Кыргызстанда майды аз ичкен автолордун кээси арзандады. Инфографика

712
Sputnik Кыргызстан агенттиги өлкөдөгү автоунаа базарына көз салып, эң үнөмдүү автокөлүктөрдүн орточо баасы канчалык өзгөргөндүгүнө кызыгып көрдү.
Кыргызстанда үнөмдүү автолордун  баасы кандай өзгөрдү

Инфографикада эл арасында кеңири колдонулган автокөлүктөрдүн жылы, баалары көрсөтүлдү. Атайын мониторинг 2021-жылдын январь айынан апрелге чейин жүргүзүлүп, маалымат булактары катары autobaza.kg, cars.kg, turbo.kg жана mashina.kg сайттарындагы жарнамалар анализденди.

Эң көп сатылган алдыңкы он автоунаага төмөндөгүлөр кирди:

  • Daewoo Matiz;
  • Honda Fit;
  • Lada 2107;
  • Toyota Ist;
  • Hyundai Getz;
  • Volkswagen Golf;
  • Mazda Demio;
  • Chevrolet Spark;
  • Honda Civic;
  • Toyota Prius.

Булардын арасынан Chevrolet Spark, Volkswagen Golf, Hyundai Getz унаалары өзгөчө кымбаттады. 2021-жылдын январь айына салыштырмалуу баалардын үстүнө 100дөн 800 долларга чейин кошулду. Toyota Ist, Lada 2107 жана Mazda Demio унаалары, тескерисинче, арзандады. Азыр аларды 100-600 долларга төмөнүрөөк сатып алууга болот.

712
Белгилер:
базар, баа, автоунаа, Кыргызстан
Тема боюнча
Бишкекте бензиндин баасы 50 сомдон ашты

Эл арасында инфекциялык оорулар үч эсеге азайды. Статистика

53
Коронавирус пандемиясы элди бет кап тагынып, колду тез-тез жууп жана профилактикалык чараларды көрүүгө көндүрдү.
Инфекциялык жана паразит ооруларына чалдыгуу көрсөткүчү 2020-жылы кандай өзгөрдү

2020-жылы кыргызстандыктар башка инфекциялык ооруларга азыраак чалдыга баштадыбы? Бул суроого Sputnik Кыргызстандын журналисти Статистика боюнча улуттук комитеттен жооп алды.

Статкомдун маалыматына караганда, былтыр 100 миң кишиге эсептегенде сакоо (свинка — ред.) оорусунун азайганы байкалып, 2019-жылга карата 12 эсеге аз катталган.

Эске сала турган дагы бир тенденция ичеги-карын инфекцияларына байланыштуу, анын үч эсеге азайганы маалым болду. Тагыраагы, 100 миң адамга алганда 519,6дан 171 учурга түшкөн. Ушундай эле көрсөткүч менингитке байланышкан. Анын төмөндөшү 2,5 эседен да көбүрөөк болгон. Вирустук гепатит боюнча да ушул эле сандар чыкты.

Курч респиратордук инфекциялар (КРВИ) 2,2 пайызга түшсө, грипп 40 пайызга көбөйүп кеткен.

Салыштыруу үчүн алсак, 2019-жылы грипп менен ооругандар 100 миң адамга алганда 3,8 учур болсо, былтыр көрсөткүч 5,3 учурду түзгөн.

53
Белгилер:
статистика, грипп, инфекциялык оору, Кыргызстан
Тема боюнча
Лабораториялык борбордун жетекчиси: вирус барган сайын өзгөрүп жатат

Кыргызстандагы эл көп алган машиналар кымбаттадыбы? Унаа базарындагы абал

1235
(жаңыланган 21:02 15.05.2021)
Sputnik Кыргызстан агенттигинин инфографикасында жакшы өтөт деген автоунаанын 15 түрүнүн баасы көрсөтүлдү.
Кыргызстандагы эң өтүмдүү машиналар кымбаттадыбы? Унаа базарындагы абал

Өткөн аптада төмөнкү машиналарга суроо-талап көп болду:

  • Toyota Camry;
  • Daewoo Nexia;
  • Honda Fit;
  • Honda CR-V;
  • Mercedes-Benz E-класс;
  • Daewoo Matiz;
  • BMW 5-серия;
  • Volkswagen Passat;
  • Honda Accord;
  • Honda Odyssey;
  • Lexus RX;
  • Hyundai Sonata;
  • Lada 2107;
  • Toyota Prius;
  • Toyota RAV4.

Инфографикада жылы боюнча популярдуу болгон автоунаалардын баасы көрсөтүлдү. Мониторинг autobaza.kg, cars.kg жана mashina.kg сайттарынын маалыматтарынын негизинде жасалган. Ар бир машинанын баасы доллар менен берилди (Улуттук банктын 14-майга карата берген курсу 84,5 сом болчу).

Унаа базарындагы абал алгачкы анализге (2020-жылдын декабры) караганда кыйла өзгөргөнүн көрүүгө болот.

Көпчүлүк машиналардын баасы орточо 200-1200 долларга көтөрүлгөн. Тизмеге Honda Odyssey, Toyota RAV4, Hyundai Sonata, Lada 210, Lexus RX, E-классындагы Mercedes-Benz, Daewoo Matiz жана 5-сериядагы BMW кирди.

Анткен менен айрым автоунаалар арзандаган. Мисалы, 2017-жылы чыккан машиналардын баасы орточо 3000 долларга түшкөн. Ал эми 2013 жана 2014-жылы чыккан Toyota RAV4 200дөн 1200 долларга чейин арзандаганын көрүүгө болот.

1235
Белгилер:
базар, нарк, баа, машина
Тема боюнча
Кыргызстанда курулуш материалдар кымбаттап жатат. Баалар
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

0
(жаңыланган 22:13 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

0
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу