Көйкашка коомдук бирикмесинин мүчөсү, манасчы Нурбек Талантбеков

Талантбеков: куураган катуу жыгачты же абдан арыктарды "сейин" десе болот

261
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосундагы көөнө сөздөрдү жайылтуу колго алынса жакшы натыйжалар болорун белгиледи.

Куураган катуу жыгачты түшүндүргөн "сейин" деген көөнө сөз "Манас" эпосунда кездешет. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: куураган катуу жыгачты же абдан арыктарды "сейин" десе болот

Анын айтымында, аталган сөздүн башка дагы түшүнүктөрдү берген маанилери бар.

"Бул жолку чечмелей турган көөнө сөз — сейин. Ал катуу, кургаган жыгачтын түрүн билдирет. Сүйлөмдүн маанисине жараша аталган сөз териси сөөгүнө жабышып арыктагандыкты да түшүндүрөт. Дагы бир мааниси — тапталган жылкынын көрүнүшү. Башкача айтканда, эти майынан арылып, тери катып, тыкан болуп, табына келген атка карата да "сейин" деген сөз колдонулат. Мисалы "сейиндейин жаратып, асман-көккө каратып, атырылтып жулкунтуп, ай-ааламга булкунтуп" деп аргымакты минүүдө айтылган", — деди Талантбеков.

Манасчы ал көөнө сөздөрдү күнүмдүк турмушта колдоно жүрүү ар бир кыргыздын милдети деген пикирин кошумчалады.

261
Белгилер:
Кыргызстан, эне тил, Манас эпосу, Нурбек Талантбеков
Тема боюнча
Талантбеков: жай саратанды "чилгир" деп колдонууга болот
Көөнө сөз рубрикасы

Талантбеков: "дара" деген сөздү бир нече мааниде колдонсо болот

61
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздү чечмелеп берди.

Өрөөн, капчыгай, өзөн же коктуга синоним катары "дара" деген сөз колдонулат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "дара" деген сөздү бир нече мааниде колдонсо болот

Анын айтымында, эпосто аталган сөз кезиккен бир нече саптар бар.

Манасчи, член общественного объединения Көйкашка Нурбек Талантбеков
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Эпосто төрт тамгадан, эки муундан турган "дара" деген сөз айтылат. Аны эки мааниде колдонсо болот. Биринчиси - капчыгай, өрөөн, өзөн, же болбосо эки тоонун ортосундагы аралык катары түшүндүрүлөт. Экинчи маанисинде "өзүнчө" же "айрым" деген мааниде колдонулуп келет. Бул сөздү күнүмдүк турмушта пайдалана бербейбиз. Бирок жогорудагы сөздөргө синоним катары пайдаланып, тилди байытууга мүмкүндүк түзсөк деген пикирдемин", — деди Талантбеков.

Манасчы көөнө сөздөрдү күнүмдүк турмушта колдонуу зарылдыгын кошумчалады.

61
Белгилер:
Кыргызстан, эне тил, Манас эпосу, Нурбек Талантбеков
Тема боюнча
Талантбеков: куураган катуу жыгачты же абдан арыктарды "сейин" десе болот
Рубрика радио Sputnik Кыргызстан Көөнө сөз

Талантбеков: брелокту кыргызча "cапсалга" десе болот

35
(жаңыланган 12:26 21.05.2021)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздүн маанисин чечмелеп, түшүндүрүп берди.

Ачкычты топтоп байлаган зымды "cапсалга" деп колдонсо болот. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Талантбеков: брелокту кыргызча "cапсалга" десе болот

Анын айтымында, бул сөздүн мындан башка да бир нече мааниси бар.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Эпосто кездешкен "сапсалга" деген сөздүн бир нече мааниси бар. Биринчиси — жылкыны быча турган жыгач. Дагы бир мааниси — адамды жазалоо үчүн колдонулган курал. Ал эми үчүнчү мааниси —  ачкычты топтоп байлаган зымды билдирет. Учурда ачкычтарды зымдан жасалган тоголок алкакка, башкача айтканда, брелокко киргизип алабыз. Анын аталышын деле көптөр биле бербейт. Мына ошол тоголок зымды "сапсалга" деп колдонсо эмнеге болбосун. Ошондой эле эпосто "сапсалгалоо" деген дагы кездешет. Ал бириктирип коюу, кошоктоп салуу деген маанини туюндурат", — деди Талантбеков.

Ошондой эле ал "Манас" баянындагы көөнө сөздөрдүн күнүмдүк турмушта көмөгү тие турганын кошумчалады.

35
Белгилер:
Манас эпосу, Кыргызстан, эне тил, Нурбек Талантбеков
Тема боюнча
Талантбеков: чобдор — сооттолуп, темир менен капталган бут кийим
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео