Кыргызстандын ЮНЕСКО тизмесине кирген маданий мурастары

475
(жаңыланган 12:13 13.05.2021)
Кыргызстандын атынан ЮНЕСКОнун маданий мурастар тизмесине материалдык жана материалдык эмес 10 баалуулук кирген. Алардын тизмесин, кыскача тарыхын Sputnik Кыргызстан агенттиги даярдаган инфографикадан көрө аласыздар.
Кыргызстандын маданий мурастары

ЮНЕСКО 1997-жылдан тарта жалпы адамзат үчүн баалуу деп эсептелген табигый жана колдон чыккан объектилерди аныктоо боюнча иш жүргүзүп келет. 2003-жылдан баштап уюм ар кыл маданияттын материалдык эмес мурасын сактоо жаатында иш алып барат.

Эң алгач ЮНЕСКОнун тизмесине 2009-жылы "Сулайман-Тоо" тарыхый-археологиялык музей-комплекси кирген. Андан кийин 2012-жылы ала кийиз менен шырдак маданий мурас деп таанылган. Кылымдарды карыта жашап, колдогу көр оокатты эмес көкүрөк-көөдөндөгү жан байлыкты туу туткан көчмөн кыргыз элинин бүтүндөй дүйнө таанымын, жашоо тиричилиги менен салт-санаасын чагылдырган "Манас", "Семетей, "Сейтек" эпикалык үчилтигин да ЮНЕСКОнун тизмесинен табууга болот. 2014-жылдын 27-ноябрында Кыргызстан менен Казакстандын атынан боз үй даярдоо боюнча салттуу билим жана ыкмалар адамзаттын жалпы байлыгы катары бааланган. 2015-жылы кыргыз-казак элине орток айтыш өнөрү адамзаттын материалдык эмес маданий мурасынын тизмесине кирген. Бурана мунарасы да материалдык мурастар тизмесинен орун алган. 2016-жылы ЮНЕСКОнун тизмесине 12 мамлекеттин атынан Нооруз майрамы менен буудай унунан жасалган калама кирген.

Ошондой эле ЮНЕСКОнун тизмесине 2017-жылы көк бөрү оюну киргизилген. Көк бөрү —  ат үстүндөгү эрендердин эр оюну. Кыргыздардын ак калпагын жасоо өнөрү жана кийүү маданияты тизмеге 2019-жылы, ал эми тогуз коргоол оюну 2020-жылы кирген.

475
Белгилер:
ЮНЕСКО, маданий мурас, жай, тарых
Тема боюнча
Жапаров ЮНЕСКО директорун КРдеги чокуга чыгууга чакырып, макулдугун алды

Бишкекте бир бөлмөлүү "элиткалар" 3 000 долларга арзандады. Батирлердин баасы

382
(жаңыланган 13:39 07.12.2021)
2021-жылдын ноябрь айында Бишкекте батирлердин дээрлик бардык категориясына болгон баа өстү. Бирок айрым түрлөрү, тескерисинче, арзандаган.
Бишкекте сатылган батирлердин баасы

Sputnik Кыргызстан ай сайын ачык маалымат булактар аркылуу Бишкектеги батирлердин баасына көз жүгүртүп, өткөн ай менен салыштырып турат.

Бул материалды даярдоо үчүн 1 207 жарыяга көз жүгүртүп, анализдеп чыктык.

Ноябрда ордо калаада өткөн айларга салыштырмалуу батирлердин дээрлик бардык түрү кымбаттаган. 106-сериядагы үч бөлмөлүү батирдин орточо баасы 1 700 долларга жогорулаган. Жеке типтеги үч бөлмөлүү батирлер, тескерисинче, 1 100 долларга арзандаганы маалым болду.

Жеке типтеги эки бөлмөлүү үйлөр 100 долларга көтөрүлүп, 41 600 доллардан сатылууда. Ал эми ичин өзү жасап ала турган бир бөлмөлүү "элиткалардын" баасы 3 000 долларга түшкөн.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) канчадан сатылып жатканын көрсөтүп бердик.

Ачык маалымат булактарына таянсак, ноябрь айында Бишкектеги бир бөлмөлүү батирлердин баасы төмөнкүдөй болду:

  • 104-серия — 31 700 доллар (26 500дөн 35 500гө чейин);
  • 105-серия — 29 500 (23 500дөн 36 500гө чейин);
  • 106-серия — 33 000 (25 900дөн 42 500гө чейин);
  • мейманкана тибиндегилер — 7 000 (6 000ден 9 000ге чейин).

Бир бөлмөлүү "элитка" тибиндеги батирлердин орточо баасы:

  • Жеке типтегилери (18ден 52 чарчы метрге чейин) — 29 400 (16 500дөн 43 000ге чейин);
  • Өзү жасап ала тургандары (32ден 65 чарчы метрге чейин) — 28 000 (19 000ден 42 400гө чейин).

Эки бөлмөлүү батирлердин орточо баасы:

  • 104-серия — 37 600 доллар (31 500дөн 48 800гө чейин);
  • 105-серия — 42 500 (28 500дөн 52 500гө чейин);
  • 106-серия — 46 100 (34 800дөн 58 500гө чейин);
  • мейманкана тибиндегилер — 33 500 (23 200дөн 44 000ге чейин).

Эки бөлмөлүү "элитка" тибиндеги батирлердин орточо баасы:

  • Жеке типтегилери (41ден 99 чарчы метрге чейин) — 41 600 (22 500дөн 68 300гө чейин);
  • Өзү жасап ала тургандары (49дан 94 чарчы метрге чейин) — 46 100 (25 000ден 85 000ге чейин).

Үч бөлмөлүү батирлердин орточо баасы:

  • 104-серия — 45 000 доллар (33 500дөн 60 000ге чейин);
  • 105-серия — 53 100 (24 000ден 73 000ге чейин);
  • 106-серия — 59 700 (40 800дөн 89 000ге чейин);
  • мейманкана тибиндегилер — 40 900 (23 000ден 51 000ге чейин).

Үч бөлмөлүү "элитка" тибиндеги батирлердин орточо баасы:

  • Жеке типтегилери (46дан 160 чарчы метрге чейин) — 54 200 (29 000ден 126 000ге чейин);
  • Өзү жасап ала тургандары (75тен 125 чарчы метрге чейин) — 73 300 (42 500дөн 120 000ге чейин).
382
Белгилер:
Бишкек, батир, баа, анализ, элитка
Тема боюнча
Ижарага батир издеп жүрөсүзбү? Ноябрдагы баалар

Өлкөдө кроссовер менен жолтандабастардын баасы кандай өзгөрдү. Инфографика

606
(жаңыланган 14:13 06.12.2021)
Sputnik Кыргызстан ар жума сайын автоунаа базарындагы машиналардын канчага сатылып жатканы боюнча маалымат берип келет. Бул ирет эл көп колдонгон кроссоверлер менен жолтандабастардын 2021-жылдын январынан декабрына чейинки баасына көз жүгүрттүк.
Өлкөдөгү өтүмдүү жол тандабас  менен кроссоверлердин баасы

Эң көп сатылган автоунааларга төмөнкүлөр кирди:

  • Lexus GX 470;
  • Honda CR-V;
  • Toyota RAV4;
  • Lexus RX 350;
  • Subaru Forester;
  • Volkswagen Touareg;
  • Toyota Landcruiser;
  • Kia Sportage;
  • Hyundai Santa Fe.

Белгилей кетсек, биз сатуучулар тарабынан айтылган орточо бааларды гана көрсөтөбүз. Бул нарк автоунаалардын чыныгы баасы дегенди билдирбейт.

Тизмедеги автоунаалардын көпчүлүгү орто эсеп боюнча 800-1 500 долларга кымбаттаган. Бир гана 2005-жылкы Volkswagen Touareg үлгүсүндөгү унаанын баасы 200 долларга төмөндөгөн.

606
Белгилер:
Кыргызстан, автоунаа, баа, инфографика, машина, базар
Тема боюнча
Аймактарга такси, автобус менен жетүү канча турат? Жол кире
Ижарага батир издеп жүрөсүзбү? Ноябрдагы баалар
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме