Медициналык жабдуулар. Архив

Москвада жетинчи кабаттан кулап кеткен Канайымга экинчи операция жасалды

218
(жаңыланган 14:27 11.11.2015)
Үйүн жыйнатам деп чакырып, арам оюн ишке ашырууга аракет кылган жарандан качкан 20 жаштагы Канайым 7-кабаттан тайып, кулап түшкөн. Анын жамбаш сөөктөрү сынган.

БИШКЕК, 10-ноя. — Sputnik. Абийирин сактайм деп жатып Москва шаарындагы көп кабаттуу үйдүн жетинчи кабатынан кулап кеткен Канайым Абсамат кызына Сергей Боткин атындагы клиникалык ооруканада экинчи операция жасалды. Бул тууралуу Канайымдын апасы Гүлшан Матаева Sputnik агенттигине билдирди.

Анын айтымында, операция ийгиликтүү өттү.

"Дарыгерлер кечээ экинчи операцияны жасашты. Кудайга шүгүр, ал ийгиликтүү өттү. Эми кызымды отургузуп көндүрөбүз деп жатат. Кулап түшкөндө анын жамбашы жана куймулчагы сынган", — деди ал. 

Зордукчудан кутулуу үчүн жетинчи кабаттын балконунан алтынчы кабатка түшөм деп тайып кулап кеткен Канайымга Москва шаарындагы Сергей Боткин атындагы клиникалык ооруканада операция жасалган. Биринчи операциясы үчүн 500 миң рубль керектелген. Дарыгерлер ага экинчи операция жасоо үчүн 300 миң рубль керектеле турганын билдиришкен. Бул максатта президент Алмазбек Атамбаев президенттин фондунан 300 миң сом жардам көрсөткөн

Андан сырткары Россиядагы мекендештер дагы 117 миң рубль чогултуп бергенин "Москва KG" гезитинин башкы редактору Жылдыз Осмонова билдирди.

Каргашалуу окуя 19-сентябрда болгон. Үйүн жыйнатам деп чакырган жаран ал ишин аяктап калганда ага тийишип, арам оюн ишке ашырууга аракет кылган. Канайым андан качып, 7-кабаттын балконунан алтынчы кабатка секирем деп колу тайып, жерге кулап түшкөн. Ал дароо жерге түшпөй, бак-дарактын үстүнө түшүп, омурткалары жана жамбашы сынган.

218
Белгилер:
миграция, Канайым Абсамат кызы, Гүлшан Матаева, Москва
Тема:
Абийирин сактайм деп Москвадагы көп кабаттуу үйдүн 7-кабатынан кулап кеткен Канайым (5)
Тема боюнча
Абийрин сактайм деп омурткалары сынган Канайымга 2-операция жасатуу үчүн акча керек
Россиядагы мигранттар. Архивдик сүрөт

Россияда мигранттардын адаптациясы үчүн борборлорду ачуу маселеси каралууда

79
(жаңыланган 10:51 02.12.2020)
Россиянын аймактарында атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат.

БИШКЕК, 2-дек. — Sputnik. Россияга келген мигранттардын жергиликтүү элдин социалдык жана маданий турмушуна бат көнүп кетиши үчүн атайын аймактык борборлорду ачуу керек. Бул тууралуу РФтин Улуттар иши боюнча федералдык агенттигинин жетекчиси Игорь Бариновдун сөзүнө таянып Sputnik Өзбекстан агенттиги жазды.

"Мигранттардын социалдык жана маданий адаптациясы жеңил болушу үчүн бир топ иштерди аткаруу керек. Бул бүгүнкү күндөгү эң маанилүү нерселердин бири. Аймактарда атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат", — деди Баринов.

Ал кошумчалагандай, бул нерсени ишке ашыруу үчүн эң биринчиден мыйзам жүзүндө бекитип алуу керек.

79
Белгилер:
борбор, адаптация, Мигрант, Россия
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Бейшенов: эми мигранттар тааныштарын сатып алган үйүнө каттатууга укуктуу
Саркисян: мигранттар үчүн сонун долбоор бар, бирок Кыргызстан кызыкпай жатат
Евразия өнүктүрүү банкынын башкаруучулугунун төрагасынын орун басары Тигран Саркисян

Саркисян: мигранттар үчүн сонун долбоор бар, бирок Кыргызстан кызыкпай жатат

777
(жаңыланган 19:52 30.11.2020)
Долбоорго ылайык, жарандар өзүнүн өлкөсүндөгү лабораториядан коронавируска тест тапшырган соң смартфонуна QR-код жөнөтүлөт. Кийин чек арадагы көзөмөл органдары ошол QR-код аркылуу тесттин жыйынтыгын биле алышат.

БИШКЕК, 30-ноя. — Sputnik. Келечекте жарандардын Евразия аймагындагы кыймылын пандемия шартында жеңилдетүү боюнча экспериментке Кыргызстан кызыкдар болбой койду. Бул тууралуу Евразия өнүктүрүү банкынын башкаруучулугунун төрагасынын орун басары Тигран Саркисян билдирди. Ал Sputnik агенттигинин мультимедиалык маалымат борборунда өткөн Москва — Ереван — Минск — Нур-Султан видео көпүрөсүнө катышты.

Саркисяндын айтымында, сөз болуп жаткан долбоордун маани-маңызы төмөнкүчө: жарандар өзүнүн өлкөсүндөгү лабораториядан коронавируска тест тапшырган соң смартфонуна QR-код жөнөтүлөт. Кийин чек арадагы көзөмөл органдары ошол QR-код аркылуу тесттин жыйынтыгын биле алышат.

"COVID-19 жок саякаттайм" долбоору — бул ЕАБРдин санарип демилгелери боюнча фондунун жасаган эмгеги. Учурда ал пилоттук долбоор бойдон турат. Буга чейин аны Евразия өкмөттөр аралык кеңеш караган. Декабрдын башында Россия, Беларусь жана Армения экспериментке катышат.

"Таң калычтуусу Армения менен Беларуска салыштырмалуу Кыргызстан бул экспериментке катышууга кызыкдар болгон жок. Негизи мындай долбоор айрыкча кыргыз тарапка пайдалуу курал эмеспи. Канчалаган мигранттар ишине кайта албай оор кырдаалда турушат. Бул көрүнүш Кыргызстандын да, Россиянын да экономикасына терс таасирин тийгизип жатат", — деди ал.

Кыргыз өкмөтүнүн басма сөз кызматы аталган маалымат боюнча кечирээк комментарий бере турганын билдирди.

Эксперименттин жыйынтыгы менен бийликке отчёт берилип, долбоорду ЕАЭБге жайылтуу маселеси чечилмекчи. Саркисян демилге COVID-19дун жайылуу тобокелчилигин азайтып, көзөмөл жасоонун мыкты системасын жолго коюуга жана чек араны кесип өтүүнү жеңилдетүүгө жардам берет деп эсептейт.

Ал тиркеме даяр экенин, учурда AppStore менен Google Play дүкөндөрүндө каттоодон өтүп жатканын белгиледи.

"Бул кымбат эмес продукт. Биз аралыктан программа менен кантип иштөө керектигин лабораторияларга көрсөтүп беребиз, ошондой эле көзөмөл органдары менен да онлайн иштеп жатабыз", — деди Саркисян.

Анын айтымында, колдонуучулар жеке маалыматтары үчүн санаа тартпай эле койсо болот.

"Биринчиден, биздин программа системанын коопсуздугун арттырат. Экинчиден, анын түзүлүшү маалыматтар өлкө ичинде калгыдай болуп иштелип чыккан, башкача айтканда, маалымат алмашуу жүрбөйт", — деди жетекчи.

Саркисян азырынча долбоор ишке берилчү мөөнөт тууралуу айтуу эрте экенин белгиледи. Мында кеп макулдашуу стадиясындагы кабыл алынуучу саясий чечимдер тууралуу болууда. Бирок муктаждык күч болгондуктан долбоордун жакын арада ишке ашарына ишеним артылды.

777
Белгилер:
коронавирус, мигранттар, эксперимент, долбоор
Тема боюнча
Россияда кайсы адистер жетишпей жатат. Тизме

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды