Чек ара кызматкери мөөр коюсу. Архив

Спикер Жээнбеков: ЕАЭБге кирүү кара тизме көйгөйүн жеңилдетет

358
(жаңыланган 13:27 28.05.2015)
Кыргыз мигранттарынын кара тизме боюнча жагдайын жеңилдетүү боюнча Россиянын Федералдык Жыйынынын Федерация Кеңеши карай тургандыгын ЖК спикери билдирди.

БИШКЕК, 28-май — Sputnik. Жогорку Кеңештин төрагасы Асылбек Жээнбеков жетектеген депутаттар делегациясы Москвадагы шаарындагы кыргыз диаспорасынын өкүлдөрү менен жолукту. Жолугушууда башка маселелер менен катар эле ЕАЭБге кирүү, миграция боюнча суроосу көтөрүлдү.

Спикер Жээнбеков алгач Кыргызстандын Евразия Экономикалык Биримдигине кошулушуна токтолуп, бул процесс оңойго турбагандыгын, эң башкысы — кыргыз бийлиги улуттук кызыкчылыгын коргой алгандыгын айтты.

"Келишим ЕАЭБдин курамындагы мамлекеттерде ратификациядан өткөн соң күчүнө кирет. Анын натыйжасында, ЕАЭБдин курамындагы мамлекеттердин ортосундагы экономикалык мамиле мындан да жакшырат. Миграцияга байланышкан маселелерди чечүү жеңилдейт. Эмгек мигранттары Россиянын жараны сыяктуу эле социалдык, медициналык жактан камсыздалат", — деди Жээнбеков.

Жолугушуунун жүрүшүндө кара тизме көйгөйү кандай чечилээрин сурашты. Төрага Жээнбеков бул маселени Россиянын Федералдык Жыйынынын Мамдумасынын төрагасы Сергей Нарышкин жана Федерация Кеңешинин төрайымы Валентина Матвиенко менен болгон жолугушууларда талкуулаганын маалымдады. 

"Матвиенко маселени туура чечүү жагын карап чыгууну Федерация Кеңешинин Эл аралык иштер боюнча комитетине тапшырып, биргелешип оң жыйынтыкка жетишээрибизди билдирди. Россиялык кесиптештерим бул маселени жеке көзөмөлүнө алууга убада беришти", — деди Жээнбеков.

Акыркы маалыматтарга караганда, Россияда иштеп жүргөндөрдүн ичинен 75 миң кыргызстандык жаран Россиянын Федералдык миграция кызматынын кара тизмесинде турат. Ал эми бир катар депутаттар бул тизме 100 миң адамга чукулдап баргандыгын айтып, бул маселени ЕАЭБ алкагында чечүү маселесин көтөрүп келишет. 

Эмгек мигранттары "кара тизмеден" кантип чыга алашын sputnik инфографигинен көрө аласыздар>>>

358
Белгилер:
Москва, Асылбек Жээнбеков, Валентина Матвиенко, Москва Федерация Кеңешинин Эл аралык иштер боюнча комитети, кара тизме, миграция, кыргыз диаспоралары
Тема:
ЕАЭБдеги Кыргызстан (277)
Тема боюнча
Мигранттардын ЕАЭБда жашоосу түп-тамырынан өзгөрөт — премьер
Сариев мигранттарды "кара тизмеден" чыгаруу боюнча ишти тездетүүнү тапшырды
Россия КР мигранттарынын кара тизмеден чыгышына кызыкдар
Экзамен тапшырып жаткан мигранттар. Архив

Россияда мигранттардын экзамен берүү шарттары өзгөрдү

189
(жаңыланган 12:09 01.08.2021)
Россия мигранттардан экзамен алуу жана документтерин жалпы маалыматтык системага киргизүү боюнча эрежелерге өзгөртүүлөрдү киргизди.

БИШКЕК, 1-авг. — Sputnik. Россияда мигранттардан экзамен алууга байланыштуу бир катар токтомдор күчүнө кирди. РИА Новости агенттигинин жазганына караганда, мындан ары орус тили, тарых жана өлкө мыйзамдары боюнча экзамендин материалдары үч жылга чейин сакталат.

"Орус тили, тарых жана РФтин негизги мыйзамдары боюнча экзамен алуу тартиби жана материалдарды сактоо" токтомуна ылайык, мигрант берген экзамендин жыйынтыгы сертификат алган күндөн тарта үч жыл сакталып, андан кийин жок кылынат.

"Квалификация жана билим алгандыгы тууралуу документтердин федералдык реестри жөнүндө" токтом боюнча, мигранттын документтери жалпы маалыматтык системага киргизилиши зарыл.

Ал эми "Орус тили, тарых жана РФтин негизги мыйзамдары боюнча экзамен алуунун баасы тууралуу" токтомго ылайык, мигранттар убактылуу жашоого уруксат алуу үчүн орус тилинен экзамен тапшырууга эң көп дегенде 5,9 миң рубль төлөшү керек. Ал эми ишке орношуу же патент алуу үчүн орус тилинен экзамен тапшырса баасы 3,8 рубль болот.

189
Белгилер:
Россия, мигранттар, экзамен, мыйзам, токтом
Тема боюнча
25-июлдан тарта Россияга "COVID жок саякаттайм" тиркемеси менен гана кирүүгө болот
Москва районундагы миграция борбору жанында киши. Архив

Россия мигранттарды кабыл алуу жол-жобосун жөнөкөйлөтөт 

1034
(жаңыланган 17:11 26.07.2021)
Буга чейин Россияда ири масштабдагы иш-чара өтсө мигранттарды ишке тартуу боюнча  мыйзам кабыл алынган.

БИШКЕК, 26-июл. — Sputnik. Россиянын мыйзам долбоорлору боюнча өкмөттүк комиссия эл аралык иш-чараларды уюштурууга жана өткөрүүгө, анын ичинде стадион курууга келген мигранттардын түйшүгүн жеңилдетүү демилгесин жактырды. Бул туурасында РИА Новости Россиянын юристтер ассоциациясынын жетекчиси Владимир Груздевге таянып жазды. 

Анын айтымында, эми ири спорттук мелдештерди, түрдүү эл аралык фестиваль, көргөзмөлөрдү уюштурган тараптарга чет өлкөнүн жарандарын чакыруу укугу берилет. Мындай учурда мигранттардан иштөөгө уруксат кагазы талап кылынбайт. 

Груздев буга чейин Россияда ири масштабдагы иш-чара өтсө мигранттарды ишке тартуу боюнча мыйзам кабыл алынганын белгиледи. 

Мында бардык эрежелер системалаштырылып, ар бир мелдеш сайын жаңы мыйзам кабыл алуу практикасы токтойт. Жөнөкөйлөтүлгөн тартипте келген чет элдиктердин даярдык учурундагы мезгилин жана курулуш объектилеринин тезмеси Россия өкмөтү тарбынан бекитилет.

1034
Белгилер:
Россия, Мигрант, тартип, кабыл алуу
Тема боюнча
Тольятти шаарындагы хостелде жашаган 23 мигрант ууланды
Көйгөй бар экенин билебиз. РФ муфтийи Москвада мушташкандарга кайрылды
Pfizer вакцинасы. Архив

Кыргызстанга күзүндө Pfizer вакцинасынын келиши күтүлүүдө

0
(жаңыланган 00:32 06.08.2021)
Өкмөттүн өкүлүнүн билдиришинче, Pfizer вакцинасынан тышкары, күзүндө кайтарымсыз түрдө Sinopharm препараты келиши күтүлүүдө. Ошондой эле Moderna вакцинасын колдонуу планы бар.

БИШКЕК, 5-авг. — Sputnik. Кыргызстанга COVAX линиясы аркылуу коронавируска каршы Sinopharm жана Pfizer препараттары келиши мүмкүн. Бул тууралуу министрлер кабинетинин төрагасынын орун басары Жылдыз Бакашова билдирди.

"Ушул жылдын сентябь айынын этегинде Кытайдын Sinopharm вакцинасы кайтарымсыз түрдө берилери күтүлүүдө, ошондой эле күздүн ортосунда Pfizer вакцинасынын 259 миң дозасынын келишин күтүп жатабыз. 2022-жылдын биринчи кварталында Дүйнөлүк банктын донордук колдоосунун линиясы менен Moderna вакцинасы келиши мүмкүн", — деген Бакашова.

Анын айтымында, министрлер кабинети дипломатиялык каналдар аркылуу вакциналарды алуу боюнча иштерди улантууда.

0
Белгилер:
Кыргызстан, Министрлер кабинети, коронавирус, вакцина
Тема:
Коронавируска каршы эмдөө
Тема боюнча
Дарыгер COVID-19дан айыккандар жана эмделгендер качан кан тапшырса болорун айтты
Окуучулар сентябрда кадимки тартипте окуйбу? Министрликтин жообу
Кыргызстанда жарым миллиондон ашуун адам коронавируска каршы вакцина алды