Бишкектеги батирлердин сентябрдагы ижара акысы

325
(жаңыланган 11:56 29.09.2021)
Сентябрда Бишкектеги батирлердин бир нече түрүнүн ижара акысы кымбаттаган. Рынокту карап чыгып, арзандоо такыр эле болбогонун байкадык.
Бишкектеги батирлердин сентябрь айына  карата ижара акысы 27.09.2021

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 886 жарнама каралды. Сентябрда деле өткөндөгүдөй эмереги бар жана мейманкана тибиндеги батирлерди изилдеп чыктык.

Окуу жылынын башталышы менен эмереги бар бир нече категориядагы батирлердин орточо ижара баасы көтөрүлгөн. Эң көп кымбаттаганы 105-сериядагы эки бөлмөлүүлөрү болду. Наркы орточо алганда дароо эле 3400 сомго секирик жасады.

Бардык түрдөгү бир бөлмөлүү эмереги менен берилген батирлер эки айдан бери кымбаттап жатат. 106-сериядагы бир бөлмөлүү жайлардын акысы орточо эсеп менен алганда 1000 сомго өстү. Ушул эле сериядагы 3-бөлмөлүүлөрүнө 2600 сом кошулду.

Үч бөлмөлүү "элиткаларга" эмереги менен өткөн айга салыштырмалуу 2 400 сомго кымбат киресиз.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо баасынын диапазонун көрсөтүп бердик.

Ачык маалымат булактарына таянсак, сентябрь айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 14 900 сом (10 000ден 17 000ге чейин);
  • 105-серия — 15 300 (12 0000ден 20 000ге чейин);
  • 106-серия — 16 000 (11 000ден 20 000ге чейин);
  • Жеке типтегилер — 16 500 (10 000ден 23 000гө чейин);
  • "Элитка" — 25 400 (14 000ден 42 400ге чейин);
  • Мейманкана тибиндеги батирлер — 6 800 (4 000ден 8 000гө чейин).
  • Эмереги бар эки бөлмөлүү батирлердин орточо баасы:
  • 104-серия — 18 400 сом (10 000ден 26 000ге чейин);
  • 105-серия — 20 700 (13 000ден 29 700гө чейин);
  • 106-серия — 21 400 (16 000ден 28 000ге чейин);
  • Жеке типтегилер — 25 400 (18 000ден 38 200гө чейин);
  • "Элитка" — 42 700 (20 000ден 84 800гө чейин).

Эмереги бар үч бөлмөлүү батирлердин орточо баасы:

  • 104-серия — 24 500 сом (21 200дөн 29 700гө чейин);
  • 105-серия — 27 000 (17 500дөн 46 600ге чейин);
  • 106-серия — 29 300 (17 000дөн 42 400гө чейин);
  • Жеке типтегилер — 30 200 (20 000ден 42 400гө чейин);
  • "Элитка" — 65 500 (25 400дөн 186 600гө чейин).
325
Белгилер:
Бишкек, баа, ижара, батир, нарк
Тема боюнча
"Элиткалар" кымбаттады. Бишкектеги батирлердин августтагы ижара акысы

Кыргызстанда канча эл артисти, эл акыны, эл жазуучусу бар. Инфографика

2177
(жаңыланган 18:04 26.10.2021)
Sputnik Кыргызстан агенттиги эл артисти, эл жазуучусу, эл акыны, эл сүрөтчүсү наамы канча адамга ыйгарылгандыгын тактап көрдү.
Биринчи категориядагы ардак наамдарга татыгандардын саны

"Мамлекеттик сыйлыктар жана ардак наамдар жөнүндө" мыйзамына ылайык, биринчи категориядагы ардак наамдарга Кыргыз Республикасынын эл артисти кирет. Ал мыкты көркөм образ, спектакль, телеспектакль, телефильм, кинофильм, концерттик, эстрадалык, цирк программаларын, музыкалык, телеберүү жана радио чыгармаларын жараткан артист, музыкалык аткаруучу, композитор, дирижёр, режиссёр, хормейстор, балетмейстер, төкмө акын, музыкалык, хор, хореографиялык жамааттардын көркөм жетекчилерине ыйгарылат. Адабиятты өнүктүрүүгө салым кошуп чыгармалары менен калың элге таанылган калемгерлерге эл жазуучусу, акындык чыгармачылыкты өнүктүрүүдө эмгеги барларга эл акыны наамы тапшырылат. Ал эми мыкты живопись, скульптура, графика, монументалдык, декоративдүү-колдонмо искусство жараткандарга эл сүрөтчүсү наамы берилет.

Ага татыктуу болгондорго өлкө башчысы алтын жалатылган колодон жана күмүштөн жасалган төш белги тапшырат.

Өлкө эгемендүүлүк алгандан бери 201 адам КРдин эл артисти, 37 калемгер эл жазуучусу, 34 инсан эл акыны жана 37 киши эл сүрөтчүсү наамына татыган. Өкмөт тарабынан аларга жеңилдиктер деле каралган эмес. Бир гана мамлекеттик мекемелерде иштесе айлыгына 5000 сом кошулат, бирок пенсиясына эч таасир этпейт.

Мамлекеттик сыйлыктар жөнүндө лонгридди Sputnik Кыргызстан агенттигинин материалынан окуңуздар.

2177
Белгилер:
Кыргызстан, сыйлыктар, инфографика

Кыргызстанда майды аз ичкен унаалар канчадан сатылууда. Инфографика

3002
(жаңыланган 20:39 24.10.2021)
Sputnik Кыргызстан көбүрөөк суроо-талап менен сатылып жаткан майды аз ичүүчү автоунаалардын баасы кандай өзгөргөнүн анализдеп көрдү.
Кыргызстанда эң өтүмдүү  автоунаалардын баасы

Инфографикада чыккан жылы жаңы унаалардын орточо наркы берилген. Мониторинг autobaza.kg, cars.kg, turbo.kg жана mashina.kg ресурстарына чыккан маалыматка карап январь-октябрь айларында жүргүзүлдү.

Эң көп сатылган 10 автоунаага төмөнкүлөр кирди:

  • Daewoo Matiz;
  • Honda Fit;
  • Lada 2107;
  • Toyota IST;
  • Hyundai Getz;
  • Volkswagen Golf;
  • Mazda Demio;
  • Chevrolet Spark;
  • Honda Civic;
  • Toyota Prius.

Дээрлик бардык унаалар 200дөн 1000 долларга чейин кымбаттаган.

Сатуучулар жана эксперттер машинанын баасы улам кымбаттай берет деген пикирде. Экономист Элдар Абакиров буга акчанын кунунун кетиши таасир этерин айтат.

"Элде накталай акча бар, бирок аны менен бай болуп кете албайсың. Болгону акча кунун жоготуп баратат. Ушундан улам баары, анын ичинде машина дагы кымбаттап жатат", — деди эксперт.

Чет өлкөдөн машина ташуучу компаниянын кожоюну Данияр Салякаев баалардын төмөндөшүнө үмүт артпай эле коюу керек деген пикирде.

"Учурда дээрлик баары кымбаттап жатат, ал эми машина суроо-талап менен колдонулат. Мындай кырдаалда эч качан арзандабайт. Бул реалдуулук, жакшы машина алуу үчүн акча чогултуш керек", — деди ал.

"Элчи" социалдык-саясий изилдөөлөр борборунун директору Денис Бердаков мындай жагдайга ири автоконцерндер тушуккан каатчылык түздөн-түз себепкер экенин белгилейт.

"Машина өндүрүүчүлөр кыймылдаткычтар үчүн керектүү тетиктердин тартыштыгына кабылышты. Тагыраагы, башкаруунун электрондук блокторунун, тышкы электр жабдууларынын, жабдыктарды башкаруу панелинин, мультимедиалык системалардын микросхемалары азыр жетишсиз болуп турат. Ушул өңдүү тетиктердин өндүрүш көлөмү пандемиянын, ар кыл мамлекеттердеги ушул багыттагы өндүрүш ишканаларына коюлган чектөө чараларынын айынан азайып кеткен", — деген оюн ортого салды эксперт.

Кыргызстанда автоунаалардын баасы кымбаттап жатканына чет өлкөдөн массалык түрдө транспорт ташылбай калганы да себеп болууда.

3002
Белгилер:
Кыргызстан, автоунаа, баа, сатып алуу, кымбат
Тема боюнча
Кыргызстандагы алдыңкы 10 жолтандабас менен кроссовердин баасы кандай өзгөрдү
Сом купюралары жана моенаталары. Иллюстративдик сүрөт

Instagram да, блогер да салык төлөйт. Жаңы кодекске кошулган берене

0
(жаңыланган 16:36 28.10.2021)
Жаңы кодекс ишке кирсе Google, Яндекс, Facebook, Instagram сыяктуу компанияларга, интернет-дүкөндөргө салык салына баштайт.

БИШКЕК, 28-окт. — Sputnik. Сунушталып жаткан Салык кодексинин жаңы редакциясы "Электрондук коммерция чөйрөсүндөгү ишке салык" деген глава менен толукталды. Бул норма интернет аркылуу товар саткан жана кызмат көрсөткөн тармактарга салык салууну жол-жоболоштурат.

Ошондой эле блогерлер да соцтармактан тапкан пайдасынан салык төлөөгө милдеттендирилет. Бул туурасында Электрондук формада кызмат көрсөтүү терминине түшүндүрмө берген 32-берененин 3-бөлүгүндө жазылган.

Салык кызматынын Методология башкармалыгынын башчысы, кодексти иштеп чыгуу тобунун мүчөсү Нурлан Умтулов бул эки топко бөлүнөрүн билдирди.

Google, Яндекс, Facebook, Instagram сыяктуу компаниялар жарнама жана башка кызматтардан киреше таап жатканы үчүн кошумча нарк салыгын (12 пайыздык ставка) төлөйт. Ал эми Кыргызстанда катталган интернет-дүкөндөр үчүн атайын режим киргизилди, алар пайдасынын 2 пайызын салыкка чегерет. Аталган компаниялар Салык кызматына каттоого турууга милдеттүү болот. Ал эми блогерлер сыяктуу соцтармактан акча тапкан жарандар 10 пайыздык ставка менен киреше салыгын төлөйт.

"Учурдагы салык мыйзамдары боюнча деле блогерлер салык төлөшү керек. Себеби алар кызмат көрсөтүү үчүн акча алып, пайда таап жатпайбы. Андыктан блогерлер да милдеттүү. Болбосо жеке ишкер катары катталып бирдиктүү салык (4 пайыздык ставка менен — ред.) төлөшү керек", — деди Жумалиев.

Салык кодексинин долбоорунун маалыматтык негиздемесинде учурда электрондук коммерция чөйрөсүндөгү иштерге салык салууну башкаруу мүмкүн эместиги, колдонуудагы мыйзамдарда салыктын ушул түрү каралбаганы белгиленген.

Жаңы Салык кодексинин долбоору парламентте биринчи окуудан өттү. Аны 2022-жылдын 2-январынан тарта колдонууга чыгаруу пландалууда.

0
Белгилер:
салык кодекси, блогер, электрондук коммерция, интернет-дүкөн
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси