, Нурбек Сыдыгалиев, Уланбек Исмаилов
Тема боюнча
Садыр Жапаров премьерликтен качан кетиши керек? Өкмөттү кандай тагдыр күтөт
Аягына чейин иштесеңиз болмок. Касымалиева кызматтан кеткен Бакировго кайрылды