Дагы кымбаттады! Кыргызстанда минивендердин баасы кандай өзгөрдү

1046
(жаңыланган 13:34 15.11.2021)
Sputnik Кыргызстан ар жума сайын автоунаа базарындагы машиналардын канчага сатылып жатканы боюнча маалымат берип келет. Бул ирет эл көп колдонгон универсалдар менен минивендердин акыркы жарым жылдагы баасына көз жүгүрттүк.
Кыргызстанда көп колдонулган автолордун баасы. Универсал  жана минивэндер

Редакция autobaza.kg, cars.kg, turbo.kg жана mashina.kg ресурстарын карады. Окурмандардын ыңгайы үчүн ар кандай үлгүдөгү машинанын орточо баасы келтирилди.

Эң көп сатылган автоунааларга төмөнкүлөр кирди:

  • Honda Odyssey;
  • Subaru Outback;
  • Toyota Ipsum;
  • Honda Stepwgn;
  • Honda Stream;
  • Toyota Caldina;
  • Volkswagen Passat B5;
  • C-класстагы Mercedes W203;
  • Audi A6;
  • Suzuki Liana.

Дээрлик бардык унаалар кымбаттаган. Кышкы баага салыштырмалуу 300-1000 долларга өскөн. Айрымдары гана, маселен, 2001-жылкы Suzuki Liana 1 200 долларга арзандады, ал эми Volkswagen Passat B5 автоунаасынын баасы бир аз төмөндөдү.

Эскертип коёлу, биз сатуучулар тарабынан айтылган орточо бааларды гана көрсөтөбүз. Бул нарк автоунаалардын чыныгы баасы дегенди билдирбейт.

1046
Белгилер:
Кыргызстан, машина, баалар, автоунаа, минивэн
Тема боюнча
Кыргызстанда машина арзандабай калдыбы? Унаа базарындагы абал

Шайлоо-2021: бир мандаттуу округ боюнча кол менен саноонун алдын ала жыйынтыгы

1173
28-ноябрь күнү Кыргызстанда парламенттик шайлоо болуп өттү. Бир мандаттуу округ боюнча добуштарды кол менен саноодогу алдын ала жыйынтыкты Sputnik даярдаган инфографикадан көрүңүз.

Бир мандаттуу округ боюнча ЖКга шайлоонун алдын ала жыйынтыгын (кол менен саноо) БШК жарыялады, бирок бул шайлоонун расмий жыйынтыгы деп эсептелбейт.

Буга чейин БШК бир мандаттуу округдар боюнча алдын ала жыйынтыкты АСУнун эсебине таянуу менен жарыялаган.

Эске салсак, шайлоо жаңы эреже менен өттү. Эми парламентке 54 депутат партия тизмеси менен, 36 эл өкүлү бир мандаттуу округдан шайланып келет.

Кыргызстанда бардыгы 36 бир мандаттуу округ бар. Анын ар биринен бирден гана талапкер жеңүүчү болот. Жыйынтыкты чыгарууда баарынан көп добуш алган талапкер жеңүүчү деп табылат. Эгер бир нече депутат бирдей добуш алып калса, БШКга каттоо үчүн документтерди мурда тапшырган талапкерге артыкчылык берилет. 

1173
Белгилер:
Кыргызстан, Жогорку Кеңеш, мандат, шайлоо, жыйынтык
Тема:
Жогорку Кеңешке жаңы тартип менен болчу шайлоо

Шайлоонун партиялар боюнча алдын ала жыйынтыгы. Кол менен саноо

4667
28-ноябрда Кыргызстанда парламенттик шайлоо болуп өттү. Добуштарды кол менен саноодогу алдын ала жыйынтыкты Sputnik даярдаган инфографикадан көрүңүз.

Партиялар боюнча ЖКга шайлоонун алдын ала жыйынтыгын (кол менен саноо) БШК жарыялады. Бирок бул шайлоонун расмий жыйынтыгы деп эсептелбейт. Добуштарды кол менен саноонун жыйынтыгы жаңы маалыматтардын түшкөнүнө жараша жаңыртылып турат. Шайлоочулардын добуштары эсептелгенден кийинки пайыздарды карасаңыздар болот.

Буга чейин БШК партиялык тизме боюнча алдын ала жыйынтыкты АСУнун эсебине таянуу менен жарыялаган.

Жаңы чакырылышта 120 эмес, андан азыраак, 90 депутатка кресло даярдалат. Мурда парламентке 21 жаштагылар шайланып келе алса, эми ал босого 25 жашка көтөрүлдү. Мындан ары эл өкүлү болом дегендердин жогорку билими болушу зарыл.

Бул ирет шайлоого 21 партия катышты. Алар: "Ата Мекен", "Бүтүн Кыргызстан", "Альянс", "Легалайз", "Ыйман нуру", "Күчтүү регион", Кыргызстандын либерал-демократтар партиясы, "Багыт", "Ынтымак", "Ишеним", "Азаттык", "Мекенчил эл", "Жашылдар партиясы", "Жашасын Кыргызстан", "Социал-демократтар", "Аруузат", Кыргызстандын биримдиги патриоттук партиясы, "Улуттар биримдиги", "Эл үмүтү", "Ордо", "Улуу журт", "Ата-Журт Кыргызстан".

Жыйынтыгында парламентке республика боюнча шайлоого катышкандардын добушунун 5 пайызынан, ар бир облустагы (Бишкек жана Ош шаары дагы кирет) шайлоочулардын добушунун 0,5 пайызынан жогору алгандар өтөт.

Бул ирет шайлоодо жарандар бир партияга гана эмес, андагы бир талапкерге дагы добуш бере алды. Партия алган мандаттар талапкерлердин топтогон добушуна жараша жана гендердик теңчиликти сактоо менен бөлүштүрүлөт.

4667
Белгилер:
Кыргызстан, Жогорку Кеңеш, шайлоо, жыйынтык
Тема:
Жогорку Кеңешке жаңы тартип менен болчу шайлоо

Акыры өлтүрүп тынды. Сууда алышкан ак аюу менен бугунун видеосу

0
Интернет айдыңында мелмилдеген сууда ак аюу мүйүздөрү аркайган бугунун артынан сая түшүп, кууп бара жаткан видео тарады.

"National Geographic Россия" сайтынын маалыматына караганда, кишинин тынчын алып, кыпылдаткан бул окуя былтыр Норвегиянын Шпицберген архипелагында августтун аягында болгон.

Бугу душманы ак аюудан кургакты көздөй чуркабай, сууга кире качып, өзүн кооптуулукка кептеген. Польшанын илимий станциясынын изилдөөчүлөр тобу эки жаныбардын кармашын видеого тартып алган. Маалыматта негизи эле жогорудагы жырткычтын түндүк бугуга аңчылык кылган учурунун биринчи ирет камерага тартылгандыгы айтылган.

Кадрдан жаш ургаачы аюу шыргалаң сууда бугунун артынан сая түшүп алып сүзүп бара жаткандыгын көрүүгө болот. Ал бир нече мүнөткө созулуп, акырында жырткычтын мүйүздөрүн арткайтып, жаныбарды жээкке сүйрөп чыккан.

"Баары ушунчалык таңгалычтуу болгондуктан, документалдуу фильм көргөндөй абалда калдык. Мындан кийин буга окшогон окуяга эч качан туш келбейбиз дагы", — деген Гданьск университетинин биологу Изабела Кулашевич.

Ак аюу сууда эң сонун сүзөт, ал эми кургакта качкан бугуга жетпей калышы турган иш. Андан сырткары, Арктиканын башка бөлүктөрүндө түндүк бугуларга анча кооптуулук жаралбайт. Ал эми Шпицбергенде бул жаныбарларга аңчылык кылууга тыюу салынгандыктан, National Geographic саксактап, натыйжада алар аярлыгын бир топ жоготуп койгонун жазды.

0
Белгилер:
Норвегия, National Geographic, Россия, ак аюу, бугу, аңчылык, суу
Тема боюнча
Буйволду арстандын күчүктөрү тирүүлөй жеп... Аянычтуу видео
Ысык-Көлдө аюу менен ак илбирстер коруктун тышына чыкты. Сүрөт