Акыркы 10 жылда түрмөдө жаткан канча кишиге ырайым берилген? Инфографика

174
Өткөн жылдын ноябрь айында ошол кездеги президенттин милдетин аткаруучу Садыр Жапаров соттолгон 230 кишиге ырайым берип, 38 жарандын жаза мөөнөтү кыскартылган. Жарлыкты коомчулук түрдүү кабыл алып, анын айланасында кызуу талкуу жаралган.
Акыркы 10 жылда түрмөдө жаткан канча кишиге ырайым берилген?

Sputnik Кыргызстан агенттиги акыркы он жылда абактагы канча адамга ырайым кылынгандыгын тактап көрдү.

Жаза аткаруу мамлекеттик кызматынын маалыматына ылайык, өткөн жылдын ноябрь айында жазадан бошотулгандардын 245и эркек, 23ү аял киши. Тизмеге киргендердин басымдуу бөлүгү жеңил кылмыш жасагандар. Арасында түрмөдөн качкандар жана эл аралык издөөдө жүргөндөр болгон эмес. Андан сырткары, 2020-жылдын башынан октябрь айына чейин тогуз адам ырайымга туш болуп, жыйынтыгында узап кеткен жылы 277 жаран эркиндикке чыккан.    

Ал эми 2011-жылдын башынан 2020-жылдын октябрь айына чейин жалпы 70 адамга ырайым берилип, анын 53үчүнүн жаза өтөө мөөнөтү кыскарса, калган 17си жазадан бошотулган.

Жогорудагы аракеттер "Мунапыс берүүнүн жана ырайым кылуунун жалпы принциптери жөнүндө" мыйзамынын негизинде жүргүзүлөт жана ырайым кылуу өлкө башчынын конституциялык укугу болуп саналат. 2020-жылы Президенттин алдындагы ырайым кылуу боюнча комиссиясына 2000дин айланасында кайрылуу түшкөн.

174
Белгилер:
ырайым берүү, сот, Садыр Жапаров, президент, Кыргызстан
Тема боюнча
Эмне үчүн Жапаров ырайым берген 230 кишинин тизмеси жарыяланбайт. Расмий жооп
№50 абактан 9 кылмышкер качкан кандуу окуя. Кимдер жазаланып, эмне өзгөрдү?
Садыр Жапаров соттолгондордун арасынан кимдерге ырайым берилерин айтты
Киши кайсы берене менен кесилсе да президент ырайым кыла алат. Эксперттин пикири

Өлөр алдында учкучтар уруша кетишкен. Дача СУга учактын кулаган себеби

2256
(жаңыланган 13:18 14.01.2021)
Учкучтар өлөр алдында эмне тууралуу кеп кылышкан? Алардын негизги катасы эмне болгон? Дача СУдагы учак кырсыгынын себеби эмнеде? Биз ушул жана башка суроолорго жооп алдык.

Так төрт жыл мурда жүк ташыган "Боинг" Бишкектин четиндеги Дача СУ айылына кулаган. Кырсыктан 39 адам, тагыраагы, 35 кыргызстандык жана экипаждын төрт мүчөсү каза болгон. Учкучтардын ката кетиришине эмне себеп болгонун билүү үчүн биз эксперттерге кайрылып, Мамлекеттер аралык авиациялык комитеттин отчету менен тааныштык.

Көрсө, трагедия алдында учкучтардын кабинасында абал курчуп кеткен экен. Кыргызстандык диспетчер инструкция боюнча иш алып барганына карабай аны тилдеп жатышкан.

2256
Белгилер:
учак, авиакырсык, Дача СУ

Президенттикке талапкерлер үчүн ар бир добуш канча сомго айланды

309
(жаңыланган 15:41 11.01.2021)
Кыргызстандын президенттигине талапкерлер 9-январга карата алынган маалымат боюнча жалпы жонунан 122,9 миллион сом сарптаган. Кимиси көп, кимиси аз акча сарптаганын Sputnik агенттигинин инфографикасынан көрүңүздөр.
Шайлоодо талапкерлер ар бир добушка канча акча жумшады

БИШКЕК, 11-янв. — Sputnik. Кыргызстанда 10-январь күнү президенттик шайлоо өттү. Ушу тапта автоматтык саноочу урналардын (АСУ) эсеби менен чыккан алдын ала жыйынтык белгилүү болуп, бюллетендерди кол менен саноо уланып жатат.

Алдын ала жыйынтык боюнча, Садыр Жапаров биринчи болуп келүүдө.

Sputnik агенттигинин кабарчылары шайлоого катышкан ар бир талапкер бир добушка канча акча коротконун эсептеп көрүүнү чечти. Маалыматтар Борбордук шайлоо комиссиясынан алынган.

Материалды даярдоодо шайлоо фондуларынын 9-январга карата абалы эске алынды. Ал эми ар бир добуштун баасын эсептөөдө 11-январь күнү саат 11.00дө АСУнун эсеби боюнча алынган маалыматтар пайдаланылды. Бул жыйынтык расмий болуп эсептелбей турганын эске салабыз.

Тизмеде биринчи орунда ар бир добуш 2 487 сомго айланган Жеңишбек Байгуттиев турат. Жалпы жонунан ал шайлоого 3,3 миллион сомдон ашык каражат сарптап, алдын ала жыйынтык боюнча, 1,3 миң шайлоочунун добушуна ээ болгон. Андан кийинки саптарды Арстанбек Абдылдаев, Равшан Жээнбеков, Каныбек Иманалиев, Курсан Асанов, Бабыржан Төлбаев, Аймен Касенов, Имамидин Ташов, Абдил Сегизбаев, Канатбек Исаев, Эльдар Абакиров, Бактыбек Калмаматов, Улукбек Кочкоров, Клара Сооронкулова, Садыр Жапаров жана Мыктыбек Арстанбек ээлеген.

Ал эми Адахан Мадумаров эң эле сарамжалдуу талапкер болду. Бир добуштун "баасы" 33 сомго айланган. Жалпы жонунан шайлоого 3 миллион сомдон ашуун каражат коротуп, алдын ала жыйынтык боюнча, экинчи орунду ээледи. Кызыгы, Мадумаров 2017-жылы өткөн президенттик шайлоодо да добуш "арзанга түшкөн" (13 сом) талапкер болгон эле.

309
Белгилер:
рейтинг, талапкер, фонд, каражат, акча, шайлоочу, добуш, БШК, президенттик шайлоо
Тема:
Кыргызстандагы президенттик шайлоо – 2021
Тема боюнча
Шайлоодо жеңген Садыр Жапаров Кыргызстанды кантип өнүктүрмөкчү? Убадалары
Токаев Жапаровду жеңиши менен куттуктап, Казакстанга келип кетүүгө чакырды
Президенттик шайлоо менен референдумга КМШ байкоочулары кандай баа берди
Студенттер лекция учурунда. Архив

РФ ЖОЖдору бюджетке кабыл ала баштады. Кыргызстандыктар эмнени билиши керек

0
(жаңыланган 11:37 16.01.2021)
Жогорку окуу жайларга документтерди мектеп бүтүрүүчүлөрү да, орто окуу жайды аяктагандар да тапшырса болот. Талапкерлерди кабыл алуу Россотрудничествонун КРдеги өкүлчүлүгү аркылуу гана жүрөт.

БИШКЕК, 16-янв. — Sputnik. Россияда 2021-2022-окуу жылына бюджеттик окуу жайларга документтерди кабыл алуу жарыяланды. Бул тууралуу маалымат Россотрудничествонун расмий сайтына чыкты.

Документтерди кабыл алуу Россия өкмөтү кыргызстандыктар үчүн бекиткен квотага ылайык жүрөт. РФтин ЖОЖдорунан билим алууну каалагандарды тандоо түздөн-түз Россотрудничествонун КРдеги өкүлчүлүгү аркылуу өтүп, башка эч кандай жол, ортомчулук болбойт.

Окуу жайларга документтерди мектеп бүтүрүүчүлөрү да, орто окуу жайды аяктагандар да тапшыра алышат. Эгерде талапкер документин тапшырган учурда башка жакта билим алып жаткан болсо, анда баалары менен кошо академиялык справкасын алып келүүсү керек.

Документтерди кабыл алуу 2021-жылдын 20-январынан 20-февралына чейинки аралыкта бир гана EDUCATION IN RUSSIA сайтында жүргүзүлөт. Көрсөтүлгөн убакыттан кеч берилген документтер каралбайт.

Каттоого алуу өтө кыска убакытта жүргүзүлөт. Ошондуктан документтерди алдын ала даярдоо зарыл. Аларды толтуруу боюнча консультация 2021-жылдын 26-январынан тарта аптасына эки жолу (шейшемби, бейшемби күндөрү) саат 17:00дөн 18:00гө чейин жүргүзүлөт.

Бардык документтерди электрондук түрдө (файлдар pdf форматында болушу зарыл, бир документ — бир файл, файлдын көлөмү 3 Мбайттан ашпашы талап кылынат) EDUCATION IN RUSSIA сайтына жүктөө керек. Ар бир файлдын аталышы (аты-жөнү жана документтин аталышы) болушу зарыл.

Сурап-билүү үчүн +996 (312) 300-512 телефону же abiturient@kgz.rs.gov.ru электрондук почтасы аркылуу кайрылууга болот.

0
Белгилер:
документ, Кыргызстан, бюджет, билим берүү, ЖОЖ, Россия
Тема боюнча
Россиянын алдыңкы ЖОЖдоруна кантип өтүү керек? Пайдалуу портал
Россияда билим алууга квота бөлүү: система реформаланат, орун көп болот