Кыргызстандагы эң өтүмдүү минивэн, универсал унаалардын баасы. Инфографика

461
Sputnik Кыргызстан өлкөдө көп сатылган универсал жана минивэн автоунааларынын наркы базарда канча болуп жатканын анализдеп көрдү.
Кыргызстандагы эң өтүмдүү универсал автоунаалардын орточо баасы

Бааларды autobaza.kg, cars.kg, turbo.kg жана mashina.kg порталдарынан (баалары дээрлик айырмаланбайт) карап талдадык. Окурмандарга ыңгайлуу болушу үчүн ар бир машинанын орточо баасы жарыяланган.

Эң көп сатылган автоунаалардын алдыңкы ондугуна киргендер:

  • Honda Odyssey II;
  • Subaru Outback;
  • Toyota Ipsum;
  • Honda Stepwgn II;
  • Honda Stream;
  • Toyota Caldina;
  • Volkswagen Passat B5;
  • Mercedes W203 C-класс;
  • Audi A6 II;
  • Suzuki Liana.

Инфографикада автоунаалардын эң көп чыгарылган жылы көрсөтүлгөн. Volkswagen Passat баарынан арзан туруп, 2 589дан 3 833 долларга бааланган. Ал эми Subaru Outback ондуктагы эң кымбат унаа деп табылды. Анын 2004-жылы чыгарылганын 6 541 долларга, 2008-жылкысын 8 707 долларга сатып алса болот.

461
Белгилер:
минивэн, сатуу-сатып алуу, баа, автоунаа
Тема боюнча
Кыймылдаткычы эң бекем автоунаалар аныкталды
Майды аз ичкен өтүмдүү автоунаалардын баасы. Инфографика
Кыргызстанда ЕАЭБден тыш өлкөлөрдөн автоунаа ташып келүү эрежеси өзгөрдү

Бишкектеги батирлердин февралдагы ижара баасы

54
(жаңыланган 21:45 25.02.2021)
Февралда Бишкек шаарында эки бөлмөлүү батирлердин баасы экинчи ай катары менен кымбат болууда. Рынокто баарынан көп "элиталык" типтеги батирлер турат.
Бишкектеги батирлердин февралдагы ижара акысы

Sputnik Кыргызстан агенттиги ар бир ай сайын Бишкектеги батирлердин ижара акысы тууралуу жазып келет. Баалар тууралуу ачык маалымат булактарынан алып, өткөн айга салыштырып, окурмандарга сунуштайбыз.

Бул материалды даярдоодо 460 жарнама каралды. Февралда эмеректери бар батирлердин жана мейманкана тибиндеги батирлердин ижара акысын анализдеп чыктык.

Ушул айда кыймылсыз мүлктүн бир бөлмөлүү батирлеринин ижара акысы эмереги менен алганда түрлөрүнө карабай дээрлик өскөн. Бул жерде "элиталыктарынан" башкасы тууралуу кеп болууда. Ал эми мындай типтеги турак-жайдын наркы 4 800 сомго көбөйгөн.

Эмереги менен берилген эки бөлмөлүү батир бир топ эле кымбаттаган. 105-сериядагы эки бөлмөлүү баш калка үчүн орто эсеп менен 2000, ал эми "элиталыктары" үчүн 7 000 сомдун тегерегинде көтөрүлгөн.

Окурмандарга ыңгайлуу болушу үчүн ар кыл типтеги бир, эки, үч бөлмөлүү, 104, 105, 106-сериядагы, "элиталыктардын", "өзүнчө" типтегилер менен мейманкана тибиндеги батирлердин орточо ижара акысын жана баалардын диапазонун көрсөттүк.

Ачык маалымат булактарынан алып карай келгенде, эмереги бар бир бөлмөлүү батирлердин февраль айындагы орточо баасы төмөнкүдөй болду:

  • 104-серия — 15 100 сом (10 500 - 21 000 сом);
  • 105-серия — 15 800 (12 000 - 21 000);
  • 106-серия —17 000 (13 500 - 29 600);
  • өзүнчө типтеги батирлер — 16 400 (10 000 30 200);
  • мейманкана тибиндегилер — 7500 (6000 - 10000).
  • "элиталыктары" — 20 400 (14 000 - 25 400);

Эмереги бар эки бөлмөлүү батирлердин орточо баасы:

  • 104-серия — 18 600 сом (15 000 - 24 000);
  • 105-серия — 21 200 (14 000- 29 700);
  • 106-серия — 22 800 (15 000 - 29 600);
  • өзүнчө типтеги батирлер — 23 500 (15 000 - 42 400);
  • "элиталыктары" — 40 600 (20 000 - 84 800).

Эмереги бар үч бөлмөлүү батирлердин орточо баасы:

  • 104-серия — 23 900 сом (от 16 000 - 29 700);
  • 105-серия — 24 400 (18 000 - 35 000);
  • 106-серия — 25 500 (20 000 - 38 100);
  • өзүнчө типтеги батирлер — 28 600 (13 000 - 38 100);
  • "элиталыктары" — 58 700 (30 000 -127 000).
54
Белгилер:
эмерек, анализ, баа, батир, Кыргызстан
Тема боюнча
Ипотеканы мөөнөтүнөн эрте кайтаруу: артыкчылыгы, кыйынчылыгы жана кеңештер
Бишкектеги батирлердин 2021-жылдын январына карата баасы

Кыргызстандан жыл сайын канча руда, концентрат чыгып жатат. Инфографика

301
(жаңыланган 13:08 18.02.2021)
Өткөн жылы республика аймагынан 63 миң 836 тоннадай концентрат, 162 миң тоннадан ашык руда чет жакка чыгарылып кеткен.
Кыргызстандан 2020-жылы канча тонна руда, концентрат чыгарылган?

Sputnik Кыргызстан агенттиги курамында баалуу металлдар бар руда менен концентраттар кайсы мамлекеттерге кетип жаткандыгына кызыгып көрдү.

Өнөр жай, энергетика жана жер казынасын пайдалануу мамлекеттик комитетинин маалыматына ылайык, Кыргызстанда концентрат менен жети, руда менен бир компания иш алып барат. Ал кен казган ишканалар алтын, күмүш, жез өңдүү баалуу металлдарды ылгап алуу үчүн Казакстан, Кытай, Түркияга ташыйт. Алар 2020-жылы өлкө аймагынан жалпы 226 миң 207 тоннадан ашык концентрат, руда чыгарышкан. Курамында 5 667 килограмм алтын, 11 тонна 304 килограммдан ашык күмүш жана 7343 тоннадан ашык жез болгон.

Ири көлөмдөгү концентрат, рудаларды "Вертекс Голд Компани", "Казминералз Бозымчак" жана "Алтынкен" жоопкерчилиги чектелген коому коңшу Казакстанга ташып кеткен. Мамлекеттик органдар муну кен казып иштеген чет элдик компаниялардын КРде баалуу металлдарды ылгап алуучу заводдору жок болгондугу менен түшүндүрөт.

Эскерте кетсек, 2019-жылы КРден 73 миң 401 тоннадан ашык концентрат чыгарылган. Анда 5518 килограммдай алтын, 14 тонна 272 килограмм күмүш жана 9026 тоннадан ашык жез бар экени айтылган болчу.

Концентрат — бул рудага караганда зыяндуу компоненттери аз жана курамында баалуу металлы көп болгон байытылган продукт.

Кошумчалай кетсек, 2020-жылдын соңунда алтын кенин жана концентратты казып алуу, ошондой эле сатуу менен алектенгендердин киреше салыгы жогорулатылып, 2023-жылга чейин жети пайызга, ал эми андан кийинки жылдан тартып 10 пайызга көбөймөкчү болгон.

301
Белгилер:
экономика, казуу, кен, Кыргызстан
Тема боюнча
Бишкектеги батирлердин 2021-жылдын январына карата баасы
Кыргызстанда нефть менен газ чыккан жерлердин картасы
Өлөр алдында учкучтар уруша кетишкен. Дача СУга учактын кулаган себеби
Президент Садыр Жапаров жана Россиянын президенти Владимир Путин Кремлдеги жолугушуу учурунда

Садыр Жапаровдун чет өлкөгө жасаган биринчи сапарынын жыйынтыгы. Сереп

80
(жаңыланган 00:30 26.02.2021)
Президент Садыр Жапаровдун чет өлкөгө жасаган биринчи иш сапары жыйынтыкталды. Материалдан жолугушуулардын урунттуу учурларын окуңуздар.

Садыр Жапаров Бишкектен Москвага 24-февралда учуп кеткен. Делегация дээрлик чоң эле болду. Курамына президенттин аппаратынын жетекчиси, эки вице-премьер, жети министр, эки ведомствонун жетекчилери жана Бишкек шаарынын мэринин милдетин аткаруучу дагы кирди.

Жапаров Россияга учуп кетер алдында Кыргызстан менен Россиянын өз ара мамилелери жана байланыштары жөнүндө "Союздук байланыштар" аттуу макаласын жарыялады. Анда мамлекет башчы тарыхта кыргыз-орус элинин алысташына өбөлгө түзгөн көйгөй жаралбагандыгын белгилеген.

Кийин Россиянын ири маалымат агенттиктеринин бири болгон РИА Новостиге орус-кыргыз мамилесинин абалын, кызматташууда биринчи басым эмнеге жасала тургандыгын айтып берген.

Пандемияга байланыштуу сапар расмий эмес, жумушчу болду. Мындан улам Москванын аэропортунда оркестр жана башка шаан-шөкөт уюштурулган жок.

Кремлден белгилешкендей, жумушчу сапардын программасы мазмундуу болду. Садыр Жапаров Москвага учуп келери менен Россиянын президенти, андан соң Татарстандын башчысы менен жолукту. Кийинки күнгө Россия парламентинин эки палатасынын төрагалары жана өкмөт башчысы менен жолугушуу пландалган.

Бул иш сапар Кыргызстандын жетекчилиги үчүн башкы өнөктөштүн ишенимине кирип, жакшы байланыш түзүүгө жол ачты. Ал эми Россияга алдыда ким менен иштешерин билүүгө мүмкүнчүлүк жаралды.

Владимир Путин

Россиянын лидери эки мамлекет достук гана эмес, союздук мамиле түзө алганын белгиледи. Ал ошондой эле Россия Кыргызстандагы ички саясий кырдаалын жөнгө саларына үмүт артарын айтты.

Пандемия боюнча дагы маселе козголду. Путин Россия Кыргызстанга буга чейин жардам берип келгенин, мындан ары дагы колдоо көрсөтүү үчүн болгон аракетин жасай турганын билдирди. РФ президенти КР өкмөтүнүн вирусту ооздуктоого күчү жетип жатканын канааттануу менен белгиледи. Путин эки өлкөнүн эриш-аркак жылына пандемия жолтоо болгонун эске салып, абал жакшырса орду толтуруларын айтты.

РФ лидери Кыргызстандын Конституциясына киргизилгени жаткан өзгөртүүлөр боюнча дагы кеп козгоду. Ал алдыга коюлган пландар республикадагы кырдаалды турукташтырып, КРдин өнүгүүсүнө шарт түзүп, Россия менен байланышты бекемдээрине үмүт кыларын билдирди. Мындан сырткары, ал Кыргызстан орус тилинин расмий статусун Конституцияда сактаганы Россия үчүн дагы, кыргызстандыктар үчүн дагы маанилүү экенин кошумчалаган.

Ал эми Садыр Жапаров өтө кыйын болуп турган мезгилде жана пандемия учурундагы көрсөткөн колдоого өзгөчө ыраазычылыгын билдирди. Ошондой эле ЕАЭБ, КМШ, ЖККУ жана ШКУнун алкагында кызматташуу ниетинде экенин айтты. Ал ошондой эле коронавируска каршы россиялык вакцинанын майнаптуулугун жана коопсуздугун дүйнө коомчулугу таанып жаткандыгын белгилеп, жакынкы арада Кыргызстан дагы эмдөө кампаниясын баштайт деген үмүттө экенин кошумчалады.

Рустам Минниханов

Андан кийин Жапаров Татарстандын президенти Рустам Минниханов менен жолукту. Жолугушуу таанышуу мүнөздө өттү. Президенттер эки элдин ортосундагы экономикалык жана маданий байланышты күчөтүү зарылдыгын айтышты.

Президент Кыргызстана Садыр Жапаров во время встречи с президентом Татарстана Рустамом Миннихановым в рамках визита в РФ
© Пресс-служба президента КР / Султан Досалиев
Андан кийин Жапаров Татарстандын президенти Рустам Минниханов менен жолукту

Парламенттик деңгээл

Кийинки күнү Жапаров Федералдык кеңештин (парламенттин жогорку палатасы) төрайымы Валентина Матвиенко менен көрүштү. Анда кыргыз-орус кызматташтыгы тууралуу пикир алышуу болду. Матвиенко Жапаровдун чет өлкөгө жасаган алгачкы эле сапарында Россияга келишин эки мамлекеттин мамилеси жогорку деңгээлде экенин айгинелегенин белгиледи. Путин сыяктуу ал дагы Кыргызстанда орус тилинин расмий макамынын сакталышынын маанилүүлүгүн айтты.

Ага чейин Кыргызстандын өлкө башчысы Россиянын Мамлекеттик Думасынын (парламенттин төмөнкү палатасы) төрагасы Вячеслав Володин менен жолуккан. Алар эки тараптуу кызматташуунун келечеги, анын ичинде Кыргызстан менен Россиянын ортосундагы мамилелерди тереңдетүүдөгү парламенттер аралык кызматташуунун ролу жөнүндө пикир алмашкан. Володин ошондой эле Кыргызстанда жакында эле өткөн президенттик шайлоо тууралуу кеп салып, АКШдагы шайлоого караганда бир кыйла ачык өткөнүн айтты.

Михаил Мишустин

Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү. Россия өкмөтүнүн башчысы эки тараптуу мамилелерди мазмундуу жаңы деңгээлге чыгарып, жаңы долбоорлор менен толтурууга кызыкдар экендигин айтты.

Өз кезегинде Жапаров пандемия учурунда гуманитардык, каржылык жана техникалык жардам көрсөткөн колдоосу үчүн Россия өкмөтүнө ыраазычылыгын билдирди. Ошондой эле эки мамлекеттин ортосундагы бардык потенциалды толук ачып берүүгө умтулаарын кошумчалады.

Президент Кыргызстана Садыр Жапаров встретился с председателем правительства России Михаилом Мишустиным в рамках своего визита в Москву
© Пресс-служба президента КР / Султан Досалиев
Садыр Жапаров буга чейин Михаил Мишустин менен телефон аркылуу сүйлөшкөнү менен Россиянын башка жетекчилери сыяктуу аны менен да алгачкы ирет көрүштү

Мигранттар менен жолугушуу

Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти. Ал мигранттардын Кыргызстандын экономикасына кошкон салымы чоң экенин белгилеп, аларды мекенге кайтаруу үчүн шарт түзүүгө убада берди.

Президент сүйлөп жатып, үй ээлери салык төлөөдөн качып мигранттарды каттоодон баш тартышаарын, мындан улам келип чыккан миграциялык каттоонун көйгөйү жөнүндө билерин айтты. Президент маселени чечүү жолдорун да атады.

Кыргызстанцы проживающие в России на встрече с президентом КР в рамках его рабочего визита в РФ
© Пресс-служба президента КР / Султан Досалиев
Жапаров Путин менен жолугушкандан кийин эле Москвада иштеп, жашап жүргөн мекендештер менен кезикти

Россиянын бизнес өкүлдөрү менен жолугушуу

Россиядан инвестиция алып келүү иш сапардын маанилүү милдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты. Президент ишкерлерди тигүү, айыл чарба продукцияларын кайра иштетүү, логистикалык борборлорду куруу сыяктуу тармактарга каражат салууга чакырды.

 Президент Кыргызстана Садыр Жапаров встретился с представителями крупного российского бизнеса в Москве в рамках своего визита в РФ
© Пресс-служба президента КР / Султан Досалиев
Россиядан инвестиция алып келүү иш сапардын маанилүү млдеттеринин бири экенин Жапаров Москвага жөнөй электе айткан. Жолугушууга россиялык 40ка жакын ири компаниялардын башчылары катышты

Жыйында болгон сүйлөшүүлөр тууралуу конкреттүү маалыматтар айтылган жок. Деген менен президент жана өкмөт мүчөлөрү россиялык ишкерлердин суроолоруна жооп берди.

Эки күндүк иш сапардын соңунда кыргызстандык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү.

Президент Кыргызской Республики Садыр Жапаров возложил венок к могиле неизвестного солдата у Кремлевской стены в городе Москва. 25 февраля 2021 года
© Пресс-служба президента КР / Султан Досалиев
Эки күндүк иш сапардын соңунда кыргызстадык делегация Кремлдеги белгисиз жоокердин эстелигине гүлчамбар коюп, Улуу Ата Мекендик согуш жылдарында каза болгондорду эскерип бир мүнөттүк аза күтүштү

Кандай документтерге кол коюлду?

Иш сапардын аякташы менен Кыргызстандын тышкы иштер министри Руслан Казакбаев кесиптеши Сергей Лавров менен жолукту. Алар төрт документке кол коюшту:

  • КР өкмөтү менен РФ өкмөтүнүн ортосундагы Кыргызстандагы идентификациялоо каражаттары менен товарларды маркировкалоо системасын түзүү максатында Россия тарабынан Кыргызстанга кайтарылгыс техникалык жардам көрсөтүү жөнүндө макулдашуу;
  • КР Коргоо министрлиги менен РФ Коргоо министрлигинин ортосундагы Кыргызстандын аймагында пилотсуз учуучу аппараттарды колдонуу жөнүндө протокол;
  • КР менен РФтин 2021-2025-жылдарга карата коргоо ведомстволорунун башчыларынын ортосундагы аскер жаатындагы стратегиялык өнөктөштүгүн өнүктүрүү программасы;
  • КР Айыл, суу чарба жана аймактарды өнүктүрүү министрлиги менен РФ Айыл чарба министрлигинин ортосундагы айыл чарба продукциясын жеткирүү жаатында кызматташуу жөнүндө өз ара түшүнүшүү меморандуму.
80
Белгилер:
Вячеслав Володин, Михаил Мишустин, Валентина Матвиенко, Владимир Путин, кызматташуу, документ, Москва, иш сапар, Садыр Жапаров, президент, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга экономиканы көмүскөдөн чыгарууга 623 млн. сом берет
Путин: Россия Кыргызстанга мындан ары да колдоо көрсөтөт
Кызматташууну бекемдейбиз. Жапаров Путин менен жолукканда эмне деди