Өлбөс полк акциясы. Архив

Чет өлкөлөрдөгү кыргыз диаспоралары Жеңиштин 70 жылдыгын ар башка кылып белгилешти

149
(жаңыланган 14:10 14.05.2015)
Россиянын ар түрдүү шаарларындагы кыргызстандыктар Улуу Ата мекендик согушта курман болгон жоокерлердин эстеликтерине гүл коюп, "Өлбөс полк" акциясына катышты жана спорт мелдештерин өткөрүштү.

БИШКЕК, 14-май — Sputnik. Чет өлкөлөрдөгү кыргыз диаспоралары Жеңиштин 70 жылдыгын ар башка кылып белгилешти деп билдирет "Замандаш" ассоциациясынын маалымат кызматынан.

Якутиядагы "Манас" кыргыз диаспорасы ар түрдүү улуттардын жана дин өкүлдөрү менен бирге Жеңиш аянтындагы согуш каармандарынын эстелигине гүл коюшту.

Андан соң биздин мекендештер Якутскинин бардык борбордук көчөлөрүн кучагына алган бүткүл россиялык "Өлбөс полк" акциясына катышты. Аталган иш-чара Россиянын бардык жерлеринде жана КМШ өлкөлөрүндө өттү. 

8-майда Ростове-на-Дону шаарында жашоочу кыргызстандыктар "Каарман жоокерге" мемориалынын ачылышына катышты. Кыргызстандыктар Улуу Ата мекендик согуштун катышуучусу Калы Исмаиловдун уулун тосуп алышты. Эстеликти ачуу аземинен кийин салтанаттын катышуучулары Дон суусундагы кемеге түштү. Майрамдык иш-чарага шаардын мэри жана Ростовдо жашоочу диаспоралардын өкүлдөрү катышты.

9-майда диаспора мүчөлөрү жана Калы Исмаиловдун жакындары жердешибиздин жаркын элесин эскерип, анын көрүстөнүнө гүл коюп, аза күтүү мөнөтүн өткөрүштү. "Кыргызстан-Дон" кыргыз диаспорасынын төрагасы Курманбек Абдылдаевдин айтымында, Романовка айылында баатырлардын сөөктөрү коюлган мүрзөдөгү эстелик таштын бетинен кыргызстандык беш жоокердин аттары жазылган.

Красноярскиде Жеңиш күнүнө карата салтка айланган Манас кубогу үчүн спорт таймашы өттү. Иш-чара "Бүткүл дүйнөдө тынчтык үчүн!" деген маанайда шарларды асманга коё берүү менен бүттү. 

Кыргызские граждане приняли участие на торжественном открытии вечного огня в городе Хабаровск
© Фото / Консульство Кыргызстана на Дальнем Востоке
11-майда Хабаровскиде КРдин Ыраакы Чыгыштагы Ардактуу консулунун кубогу жана Хабаровск аймагынын өкмөттүк байгеси үчүн улуттук диаспоралардын волейбол боюнча эркек командаларынын арасындагы "Кызматташтык" эл аралык таймашы болду. Ага катышкан кыргызстандыктар байгелүү орунга жетти. 

Мекендештердин Кытайдагы Коомдук бирикмеси өлкөнүн ар кайсы шаарларында "Жеңиш үчүн рахмат!" деп аталган флешмоб өткөрүштү. Бул иш-чара чет мамлекеттерде жашаган бардык кыргызстандыктарга, ата-бабаларыбыздын эрдигине таазим иретинде болду. Кыргызстандык студенттер менен мекендештер жылуу ыраазычылыктарын билидрген флешмобдордон кийин ар түрдүү шаарларда тынчтыктын белгиси катары асманга шарлар коё берилди. 

Ошондой эле Тюмень, Красноярск, Пермь, Москва, Екатеринбург, Канск жана башка шаарларда жашоочу кыргыздар Улуу Жеңиш күнү белгилөө салтанаттарына активдүү катышып, салтанаттуу параддарга чыгып, согушка катышкан өз жакындарынын сүрөттөрүн колго алып "Өлбөс полктун" катарына кошулушту.

149
Белгилер:
Жеңиштин 70 жылдыгы, мигранттар
Тема:
Улуу Жеңишке 70 жыл (117)
Тема боюнча
Чет жактагы кыргыз диаспоралары Нооруз майрамын кызуу белгилешти
Москва шаарындагы Жеңиш Парады
Бишкекте өткөн Жеңиш парадындагы жоокерлер, аскер техникасы жана авиация
Москвадагы метродо киши смартфон менен. Архив

Россияда мигранттар үчүн мобилдик тиркеме 2022-жылы ишке кириши ыктымал

105
(жаңыланган 12:20 22.09.2021)
Тиркемеден алгач жаран өзүнүн Россиянын "кара тизмесинде" бар же жок экенин биле алат. Эгер ага Россия тараптан чектөөлөр коюлбаган болсо, андан ары башка кызматтарды колдоно берет.

БИШКЕК, 22-сен. — Sputnik. Россияда иштеген мигранттар үчүн бирдиктүү мобилдик тиркеме 2022-жылы иштей баштаары күтүлүп жатат. Ал аркылуу чет элдиктер документтерин тууралай аларын "Известия" басылмасына вице-премьер Алексей Оверчук билдирди.

Бул тиркеме чет элдиктер үчүн мамлекеттик кызматтарды көрсөтүү порталы болуп калмакчы.

Оверчуктун айтымында, Россияда 3,8 миллион мигрант патент жана ЕАЭБ мамлекеттеринин жараны катары эмгек келишиминин негизинде иштейт. Мындан тышкары, 290 миң киши ЖОЖдордо билим алат.

"Башка өлкөгө көчүп барып, жумуш издөө өтө татаал процесс. Туруктуу же убактылуу жашоого уруксат алуу, каттоого туруу, медициналык камсыздандыруу, эмгек келишимин түзүү сыяктуу түйшүктүү иштер көп. Андыктан биз чет элдиктер Россияга келип, жумушка орношконго чейин басып өтчү жолду бир мобилдик тиркемеге камтууга аракет кылып жатабыз", — деди Оверчук.

Маалыматка караганда, баарынан мурда мигрант өзүнүн Россиянын "кара тизмесинде" бар же жок экенин биле алат. Ал үчүн паспортун тиркеме аркылуу сканерлейт. Эгер ага Россия тараптан чектөөлөр коюлбаган болсо, андан ары башка кызматтарды колдоно алат.

"Менимче, бул мамлекеттик-жеке өнөктөштүк аркылуу ишке ашат. Андыктан тиркемеде жеке клиникалардын медициналык камсыздандыруу кызматтарынан тарта ижарага турак жай таап берүү кызматтарына чейин сунушталат", — деди вице-премьер.

Оверчук тиркеме иштелип чыгып, акырындык менен толукталып жатканын кошумчалады.

105
Белгилер:
Россия, мигранттар, тиркеме, документ
Тема боюнча
Мигранттар Кыргызстанга 1,5 млрд. долларга чукул акча которду. 7 айдын жыйынтыгы
Россияда мигранттарга берилген жеңилдиктин мөөнөтү бүтүп баратканы эскертилди
АКШ долларлары. Архив

Мигранттар Кыргызстанга 1,5 млрд. долларга чукул акча которду. 7 айдын жыйынтыгы

93
(жаңыланган 10:00 17.09.2021)
Өлкөгө январь-июль айларында жарандардын акча которуулары боюнча эң жакшы көрсөткүч 2018-жылы катталган. Анда атайын система аркылуу бир жарым миллиард доллардан ашык каражат түшкөн.

БИШКЕК, 17-сен. — Sputnik. Кыргызстанга ушул жылдын январь-июль айларында 1 миллиард 494,7 миллион доллар которулганын Улуттук банк билдирди. Кеп жарандардын атайын система аркылуу жиберген каражаты тууралуу болуп жатат.

Өткөн жылдын ушул мезгилинде өлкөгө 1 миллиард 226,9 миллион доллар түшкөн.

Быйылкы жылдын башындагы маалыматтар (кашаанын ичинде 2020-жылдыкы менен салыштырылат):

  • январь — 151,5 миллион доллар (3 миллионго көп);
  • февраль — 177,1 миллион (12 миллион);
  • март — 214,3 миллион (70,3 миллион);
  • апрель — 216,2 миллион (139,9 миллион);
  • май — 227,2 миллион (61,9 миллион);
  • июнь — 266,9 миллион (11 миллионго аз);
  • июль — 241,5 миллион (8,2 миллионго аз).

Бет кап тигүүчү цех. Архивдик сүрөт
© Фото / пресс-служба правительства/ Алишер Алиев
Өткөн жылдын башында өнөктөш мамлекеттер пандемияга байланыштуу чектөөлөрдү киргизгендиктен Кыргызстанга түшкөн акчанын көлөмү азайган. Ал эми июнь жана июль айларынын көрсөткүчтөрү өткөн жылдын ушул айларына салыштырмалуу кыскарган.

Эгерде биз жети айдын көрсөткүчтөрүн жылдар менен салыштыра турган болсок, анда учурдагы маалыматтар көлөмү боюнча экинчи катарда турат. Биринчи рекорд 2018-жылдын январь-июлунда катталып, каражат 1 миллиард 508 миллион долларга жеткен.

93
Белгилер:
Кыргызстан, Улуттук банк, Мигрант, каражат
Тема боюнча
Артка кеткен тармактар. Кыргызстанда ИДПнын көлөмү дагы төмөндөдү
Бүткүл дүйнөлүк жаш мекендештер оюндарынын жеңүүчүлөрүн сыйлоо аземи. Архив

Мекендештер оюндарында кыргызстандыктар алдыңкы орундарды ээлешет

0
"Росскызматташтык" уюмунун башчысынын кеңешчиси аталган мекеме жаштар менен кандай иштерди алып барганын белгиледи. Тактап айтканда, ал Кыргызстандан барган катышуучулардын спорттук ийгиликтери тууралуу айтып берди.

БИШКЕК, 23-сен. — Sputnik. "Росскызматташтык" уюмунун башчысынын кеңешчиси Дмитрий Федотов "Бүткүл дүйнөлүк жаш мекендештер оюндары" мелдешинде Кыргызстандын спортчуларынын ийгиликтери тууралуу айтып берди.

Ал жакынкы чет өлкөлөрдөн келишкен россиялык мекендештердин аймактык жаштар конференциясында сөз сүйлөдү.

Федотов белгилегендей, жаштар менен иштөөгө өзгөчө көңүл бурулуп келет, тогуз жаштан баштап бардык курактагы топтор камтылган.

"Бизде кичинекей балдар үчүн "Бүткүл дүйнөлүк жаш мекендештер оюндары" сыяктуу чоң программа бар. Ал мелдешке ар кайсы өлкөлөрдүн балдары күчүн сыноо үчүн келишет. Кечээ "Русский дом" мекемесине кирип, Кыргызстан дээрлик дайыма биринчи орунду алып келгенин көрдүм", — деген ал.

Ырасында, анын "дайыма" деген сөзүн көпчүлүк учурда деп оңдошкон.

0
Белгилер:
мелдеш, орун, спорт, Кыргызстан, Россия
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды