Бишкектеги батирлердин май айына карата ижара акысы. Инфографика

104
Май айында Бишкектеги үч бөлмөлүү батирлердин ижара акысы арзандады. Анткен менен бир бөлмөлүү батирлердин ижарасы өткөн айга салыштырмалуу бир аз кымбаттады.
Бишкектеги батирлердин май айына карата ижара акысы

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 512 жарнама каралды. Май айында дагы өткөндөгүдөй эле эмереги бар жана мейманкана тибиндеги батирлерди изилдеп чыктык.

Бул айда эмереги бар дээрлик бардык типтеги бир бөлмөлүү батирлердин ижарасы кымбаттады. Жеке типтеги бир бөлмөлүү батирлердин акысы 1000 сомго өстү.

Эки бөлмөлүү эмереги бар батирлердин ижара акысы ар кайсы райондо ар башка өзгөрдү. Эки бөлмөлүү "элитка" үчүн ижара баасы орто эсеп боюнча 1 700 сомго төмөндөдү. Ал эми жеке типтеги батирлер 1 100 сомго кымбаттады.

Баарынан да 106-сериядагы үч бөлмөлүү батирлердин ижара акысы төмөндөдү. Мындай батирлердин орточо акысы 3 300 сомго арзандаган. 

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо баасынын диапазонун көрсөтүп бердик.

Ачык маалымат булактарына караганда, май айында Бишкектеги эмереги бар бир бөлмөлүү батирлердин ижара акысы төмөнкүдөй:

  • 104-серия — 14 100 сом (10 000ден 19 000ге чейин);
  • 105-серия — 14 000 (10 000ден 20 000ге чейин);
  • 106-серия — 14 300 (12 000ден 20 000ге чейин);
  • "элитка" — 24 300 (15 000ден 37 800гө чейин);
  • Мейманкана тибиндеги батирлер — 7000 (6000ден 8000ге чейин).

Эмереги бар эки бөлмөлүү батирлердин орточо баасы:

  • 104-серия — 18 400 сом (15 000ден 25 000ге чейин);
  • 105-серия — 18 500 (15 000ден 25 000ге чейин);
  • 106-серия — 20 900 (13 000ден 33 900гө чейин);
  • Жеке типтеги батирлер — 23 900 (12 000ден 33 900гө чейин);
  • "элитка" — 38 900 (20 000ден 67 800гө чейин).

Эмереги бар үч бөлмөлүү батирлердин орточо ижара акысы:

  • 104-серия — 21 100 сом (16 000ден 29 300гө чейин);
  • 105-серия — 24 500 (16 700ден 35 000ге чейин);
  • 106-серия — 27 000 (20 000ден 40 000ге чейин);
  • Жеке типтеги батирлер — 31 250 (23 000ден 50 900гө чейин);
  • "элитка" — 52 900 (25 000ден 110 200гө чейин).
104
Белгилер:
акы, ижара, батир, баа, Бишкек, Кыргызстан

Кышында жарыксыз калбайбызбы? Өлкөдөгү ГЭСтердин абалы жана картасы

117
(жаңыланган 17:33 23.06.2021)
Алдыдагы кышта Кыргызстанда электр энергиясынын тартыштыгы болору күтүлүп жатат. Sputnik өлкөнүн гидроэнергетикалык потенциалынан кабардар кылуу максатында учурда иштеп, курулуп жана келечекте пландалып жаткан ГЭСтерди картадан көрсөтүп берди.
Кыргызстандагы ГЭСтер

Энергетика жана өнөр жай министрлигинин маалыматына караганда, өлкөдө жети ири ГЭС иштеп жатат. Алар: Токтогул (1200 МВт), Күрп-Сай (800 МВт), Таш-Көмүр (450 МВт), Шамалды-Сай (240 МВт), Үч-Коргон (180 МВт), Ат-Башы (40 МВт) жана Камбар-Ата-2 ГЭСинин бир агрегаты (120 МВт). Бардыгы кошулуп ушул тапта 3 030 МВт электр энергиясын берет.

Булардан тышкары, "Чакан ГЭС" ААКсына караштуу жалпы кубаттуулугу 38,5 мегаваттка барабар тогуз кичи ГЭС бар.

Ошол эле учурда эки ГЭСтин курулушу токтоп турат. Булар Жогорку Нарын ГЭСтер каскады жана Камбар-Ата-2 ГЭСинин экинчи агрегаты.

Республика боюнча дагы тогуз ири гидроэлектр станциясын куруу пландалууда. Бирок каржы тартыштыгынан улам долбоорлор кагаз бетинде гана калып келет. Алардын бардыгы курула турган болсо өлкө 8 447,9 МВт электр энергиясын ала алат. Бул көрсөткүч азыркыга салыштырмалуу дээрлик 2,5 эсеге көп.

Мындан тышкары, энергетиктер азыр иштеп жаткан суу сактагычтарга алты чакан ГЭС курууну көздөйт. Бул долбоорлор ишке ашса кошумча 94,5 МВт энергия алсак болот.

Улуттук статистика комитетинин маалыматына караганда, буга чейинки жылдарда Кыргызстандагы ГЭСтер орто эсеп менен 15 миллиард кВт саат электр энергиясын иштеп чыкчу. Ушул эле көлөмдөгү (14-15 миллиард кВт саат) энергияны калк жыл ичинде сарптайт.

Эске салсак, Кыргызстанда кургакчылыктын кесепетинен Токтогул суу сактагычында суунун деңгээли төмөн. Мындан улам алдыдагы кышта электр энергиясы тартыш болот деп боолголонуп жатат.

117
Белгилер:
суу, курулуш, Кыргызстан, энергетика, ГЭС
Тема боюнча
Энергетиканын дөө-шаалары. Токтогул, Камбар-Ата-2 ГЭСтеринин 15 сүрөтү
Кыргызстан Орто Азияны климаттык апааттан сактап кала алат. Суу тууралуу маек

Кыргызстанда популярдуу автоунаалардын баасы кандай өзгөрдү? Инфографика

2052
(жаңыланган 14:26 21.06.2021)
Жума сайын Sputnik Кыргызстан унаалардын базардагы баасы менен тааныштырып келет. Бул жолу белгилүү жолтандабастар менен кроссоверлерге болгон баа 2020-жылдын декабрь айынан 2021-жылдын июнуна чейин кандай өзгөргөнүн билип көрдүк.
Өлкөдөгү кроссовер менен жол  тандабастардын учурдагы баасы

Көп сатылган автоунаалардын катарына төмөнкү үлгүлөр кирди:

  • Lexus GX 470;
  • Honda CR-V;
  • Toyota RAV4;
  • Lexus RX 350;
  • Volkswagen Touareg;
  • Subaru Forester;
  • Toyota Landcruiser;
  • Kia Sportage;
  • Hyundai Santa Fe.

Тизмедеги унаалардын көпчүлүгү (Lexus GX 470, Toyota RAV4, Lexus RX 350, Honda CR-V и Toyota Landcruiser) орто эсеп менен алганда 200-1100 долларга кымбаттады.

Ал эми Volkswagen Touareg, Subaru Forester үлгүсүндөгүлөр болсо, тескерисинче, 200-400 долларга арзандады.

2052
Белгилер:
баа, инфографика, кымбат, автоунаа, Кыргызстан
Тема боюнча
Кыргызстандагы электр тарифи жана маяна. Башка өлкөлөр менен салыштыруу
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

0
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

0
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме