Рейд УФМС по выявлению нелегальных мигрантов

Эркинбеков: Россияда кийинки жылдан тарта мигранттар боюнча жаңы мыйзамдар иштеп баштайт

241
(жаңыланган 06:09 16.12.2014)
Россияда иштеген мигранттар үчүн жаңы жылдын 1-январынан тарта кандай талаптар коюлат, "кара тизмеде" жоктугун тактап алуу жана дагы бир катар жагдайлар туурасында Россиянын Федералдык миграция кызматынын Кыргызстандагы "Паспорттук-виза сервис" ишканасынын директору Бакыт Эркинбеков айтып берди.

БИШКЕК, 15-дек — Sputnik. Россиянын Федералдык миграция кызматынын Кыргызстандагы "Паспорттук-виза сервис" ишканасы Россия аймагына кетип жаткан мекендештерге өздөрүн "кара тизмеден" тактап алуу жолдорун сунуштайт. 

Учурда Россияга бараткан же камданып жаткандар өлкөгө кирүүгө уруксаты бар-жогу, эл арасында айтылып жүргөндөй "кара тизмеге" түшпөгөндүгү боюнча текшерүүдөн өтүшөт. Бирок аэропорттордо, темир жол бекеттеринде, жеке авиагенттиктерде "кара тизме" боюнча туура эмес маалыматтарды берип жаткан учурлар арбын. Анын кесепетинен Россияга барып алган жарандардын "кара тизмеде" экендиги чыгып калып, акчасы менен убактысын коротуп, кайра Кыргызстанга келгенге мажбур болууда. 

"Түзүлгөн мындай кырдаалдан улам, биз Россияга барам деген жарандардын баардыгы "кара тизмеде" жоктугун текшерип, анан жолго чыгуусун өтүнөр элек. Аталган кызматтын базасы Федералдык миграция Кызматы, Ички иштер министрлиги жана Федералдык коопсуздук Кызматтарынын маалыматтары менен күн сайын жаңыланып тургандыктан, ал жерден ыкчам жана так маалымат алууга болот. Алар бизге кайрылса, так айтып бералабыз. Жарандын кара тизмеде бар-жогу билүүсү үчүн болгону 20 мүнөткө жакын убакыт кетет жана маалыматтын так экендигине жүз пайыз кепилдик беребиз", — деди Кыргызстандагы "Паспорттук-виза сервистин" директору Бакыт Эркинбеков. 

Жаңы жылдан тарта РФ аймагындагы мигранттар мыйзамдуу жүрөм десе, патент салып алып иштей берсе болот. Бул Россиядагы жаңы мыйзамдардын алкагында киргизилген талап.

"Жаңы мыйзам 2015-жылдын 1-январынан тарта иштеп баштайт жана ал визасыз эле кирип, чыга турган чет элдиктерге тиешелүү. Мыйзам боюнча мигрант патент алып, мыйзамдуу иштей алат. Патент чек арадан кирип келе жатканда толтурула турган миграциялык кагаздагы графага келген максатын "Иштөө" деп белгилегенде гана берилет. Ал бир жылдык жана бир эле жолу узартылат. Мигранттар Россия аймагында мыйзамдуу түрдө иштөөнү кааласа, медициналык камсыздандыруу баракчасы болушу зарыл. Андан сырткары орус тили, Россиянын тарыхы жана мыйзамдарын билүүсү боюнча тестирлөөдөн милдеттүү түрдө өтүүнү унутпашы керек", — деди Эркинбеков.

Учурда Кыргызстандагы аталган ведомство Россияга кетип бараткан мигранттар үчүн кызматтын жаңы түрүн сунуш кылууда. Ал жакка барып алып тил билбегендиктен документтерин толтурууда кыйналып, андан сырткары, документтерин бирөөлөргө кармата берип, же төлөгөн акчасынан, же документинен жок калган учурлар да арбын. Андыктан, аталган ведомство "коштоп жүрүү" деп аталган кызмат көрсөтүүнү ачкан. 

"Коштоочулук деп аталган кызматка – мигрант патенттин алууга арыз бергенден тарта (муну Бишкекте туруп деле жасаса болот) аны Москвадан же Москва облусунан алганга чейинки процесс кирет. Мындан сырткары, паспортту нотариуска кошо күбөлөндүрүп котортуп берүү кызматы көрсөтүлөт. Мунун баары мигрант менен түзүлгөн келишимдин негизинде жасалат жана кайсы кызматты колдоно тургандыгын ал өзү чечет", — деди Бакыт Эркинбеков.

Россиянын ФМКсынын Кыргызстандагы "Паспорттук-виза сервисинин" ишканасы Ош шаарында филиалын ачууну пландоодо. Ал жерде каалаган ар бир адам "кара тизмеде" бар же жоктугун билип, зарылдыкка жараша жогоруда айтылган кызматтардан пайдалана алат.

241
Белгилер:
ФМК, Россия
Тема:
Бир миллионго жакын КР жараны эмгек миграциясында экени айтылат (21)
Тема боюнча
Кара тизмедеги КР жарандары Россия аркылуу транзит менен учушу мүмкүн
Россиядагы мигранттар. Архивдик сүрөт

Россияда мигранттардын адаптациясы үчүн борборлорду ачуу маселеси каралууда

79
(жаңыланган 10:51 02.12.2020)
Россиянын аймактарында атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат.

БИШКЕК, 2-дек. — Sputnik. Россияга келген мигранттардын жергиликтүү элдин социалдык жана маданий турмушуна бат көнүп кетиши үчүн атайын аймактык борборлорду ачуу керек. Бул тууралуу РФтин Улуттар иши боюнча федералдык агенттигинин жетекчиси Игорь Бариновдун сөзүнө таянып Sputnik Өзбекстан агенттиги жазды.

"Мигранттардын социалдык жана маданий адаптациясы жеңил болушу үчүн бир топ иштерди аткаруу керек. Бул бүгүнкү күндөгү эң маанилүү нерселердин бири. Аймактарда атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат", — деди Баринов.

Ал кошумчалагандай, бул нерсени ишке ашыруу үчүн эң биринчиден мыйзам жүзүндө бекитип алуу керек.

79
Белгилер:
борбор, адаптация, Мигрант, Россия
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Бейшенов: эми мигранттар тааныштарын сатып алган үйүнө каттатууга укуктуу
Саркисян: мигранттар үчүн сонун долбоор бар, бирок Кыргызстан кызыкпай жатат
Евразия өнүктүрүү банкынын башкаруучулугунун төрагасынын орун басары Тигран Саркисян

Саркисян: мигранттар үчүн сонун долбоор бар, бирок Кыргызстан кызыкпай жатат

776
(жаңыланган 19:52 30.11.2020)
Долбоорго ылайык, жарандар өзүнүн өлкөсүндөгү лабораториядан коронавируска тест тапшырган соң смартфонуна QR-код жөнөтүлөт. Кийин чек арадагы көзөмөл органдары ошол QR-код аркылуу тесттин жыйынтыгын биле алышат.

БИШКЕК, 30-ноя. — Sputnik. Келечекте жарандардын Евразия аймагындагы кыймылын пандемия шартында жеңилдетүү боюнча экспериментке Кыргызстан кызыкдар болбой койду. Бул тууралуу Евразия өнүктүрүү банкынын башкаруучулугунун төрагасынын орун басары Тигран Саркисян билдирди. Ал Sputnik агенттигинин мультимедиалык маалымат борборунда өткөн Москва — Ереван — Минск — Нур-Султан видео көпүрөсүнө катышты.

Саркисяндын айтымында, сөз болуп жаткан долбоордун маани-маңызы төмөнкүчө: жарандар өзүнүн өлкөсүндөгү лабораториядан коронавируска тест тапшырган соң смартфонуна QR-код жөнөтүлөт. Кийин чек арадагы көзөмөл органдары ошол QR-код аркылуу тесттин жыйынтыгын биле алышат.

"COVID-19 жок саякаттайм" долбоору — бул ЕАБРдин санарип демилгелери боюнча фондунун жасаган эмгеги. Учурда ал пилоттук долбоор бойдон турат. Буга чейин аны Евразия өкмөттөр аралык кеңеш караган. Декабрдын башында Россия, Беларусь жана Армения экспериментке катышат.

"Таң калычтуусу Армения менен Беларуска салыштырмалуу Кыргызстан бул экспериментке катышууга кызыкдар болгон жок. Негизи мындай долбоор айрыкча кыргыз тарапка пайдалуу курал эмеспи. Канчалаган мигранттар ишине кайта албай оор кырдаалда турушат. Бул көрүнүш Кыргызстандын да, Россиянын да экономикасына терс таасирин тийгизип жатат", — деди ал.

Кыргыз өкмөтүнүн басма сөз кызматы аталган маалымат боюнча кечирээк комментарий бере турганын билдирди.

Эксперименттин жыйынтыгы менен бийликке отчёт берилип, долбоорду ЕАЭБге жайылтуу маселеси чечилмекчи. Саркисян демилге COVID-19дун жайылуу тобокелчилигин азайтып, көзөмөл жасоонун мыкты системасын жолго коюуга жана чек араны кесип өтүүнү жеңилдетүүгө жардам берет деп эсептейт.

Ал тиркеме даяр экенин, учурда AppStore менен Google Play дүкөндөрүндө каттоодон өтүп жатканын белгиледи.

"Бул кымбат эмес продукт. Биз аралыктан программа менен кантип иштөө керектигин лабораторияларга көрсөтүп беребиз, ошондой эле көзөмөл органдары менен да онлайн иштеп жатабыз", — деди Саркисян.

Анын айтымында, колдонуучулар жеке маалыматтары үчүн санаа тартпай эле койсо болот.

"Биринчиден, биздин программа системанын коопсуздугун арттырат. Экинчиден, анын түзүлүшү маалыматтар өлкө ичинде калгыдай болуп иштелип чыккан, башкача айтканда, маалымат алмашуу жүрбөйт", — деди жетекчи.

Саркисян азырынча долбоор ишке берилчү мөөнөт тууралуу айтуу эрте экенин белгиледи. Мында кеп макулдашуу стадиясындагы кабыл алынуучу саясий чечимдер тууралуу болууда. Бирок муктаждык күч болгондуктан долбоордун жакын арада ишке ашарына ишеним артылды.

776
Белгилер:
коронавирус, мигранттар, эксперимент, долбоор
Тема боюнча
Россияда кайсы адистер жетишпей жатат. Тизме

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды