Көйкашка коомдук бирикмесинин мүчөсү, манасчы Нурбек Талантбеков

Талантбеков: "мажилис" сөзү кеңеш, жыйын деген маанини билдирет

49
Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

"Мажилис" деген сөз кеңеш, жыйын дегенди түшүндүрөт. Бул сөздү учурда көпчүлүк Казакстандын жогорку жыйыны катары билет. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "мажилис" сөзү кеңеш, жыйын деген маанини билдирет

Анын айтымында, өтмө мааниде "рахат алуу", "жандын жай алуусу" деп түшүнсө да болот.

"Үч муун, жети тамгадан турган "мажилис" деген сөз "Манас" эпосунда кездешет. Мунун түз мааниси кеңеш, жыйын дегенди түшүндүрөт. Эпосто "Эр Көкчө баштап мажилис" деген саптар бар. Ошондой эле өтмө мааниде "мажилиске батып" делет. Ал рахат алуу, кубанычка баткан адамды сыпаттоо катары колдонулат", — деди Талантбеков.

Учурда Казакстандын парламенти мажилис аталып жүрөт. Манасчы "мажилис" казак сөзү катары кабыл алынбашы керектигин кошумчалады.

49
Белгилер:
Нурбек Талантбеков, Манас эпосу, эне тил, Кыргызстан
Тема боюнча
Талантбеков: "даркан" деген көөнө сөздүн бир нече мааниси бар
Рубрика радио Sputnik Кыргызстан Көөнө сөз

Талантбеков: "даркан" деген көөнө сөздүн бир нече мааниси бар

169
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кыргыздын жашоо-турмушунун бардык сабактары камтылганын белгиледи.

Манаста кездешкен "даркан" деген сөздүн бир мааниси башчы, жетекчи, төрө дегенди түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "даркан" деген көөнө сөздүн бир нече мааниси бар

Анын айтымында, бул сөздүн бир нече мааниси бар.

"Манас" эпосунда кездешкен көөнө сөздөрдүн бири "даркан". Ал согуштук куралдарды жасаган темир уста дегенди билдирет. Ошондой эле башкаруучу, башчы, жетекчи, төрө деген маанини дагы туюнткан учурлары бар. Мындан тышкары, өзгөчө кадыр-баркка ээ, сыйлуу адам деп колдонулуп келген. Буларга утурлай эле өтмө мааниде ыйык, касиеттүү дегенди түшүндүргөн жагдайлар кездешет. Кең, ченемсиз, чалкып жаткан жер деген мааниде дагы колдонууга болот. Бул сөз азыркы заманда айрым айыл жерлеринде учурап калат. Учурда "дарканды" "дархан" деп х тамгасына өзгөртүп айтып жүрөт. Мисалы, Ысык-Көл облусунун Жети-Өгүз районунда Дархан деген айыл бар. Бул ат жогоруда айтылгандай кенен жер дегенден улам берилип калган", — деди Талантбеков.

Манасчы "даркан" сөзү маанисине жараша эпосто ар кандай учурларда көп кездешерин кошумчалады.

169
Белгилер:
Нурбек Талантбеков, Манас, эне тил, Кыргызстан
Тема боюнча
Талантбеков: терезе, эшиктин жасалгасын "банжара" деп колдонсо болот
Көйкашка коомдук бирикмесинин мүчөсү, манасчы Нурбек Талантбеков

Талантбеков: "жигин тартып көрүү" душмандын чамасын билүү дегенди түшүндүрөт

85
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздү чечмелеп, анын маанисин түшүндүрдү.

"Жигин тартып көрүү" деген адамдын чама-чаркын билүү дегенди түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: "жигин тартып көрүү" душмандын чамасын билүү дегенди түшүндүрөт

Анын айтымында, эпосто макал-лакаптар, осуяттар, накыл сөздөр көп кездешет.

"Манаста "жигин тартып көрүү" деген көөнө сөз байма-бай кездешет. Мисалы, Сагымбай Орозбаковдун вариантында "Жигин билбей киргендей, жинди болду дейсиңби. Куру жолго жүргөндөй, кутуруп кетти дейсиңби" деген ыр саптары бар. Мындан улам аталган түшүнүк абалын, күчүн, кудуретин, чамасын билүү дегенди түшүндүрө турганын аңдасак болот. Эпосто душмандын чама-чаркын, ал-абалын, кудуретин аңдап-билүү — "жигин тартуу" деп берилген. Муну күнүмдүк турмушта тилдин көркөмдүгүн арттырууга көмөк катары колдонсо болот", — деди Талантбеков.

Ошондой эле ал учурда тиричиликте көптөгөн көөнө сөздөр колдонулбай калганын кошумчалады.

85
Белгилер:
Нурбек Талантбеков, Манас эпосу, эне тил, Кыргызстан
Тема боюнча
Талантбеков: "дара" деген сөздү бир нече мааниде колдонсо болот
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

0
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

0
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады