Абийирин сактайм деп балкондон кулап кеткен Канайым, азыр жардамга муктаж

© Sputnik / Игорь Зарембо / Медиабанкка өтүүОперация залын даярдоо. Архив
Операция залын даярдоо. Архив - Sputnik Кыргызстан
Жазылуу
Москвада үйүн жыйнатам деп чакырып, арам оюн ишке ашырууга аракет кылган зордукчунун колунан араң кутулган 20 жаштагы студент Канайым учурда кымбат операцияга муктаж.
Абийирин сактап балкондон секирген Канайым, азыр жардамга муктаж

БИШКЕК, 17-окт. — Sputnik. Ал абийирин, намысын сактайм деп 7-кабаттын балконунан 6-кабаттын балконуна түшөм дегенде колу сыйгаланып кулап кеткен. Бактыга жараша, ал дароо жерге түшпөй, бак-дарактын үстүнө түшүп, омурткалары жана жамбашы сынган.

Ал эми бул окуяга шектүү делип, 31 жаштагы жаранга кылмыш иши козголгон. Ал кармалып, учурда тергөө абагында.

Канайымдын апасы Гүлшан Матаеванын Sputnik агенттигине билдиришинче каргашалуу окуя 19-сентябрда болгон.

"Кызым студент. Дем алыш күндөрү бош болгондуктан "кошумча жумуш катары үй жыйнайм" деп сайтка жазып койгон экен. Тигил үйүн жыйнатам деген киши телефон чалып чакырган. Кызымдын адамдан жамандык күтпөгөн пейили бар. Үйдү жыйнап бүтүм калганда тигил киши тийишип баштаптыр. Анан ушундай кырысык болуп кетти", — деди ал.

Матаеванын айтымында, арам оюн ишке ашырам деген киши Кыргызстандын жараны.

"Тергөөчүдөн ал жаранды кыргызстандык экен деп угуп калдык. Улуту башка экен. Берилген ID-паспортунда Таласта жашайт деп жазылыптыр. Сураштырсак, ал жакта жашабай турганын айтышты", — дейт ал.

Учурда Канайымга кымбат операция жасатуу керек. Москвалык дарыгерлер анын 7-кабаттан кулап, аман-калганына таң калышууда. Анын басып кетиши үчүн 500 миң рублдик операция жасатыш керек. Андан кийинки операциялары үчүн да каражат керектигин дарыгерлер айтканын Гүлшан Матаева билдирди.

"Москвада кыйын. Дарыгерлер 500 миң рублду банктагы эсепке саласың андан кийин операция жасайбыз деп жатышат. Операциядан кийин дагы 300 миң рубль керек экен. 800 миң рублду мен Москвада сегиз жылдан бери жүрсөм деле таппайт элем. Ыйлап атып 500 миңди таптым дагы 300 миң керек болуп атат", — деди ал.

Аэропортто документ текшерүү. Архив - Sputnik Кыргызстан
Кара тизмеден чыккан КР жарандарынын саны көбөйдү
Кызга операция качан жасалары белгисиз. 

Канайымдын башына келген окуяга кайдыгер карабаган мекендештер да колунан келген жардамды берип жатышат. Москвада жашаган Жылдыз Осмонова Канайымдын окуясы тууралуу социалдык тармактагы баракчасына жазып, мекендештерди жардам берүүгө чакырды.

Учурда мекендештер 26 миң рублдан ашык каражатты чогултушту.

Гүлшан Матаева 2009-жылдан бери Россияда иштейт. Кызы Канайым Москвага 2013-жылы келген. Ал окуусунан тышкары бош убактысында жалгыз бой апасына жардам берип жүргөн. Канайым Гүлшан Матаеванын экинчи кызы. Анын төрт кыз, бир уулу бар.

Жаңылыктар түрмөгү
0