Проверка расселенного дома сотрудниками ФМС

РФ ФМК: кара тизмедегилерге мунапыс кылуу азырынча бекитиле элек

103
(жаңыланган 13:36 08.01.2015)
Россиянын Федералдык миграция кызматынын Кыргызстандагы "Паспорттук-виза сервис" ишканасынын директору Бакыт Эркинбеков кара тизмеге түшкөндөргө мунапыс берүү расмий түрдө бекемделе электигин айтты.

БИШКЕК, 8-янв — Sputnik. Россиянын Федералдык миграция кызматынын Кыргызстандагы "Паспорттук-виза сервис" ишканасынын директору Бакыт Эркинбеков мыйзамсыз мигранттарга мунапыс кылуу боюнча маалыматты тастыктаган жок.

"Учурда бизде Россиянын ФМКсынын кара тизмесине кирген мыйзамсыз мигранттарды андан чыгаруу боюнча маалымат жок. Бул балким, мигранттар арасындагы имиштер болсо керек. Муну тастыктаган же төгүндөгөн маалыматты Россиядагы жаңы жылдык эс алуу күндөрү аяктаганда, 12-январдан кийин, кесиптештерибизден алабыз", — деди Бакыт Эркинбеков. 

Эркинбековдун маалыматында, өткөн жылдын акыркы кварталында КРдин 30 миңге жакын жараны Россиянын Федералдык миграция кызматынын кара тизмесине илинген.

Буга чейин жергиликтүү жалпыга маалымдоо каражаттарына берген маалыматында "Замандаш" ассоциациясынын директору Майрамбек Жапанов Россияда мыйзамсыз иштеп жүргөн кыргызстандык эмгек мигранттарына мунапыс берүү маселеси карала тургандыгын билдирген эле. 

103
Белгилер:
ФМК, Майрамбек Жапанов, Бакыт Эркинбеков, Кыргызстан, Россия
Тема:
Бир миллионго жакын КР жараны эмгек миграциясында экени айтылат (21)
Тема боюнча
МКК: мигранттар да биометрикалык маалыматтарын тапшыра алат
Мигранттар Россияда ишке патент менен орношо алат
ФМК: рублдин туруксуз абалы мигранттардын Россияга келүүсүн азайтпайт
АКШнын Чикагосундагы Trump Tower имараты. Архив

АКШ: "Трамп" имаратында салаңдап турган кишинин Кыргызстандан экени айтылды

958
(жаңыланган 23:52 19.10.2020)
Окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев аттуу жигит экендигин айтышты.

БИШКЕК, 19-окт. — Sputnik. АКШнын Чикагосундагы Trump Tower деп аталган көз жеткис бийик имаратта 13 саат бою аркан менен байланып, салаңдап турган адамдын полицияга багынып бергенин Chicago Tribune жазды.

Буга чейин коомдук тартипти бузган киши асман тиреген имараттын 16 кабатынан белине аркан байланып алып, жекшембиден тарта, болжол менен саат 17:30дан бери илинип тургандыгын жазган. Ал АКШ президенти Дональд Трамптын өзү менен жолугууну ниет кыларын, болбосо өзүн бийиктен таштап жибере тургандыгын айтып коркуткан.

Буту тайып... Бийик имараттын кырында туруп кулап кеткен жигиттин видеосу

"Абал сүйлөшүүлөрдөн улам жакшы жагына чечилди. Шектүү кармалды. Эч ким жабыркаган жок", — деген Чикаго полициясынын кызматкери Том Ахерн.

​Басылманын маалыматына таясак, окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев (Eddil Eliev) аттуу жигит экендигин билдиришкен.

Полиция кызматкерлери абалды жөнгө салгыча Trump Tower имаратынын айланасындагы кыймыл токтотулган. Басылма анын тегерек-четине кызыгып келгендердин тобу чогулуп, кээ бирлери "Бэтмен" киносу тартылып жаткан жокпу деген суроолорду да беришкен.

Буга чейин Pledge Times жигиттин курагы 20 жаштын тегерегинде жана ал болжол менен Кыргызстандан экендигин билдирген.

958
Белгилер:
полиция, кыргызстандыктар, Дональд Трамп, АКШ
Тема боюнча
Карантинде Москвадагы мигранттар арасында кылмыштуулук күчөдүбү? Мэрдин жообу
РФтин Ички иштер министрлигинин алдындагы Миграция маселеси боюнча башкы башкармалыгынын башчысы Валентина Казакова

Казакова: ЕАЭБ мигранттары Россияда жергиликтүүлөр менен теңата иштешет

256
(жаңыланган 19:27 02.10.2020)
Россия ИИМинин Миграция боюнча башкы башкармалыгынын башчысы Валентина Казакова чет элдик жарандардын укуктары кандай корголорун айтты.

БИШКЕК, 2-окт. — Sputnik. Россияда бардык укуктар мыйзам менен жөнгө салынганын РФтин Ички иштер министрлигинин алдындагы Миграция маселеси боюнча башкы башкармалыгынын башчысы Валентина Казакова билдирди. Бул тууралуу ал Sputnik Тажикстан маалымат агенттигине маек берип жатып айткан.

Казакова Евразия биримдигинин жарандары РФте россиялыктар менен теңата иштеп, бирдей укукка ээ экенин айтты.

"ЕАЭБ өлкөлөрүнүн жарандары россиялыктар менен бирдей иштөөгө мүмкүнчүлүгү бар, тең укукка ээ, ошол эле учурда РФ жарандары менен кошо бирдей жоопкерчиликте болушат. Бул Россияда жумушка орношууга уруксат кагазын алгандарга да тиешелүү", — деди Казакова.

Ал белгилегендей, чет өлкөлүк жаран үчүн эң негизгиси учурдагы эрежелерди сактоо жана эмгек келишимин түзүүдө, турак жайды ижарага алуудагы макулдашууну мыйзамдуу түрдө жүргүзүү менен өз укуктарын коргоо болуп саналат.

Россиядагы мигранттар тууралуу жаңы мыйзам эмне берет. Талдоо

Миграция маселеси боюнча башкы башкармалыктын башчысы мындай учурда Россияда бардык укуктарды мыйзам менен коргоого болорун айткан.

256
Белгилер:
укук, мигранттар, Евразиялык экономикалык биримдик, Россия
Тема боюнча
Россияда мекендештерди чек арадан өткөрөм деп алдап кеткен шылуун изделүүдө
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

110
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

110
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы