Бишкектеги батирлердин 2021-жылдын январына карата баасы

208
Борбор калаадагы батирлер январда орто эсеп менен 2020-жылдын декабрь айына салыштармалуу кымбаттады. Бирок үч бөлмөлүү "хрущевкалар" арзандаган.
Бишкектеги батирлердин 2021-жылдын январына карата  баасы

Буга чейин Sputnik Кыргызстан агенттиги Бишкектеги батирлердин ижара акысы тууралуу жазып келген. Мындан ары алардын сатылыш бааларына дагы байкоо салып турат. Бул материалды даярдоодо 2 111 жарнама каралды.

Окурмандарга ыңгайлуу болушу үчүн ар кыл типтеги бир, эки, үч бөлмөлүү, 104, 105, 106-сериядагы жана "хрущевка", андан сырткары, өзүнчө типтеги батирлердин бааларын көрсөттүк.

Батирлер январь айында орто эсеп менен 2020-жылдын декабрь айына салыштармалуу кымбаттады. Мисалы, өзүнчө типтеги бир бөлмөлүү батирлердин баасы 1000 долларга көтөрүлдү. Ал эми 105-сериядагы батирлер — 500, өзүнчө типтеги эки бөлмөлүү батирлер 3 800 долларга жогорулаган. 106-сериядагы батир үчүн мурдагыдан 2 200 долларга көбүрөөк акча берүүгө туура келет.

Бирок ушул эле 106-сериядагы бир бөлмөлүү батирлер менен "хрущевкалар" бир аз арзандаган. Мисалы, үч бөлмөлүү "хрущевканы" 1 100 долларга мурдагыдан арзан сатып алса болот.

 

Ачык булактагы маалыматтар боюнча бир бөлмөлүү батирлердин январь айындагы баасы:

  • 104-серия — 30 500 доллар (24 000 - 34 500 доллар);
  • 105-серия — 28 900 (20 000 - 36 900);
  • 106-серия —31 500 (24 500 - 45 000);
  • "хрущевка" — 26 400 (20 000 - 35 000);
  • өзүнчө типтеги батирлер — 30 000 (12 500 - 57 500).

 

Эки бөлмөлүү батирлердин орточо баасы:

  • 104-серия — 36 600 (25 000 - 45 000 доллар);
  • 105-серия — 41 700 (33 500-56 000);
  • 106-серия — 46 100 (35 000 - 68 000);
  • "хрущевка" — 32 900 (24 000 - 45 500);
  • өзүнчө типтеги батирлер — 41 900 (20 000 - 90 000).

 

Үч блмөлүү батирлердин орточо баасы:

  • 104-серия — 44 100 (35 500 - 59 000 доллар);
  • 105-серия — 53 100 (35 900 - 76 500);
  • 106-серия — 58 100 (44 000 - 75 000);
  • "хрущевка" — 39 000 (35 000 - 48 500);
  • өзүнчө типтеги батирлер — 60 100 (20 000 - 180 000).
208
Белгилер:
баа, батир, Бишкек

Кыргызстандагы эң кымбат 10 университеттин тизмеси жана баалары

765
(жаңыланган 13:20 01.03.2021)
Билим берүү жана илим министрлиги Кыргызстандагы окуу акысы эң кымбат 10 жогорку окуу жайдын тизмесин жарыялады. Арасында акысы 50 миң сомдон жарым миллионго чейин чапчыгандары бар.
Кыргызстандагы  эң кымбат 10 университет

Кыргызстандагы эң кымбат университет болуп АУЦА эсептелет. Билим берүү министрлигинин маалыматына караганда, жылына орто эсеп менен студент 482 400 сом төлөйт.

Экинчи сапта Медицинанын эл аралык жогорку мектеби. Бул жерде жалаң гана чет элдиктер билим алышат. Студент жылына 210 000 сом төлөйт.

Салымбеков атындагы университетте бир жылдык окуу акысы жергиликтүү студенттер үчүн 75 миң, чет элдиктерге 165 миң сомго жетет.

Эл аралык медицина университетинин окуу акысы жеткиликтүүрөөк. Анда кыргызстандыктар жылына 93 миң, чет элдиктер 151 миң сом төлөшөт.

Кымбаттыгы боюнча алдыңкы беш сапка кирген окуу жайлардын катарында "Ала-Тоо" эл аралык университети бар. Жергиликтүүлөр үчүн жылына 80 миң сом болсо, чет элдиктер 173 миң сом төлөшү керек.

765
Белгилер:
контракт, кымбат, Университет, Кыргызстан
Тема боюнча
Бишкектеги автомектептердин тизмеги. Шарты жана баалары

Эл көп алган машиналар 1 000 долларга чейин арзандады. Инфографика

1012
(жаңыланган 12:35 01.03.2021)
Ар жума сайын унаа базарындагы машиналардын баасына көз жүгүртүп турабыз. Sputnik Кыргызстан даярдаган инфографикада эл көп алган 15 унаанын наркы көрсөтүлөт.
Кыргызстандагы эң өтүмдүү автоунаалардын баасы кандай өзгөрдү

Кыргызстандыктар үчүн өткөн жумадагы эң популярдуу автокөлүктөр төмөнкүлөр болду:

  • Toyota Camry;
  • Daewoo Nexia;
  • Honda Fit;
  • Honda CR-V;
  • E класстагы Mercedes-Benz;
  • Daewoo Matiz;
  • 5-сериядагы BMW;
  • Volkswagen Passat;
  • Honda Accord;
  • Honda Odyssey;
  • Lexus GX;
  • Hyundai Sonata;
  • Lada 2107;
  • Toyota Prius;
  • Toyota RAV4.

Инфографикада өтүмдүү унаалардын орточо баасы чыгарылган. Мониторинг 2020-жылы ноябрда жана 2021-жылдын февралынын соңунда autobaza.kg, cars.kg жана mashina.kg сайттарындагы маалыматтарга таянуу менен жүргүзүлгөн.

Тизмеде эң кымбат деп эсептелген түрдүү үлгүдөгү унаалардын наркы бир топ төмөндөй түшкөнү байкалат.

2017-жылы чыккан Toyota Camry, 2008-жылы чыгарылган E класстагы Mercedes-Benz жана 2016-2017-жылкы Toyota RAV4 орто эсеп менен 1 000 долларга арзандаган. Ошондой эле 2003-2008-жылдары сатыкка чыккан Lexus GX баасы 400 доллардан 1 000 долларга чейин түшкөн.

Ал эми 5-сериядагы BMW, Hyundai Sonata, Toyota Prius бир аз баасын көтөрүп, мурдагы жумага салыштырмалуу 100-300 долларга кымбаттаган.

Аналитиктер баалардын өсүшү автоунаанын техникалык абалына жана тез арада сатылышына байланыштуу экенин айтышууда.

1012
Белгилер:
арзандоо, баа, базар, автоунаа, Кыргызстан
Тема боюнча
Курулуш компанияларынын жетекчилери Марипов менен жолугуп, көйгөйүн айтышты
Ооруканадагы дарыгер. Архив

Жеке клиниканын башкы дарыгери Матраимовдун абалы начар экенин айтты

0
(жаңыланган 18:22 03.03.2021)
Матраимов УКМКнын тергөө абагынан жеке клиникага качан которулганы айтылган жок. Атайын кызмат бул боюнча комментарий берүүдөн баш тартты.

БИШКЕК, 3-мар. — Sputnik. Бишкектеги кардиологиялык жеке клиникалардын биринин башкы дарыгери Дамир Осмонов Бажы кызматынын жетекчисинин мурдагы орун басары Райымбек Матраимовдун саламаттыгы боюнча маалымат берди.

"Бейтаптын кан басымы кооптуу чекке жеткен абалда келди. Азыр дагы улам өзгөрүп жатат. Абалы туруктуу эмес. Чукул арада ден соолугун текшерүү керек, биринчи кезекте коронарографиядан жана бөйрөк артериясы боюнча текшерүүдөн өткөрүү зарыл. Анын абалы толук турукташканча медициналык көзөмөлдө болот", — деди Осмонов.

Матраимов УКМКнын тергөө абагынан жеке клиникага качан которулганы айтылган жок. Атайын кызмат бул боюнча комментарий берүүдөн баш тартты.

Бажы кызматынын жетекчисинин мурдагы орун басары буга чейин артериялык кан басымы жогорулап жатканын айтып даттанган.

Эскерте кетсек, Матраимов экинчи ирет 18-февралда кармалып, эки күндөн кийин Биринчи май райондук соту эки айга камакка алуу чечимин чыгарган.

0
Белгилер:
абал, клиника, Райымбек Матраимов, Кыргызстан
Тема боюнча
Абактагы Райым Матраимов кан басымы көтөрүлүп жатканын айтты