Ымыркай. Архив

Кулукеева: мигрант аялдар бала төрөөдөн коркот

187
(жаңыланган 11:43 27.04.2015)
Мигрант аялдардын социалдык жана укуктук коргонуу деңгээли бир топ төмөн экенин аларга карата болгон турмуштук зомбулук факттары жана бөтөн жерде жашоого моралдык даярдыгы жоктугунан өзүлөрү жасап жаткан мыйзам бузуулар ырастайт.

БИШКЕК, 21-апр. — Sputnik. Кыргызстандык мигрант аялдардын басымдуу бөлүгү жаш-курагы ылайык келгенине карабастан, бала төрөөдөн коркот деп билдирди шейшембиде КРдин Россияда элчилигинин маалымат кызматчысы Айымкан Кулукеева.

Мигрант аялдардын социалдык жана укуктук коргоосуздук маселелери 18-апрелде Москвада өткөн "Азыркы замандагы аялдар. Кыргызстан аялдарынын Россияда жашоосу: көйгөйлөр жана аларды чечүү жолдору" эл аралык форумда талкууланганы белгиленди. Форум Сагина Миңдулатова жетектеген "Асылзат" демилгечил топтун күч-аракети аркасында КРдин РФтеги элчилиги менен кызматташтыкта уюшулду. 

Кулукееванын айтымында, иш-чарада Кыргызстандан келген мигрант аялдардын социалдык жана укуктук коргоо көйгөйлөрү, ошондой эле эне болуу жана балдар маселери талкууланды.

"Россиянын Федералдык миграциялык кызматынын маалыматы боюнча, 2014-жылдын аягында РФте 200 миңден ашык кыргызстандык аял-кыздар бар болчу. Алардын олуттуу бөлүгү балалуу болууга ылайыктуу курактагылар, бирок иштин оордугунан жана аны жоготуп коюу коркунучунан көбү бала төрөгөндөн качышат. Ал эми медициналык жардам алуу мүмкүнчүлүгүнүн жоктугу өнөкөт ооруларга алып келип, натыйжада аялдын организимине оор залакасы тийип жатат", — дейт маалымат катчы.

Форумда КРдин РФтеги элчилик өкүлү, "Аялдар бүткүл дүйөндөгү тынчтык үчүн" уюмунун евразиялык бөлүмүнүн төрайымы, Ольга Вакулинская, Бүткүл дүйнөлүк славян академиясынын академиги Любовь Мазурина, профессор, филология илимдеринин доктору Күлүпа Алиева, белгилүү табып, Россиянын технологиялык илимдер академиясынын мүч-корреспонденти Муллозухор Тохири, Москва клиниасынын гинекологу Гүлиза Бейшеналиева жана башкалар катышты.

Кулукеева өзү жасаган билдирүүдө эркектерге салыштырганда мигрант аялдардын социалдык жана укуктук коргонуу деңгээли бир топ төмөн экенин белгиледи. Буга аларга карата болгон турмуштук зомбулук факттары жана бөтөн жерде жашоого моралдык даярдыгы жоктугунан өзүлөрү жасап жаткан мыйзам бузуулар күбө.

"Ошондой эле жаш энелер өз балдарынан баш тарткан учурлар көп. Буга жыныстык жашоо жагынан кыздардын сабатсыздыгы, анын аркасында кокусунан кош бойлуу болуп калуу, бойдон түшүрүү үчүн жасаган кооптуу аракеттери, ошондой эле медициналык жана психологиялык колдоонун жокутугунан келип чыгуучу башка көп сандагы кыйынчылыктар себеп", — деп кошумчалады ал.

Мигранттардын Кыргызстанда калып жаткан балдарына байланышкан жагдайлар да өзгөчө көңүлдү талап кылат. Ата-эненин кароосу жок өсүп жатышы балдардын инсандык калыптандыруусуна терс таасир көрсөтүүдө. Ошол эле учурда мигранттардын Россиядагы балдары коомго аралашкан эмес, бала бакча, мектептерге барганга мүмкүнчүлүктөрү жок. 

Жолугушууунун жыйынтыгында катышуучулар ар кыл сунуштарды айтуу менен, мигрант аялдардын көйгөйлөрү боюнча кызматташтыкты бекемдөө жөнүндө макулдашышты.

187
Белгилер:
форум, аялдар, зомбулук, мигранттар, Айымкан Кулукеева, Москва
Рубль жана доллар акчалары. Архивдик сүрөт

Мигранттар которгон акчанын көлөмү быйыл 15 жылдык рекорддон ашып түштү

130
(жаңыланган 10:27 11.06.2021)
Мигранттардын акчасы Кыргызстан үчүн аябай маанилүү. Бул каражат болжол менен өлкөнүн ички дүң продукциясынын үчтөн бир бөлүгүн түзөт.

БИШКЕК, 11-июн. — Sputnik. Үстүбүздөгү жылдын январь-апрель айларында Кыргызстанга чет жактан 759,2 миллион доллар келип түштү. Бул туурасында Улуттук банк билдирди.

Кеп жеке жактардын акча которуу системасы аркылуу гана жөнөткөн каражаты тууралуу болууда.

Өткөн жылы ушул эле мезгилде 534 миллион доллар келип түшкөн.

Жыл башынан берки маалыматтар 2020-жылга карата көрсөтүлгөн:

  • январь — 151,5 миллион доллар (3 миллионго көп);
  • февраль — 177,1 миллион (12 миллионго көп);
  • март — 214,3 миллион (70,3 миллионго көп);
  • апрель — 216,3 миллион (139,9 миллионго көп);

Белгилей кетсек, былтыр пандемияга байланыштуу акча которуунун көлөмү кескин азайып кеткен. Мындай айырма апрель айында өтө чоң болгон. Азыркы тапта өнөктөш мамлекеттерде бир топ карантиндик чектөөлөр алынды.

Эгер азыркы статистиканы 2005-жылдан берки ушул эле мезгилдерге (январь-апрель) салыштыра турган болсок, быйыл рекорддук көрсөткүч болду. Буга чейин акча которуулардын эң жогорку чеги 2019-жылы катталып, 740 миллион долларды түзгөн.

Мигранттардын акчасы Кыргызстан үчүн аябай маанилүү. Ал болжол менен өлкөнүн ички дүң продукциясынын үчтөн бир бөлүгүн түзөт.

130
Белгилер:
рекорд, Кыргызстан, Акча которуулар, Мигрант, экономика
Тема боюнча
Кыргызстандан чыгарылган акча рекорддук чекке жетти. I кварталдын маалыматы
Быйыл 3 айда мигранттар Кыргызстанга канча акча которгону айтылды
Коронавирустан эмдөө учурунда. Архив

Россия мигранттардын өлкөгө кирүүсүн жеңилдетип, эмдөөгө белсенип жатат

158
(жаңыланган 10:14 08.06.2021)
Учурда Россияда эмгек мигранттары жетишпей, бөтөнчө курулуш тармагы жумушчулардын жоктугунан аксап жатканы белгиленет.

БИШКЕК, 8-июн. — Sputnik. Россия өкмөтү эмгек мигранттарынын өлкөгө келүүсүн жөнөкөйлөтүп, чет өлкөлүктөрдү милдеттүү түрдө эмдөө маселесин кароодо. Бул тууралуу вице-премьер Марат Хуснуллин RTVI телеканалына берген маегинде билдирди.

Анын айтымында, Россияда эмгек мигранттарынын аздыгы бөтөнчө курулуш тармагында сезилүүдө.

"Россия үчүн курулуш объектилеринде жумушчу күчүнүн жетишсиздиги өтө чоң тобокелдиктерге жана экономикалык алсыроого алып келет", — деген Хуснуллин.

Москва мэринин экономикалык саясат, мүлк жана жер байланыштары боюнча орун басары Владимир Ефимов буга чейин Россиянын борборунда эле 300 миңдей эмгек мигранты жетишпей жатканын билдиргени айтылат.

Ефимов, ошондой эле, чет өлкөлүктөрдүн келүүсүнө чектөөлөр көп болуп жатканын да белгилеген.

158
Белгилер:
жумуш, эмдөө, Мигрант, эмгек, Россия
Тема:
Дүйнөгө жайылган коронавирус
Тема боюнча
Чет өлкөдө эмгек келишими жок иштебеш керек. Адистин түшүндүрмөсү
"Манас" аэропортунан ПЦР-тест тапшырчулар 4-5 саат мурун келиши керек
Жылдыздуу асман. Архив

Июндун аягында кыргызстандыктар жылдыз жааган түнгө күбө болот

0
(жаңыланган 11:18 13.06.2021)
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

БИШКЕК, 13-июн. — Sputnik. 28-июнга караган түнү Июнь Боотиддеринин метеордук агымы өзүнүн жогорку чегине жетет. Бул тууралуу Москва планетарийинен кабарлашты.

Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы
© Фото / Институт космических исследований Российской академии наук, Роскосмос
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

Жылдыздардын акыркы активдүү учканы 1998 жана 2004-жылдары байкалган. Ачык булактардагы маалыматтарга караганда, Боотиддер атмосфера аркылуу өтүп бара жатып жарылып, жарык чыгарган учурлар дагы болот.

Июнь Боотиддери — жылдыздардын 1916-жылы ачылган агымы. Жыл сайын 26-июндан 2-июлга чейин байкалат.

0
Белгилер:
аалам, июнь, учуу, жылдыз, асман
Тема боюнча
Кытай алгачкы жолу Марска космостук аппаратын кондурду