Бишкекте ижарага берилчү батирлердин декабрдагы баасы. Инфографика

354
Ноябрь айына салыштырмалуу 105-сериядагы бир бөлмөлүү батирдин ижара акысы өссө, эки бөлмөлүү батирлер арзандаган.
Бишкектеги батирлердин декабрдагы ижара  акысы

Sputnik Кыргызстан агенттигинин кабарчысы ай сайын Бишкектеги батирдин ижара акысына ачык маалыматтар аркылуу байкоо салып турат.

Бул материалды даярдоодо 1400 жарыя каралды. Ноябрь айына салыштырмалуу 105-сериядагы бир бөлмөлүү батирдин ижара акысы өстү. Тагыраагы, эмереги бар батирди ижаралоо 800 сомго, эмереги жогу 1300 сомго кымбаттаган. Ал эми эмерек коюлган "элиткаларды" өткөн айга караганда 5000 сомго арзан табууга болот.

Орто эсеп менен алганда, эмереги бар эки бөлмөлүү батирлердин ижара акысы арзандаган. 105 жана 106-сериядагы эки бөлмөлүү батирлердин ортосундагы айырма 800 сомду түздү. Эки бөлмөлүү "элиткаларды" 10 500 сомго чейин арзан табууга мүмкүн болду.

Белгилей кетсек, бул айда кыймылсыз мүлк рыногуна 106-сериядагы, жеке типтеги жана "элитакалардагы" эмереги жок үч бөлмөлүү батирлер чыккан жок.

Окурмандарга ыңгайлуу болсун деп түрдүү типтеги батирлердин ижара акысынын диапазонун жана орточо баасын көрсөттүк.

Ачык булактардагы маалыматка караганда, декабрда эмереги бар бир бөлмөлүү батирдин баасы:

  • 104-серия — 13 400 сом (10 000ден 20 000 сомго чейин);
  • 105-серия — 14 600 (11 000ден 20 500гө чейин);
  • 106-серия — 14 700 (10 000ден 22 000ге чейин);
  • жеке типтеги батир — 14 700 (12 000ден 25 000ге чейин);
  • "элиткалар" — 21 300 (14 000ден 34 800гө чейин);
  • мейманкана тибиндеги — декабрда варианттар болгон жок.

Эмереги жок:

  • 104-серия — 12 900 сом (10 000ден 15 000 сомго чейин);
  • 105-серия — 13 300 (10 000ден 18 000ге чейин);
  • 106-серия — 11 400 (10 000ден 14 000ге чейин);
  • жеке типтеги батир — 12 200 (9 000ден 17 000гө чейин);
  • "элиткалар" — 17 000 (10 000ден 23 000ге чейин);
  • мейманкана тибиндеги — 7 420 (6 000ден 10 000ге чейин).

Эмереги бар эки бөлмөлүү батирдин ижара акысы:

  • 104-серия — 18 000 сом (14 000ден 30 000 сомго чейин);
  • 105-серия — 18 800 (13 000ден 28 200гө чейин);
  • 106-серия — 19 800 (15 000ден 25 900гө чейин);
  • жеке типтеги батир — 24 100 (12 000ден 56 000ге чейин);
  • "элиткалар" — 30 500 (18 000ден 69 700гө чейин).

Эмереги жок:

  • 104-серия — 15 200 сом (13 000ден 20 000 сомго чейин);
  • 105-серия — 15 200 (13 000ден 23 200ге чейин);
  • 106-серия — 21 300 (10 000ден 24 000ге чейин);
  • жеке типтеги батир — 16 500 (10 000ден 31 300гө чейин);
  • "элиткалар" — 27 300 (17 000ден 39 600гө чейин).

Эмереги бар үч бөлмөлүү батирлердин баасы:

  • 104-серия — 22 300 сом (18 000ден 30 000 сомго чейин);
  • 105-серия — 21 900 (18 000ден 38 300гө чейин);
  • 106-серия — 29 500 (20 000ден 69 700гө чейин);
  • жеке типтеги батирлер — 29 500 (22 000ден 55 700гө чейин);
  • "элиткалар" — 43 600 (20 900дөн 125 400гө чейин).

Эмереги жок:

  • 104-серия — 21 000 сом (12 000ден 25 500 сомго чейин);
  • 105-серия — 19 500 (16 000ден 25 400гө чейин);
  • 106-серия — декабрда варианттар болгон жок;
  • жеке типтеги батирлер — декабрда варианттар болгон жок;
  • "элиткалар" — декабрда варианттар болгон жок.
354
Белгилер:
баа, батир, ижара, Бишкек, Кыргызстан
Тема боюнча
Бишкекте азыр батир сатып алуу арзанга түшөбү? Эксперт менен маек
Бишкектеги батирлер канча турат? Ноябрь айындагы баалар

Өлөр алдында учкучтар уруша кетишкен. Дача СУга учактын кулаган себеби

2162
(жаңыланган 13:18 14.01.2021)
Учкучтар өлөр алдында эмне тууралуу кеп кылышкан? Алардын негизги катасы эмне болгон? Дача СУдагы учак кырсыгынын себеби эмнеде? Биз ушул жана башка суроолорго жооп алдык.

Так төрт жыл мурда жүк ташыган "Боинг" Бишкектин четиндеги Дача СУ айылына кулаган. Кырсыктан 39 адам, тагыраагы, 35 кыргызстандык жана экипаждын төрт мүчөсү каза болгон. Учкучтардын ката кетиришине эмне себеп болгонун билүү үчүн биз эксперттерге кайрылып, Мамлекеттер аралык авиациялык комитеттин отчету менен тааныштык.

Көрсө, трагедия алдында учкучтардын кабинасында абал курчуп кеткен экен. Кыргызстандык диспетчер инструкция боюнча иш алып барганына карабай аны тилдеп жатышкан.

2162
Белгилер:
учак, авиакырсык, Дача СУ

Президенттикке талапкерлер үчүн ар бир добуш канча сомго айланды

304
(жаңыланган 15:41 11.01.2021)
Кыргызстандын президенттигине талапкерлер 9-январга карата алынган маалымат боюнча жалпы жонунан 122,9 миллион сом сарптаган. Кимиси көп, кимиси аз акча сарптаганын Sputnik агенттигинин инфографикасынан көрүңүздөр.
Шайлоодо талапкерлер ар бир добушка канча акча жумшады

БИШКЕК, 11-янв. — Sputnik. Кыргызстанда 10-январь күнү президенттик шайлоо өттү. Ушу тапта автоматтык саноочу урналардын (АСУ) эсеби менен чыккан алдын ала жыйынтык белгилүү болуп, бюллетендерди кол менен саноо уланып жатат.

Алдын ала жыйынтык боюнча, Садыр Жапаров биринчи болуп келүүдө.

Sputnik агенттигинин кабарчылары шайлоого катышкан ар бир талапкер бир добушка канча акча коротконун эсептеп көрүүнү чечти. Маалыматтар Борбордук шайлоо комиссиясынан алынган.

Материалды даярдоодо шайлоо фондуларынын 9-январга карата абалы эске алынды. Ал эми ар бир добуштун баасын эсептөөдө 11-январь күнү саат 11.00дө АСУнун эсеби боюнча алынган маалыматтар пайдаланылды. Бул жыйынтык расмий болуп эсептелбей турганын эске салабыз.

Тизмеде биринчи орунда ар бир добуш 2 487 сомго айланган Жеңишбек Байгуттиев турат. Жалпы жонунан ал шайлоого 3,3 миллион сомдон ашык каражат сарптап, алдын ала жыйынтык боюнча, 1,3 миң шайлоочунун добушуна ээ болгон. Андан кийинки саптарды Арстанбек Абдылдаев, Равшан Жээнбеков, Каныбек Иманалиев, Курсан Асанов, Бабыржан Төлбаев, Аймен Касенов, Имамидин Ташов, Абдил Сегизбаев, Канатбек Исаев, Эльдар Абакиров, Бактыбек Калмаматов, Улукбек Кочкоров, Клара Сооронкулова, Садыр Жапаров жана Мыктыбек Арстанбек ээлеген.

Ал эми Адахан Мадумаров эң эле сарамжалдуу талапкер болду. Бир добуштун "баасы" 33 сомго айланган. Жалпы жонунан шайлоого 3 миллион сомдон ашуун каражат коротуп, алдын ала жыйынтык боюнча, экинчи орунду ээледи. Кызыгы, Мадумаров 2017-жылы өткөн президенттик шайлоодо да добуш "арзанга түшкөн" (13 сом) талапкер болгон эле.

304
Белгилер:
рейтинг, талапкер, фонд, каражат, акча, шайлоочу, добуш, БШК, президенттик шайлоо
Тема:
Кыргызстандагы президенттик шайлоо – 2021
Тема боюнча
Шайлоодо жеңген Садыр Жапаров Кыргызстанды кантип өнүктүрмөкчү? Убадалары
Токаев Жапаровду жеңиши менен куттуктап, Казакстанга келип кетүүгө чакырды
Президенттик шайлоо менен референдумга КМШ байкоочулары кандай баа берди
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн