Москва шаарындагы темир жол бекетиндеги мигранттар. Архив

Кыргызcтандыктардын арасында эмгек мигранты болгусу келгендер азаюуда

152
(жаңыланган 09:40 19.02.2016)
2015-жылы кыргызстандыктардын чет өлкөгө болгон агымы 33 пайызга кыскарган. Ал эми мекенине кайтып келген жарандарды статистикалык мекемелер каттай элек.

БИШКЕК, 19-фев. — Sputnik. Чет өлкөгө кетип жаткан Кыргызстандын жарандарынын саны азайгандыгын Улуттук статистика комитети маалымдайт. Мындай жыйынтыкка мекеме өткөргөн изилдөөлөрдүн негизинде келген.

Маалыматка ылайык, 2015-жылы жарандардын башка өлкөлөргө болгон агымы бир кыйла кыскарган. Былтыр чет жакка 7 миңден ашык адам кетсе, 2014-жылы бул көрсөткүч 11 миңге жеткен.

Чет мамлекетке кеткендердин көбү Бишкек жана Чүй облусунун тургундары. Бир жыл ичинде беш миңге жакын адам чыгып кеткен.

Ал эми Нарын облусунун жашоочулары четке чыгууга өтө кызыкдар эмес, жыл ичинде 36 гана адам чыкканы белгилүү.

Ошону менен бирге эле, мекенине кайтып келген кыргызстандыктар көп эмес. Былтыр келгендердин саны 3,3 миң адамга жеткен. Мурдагы жылы бул көрсөткүч 3,6 кишиге жеткен. 

152
Белгилер:
Мигрант
Тема боюнча
Миграция кызматы: Кыргызстанда чарбалык иштерге өзбектер менен тажиктер жалданып иштешет
Эмгек мигранттардын Кыргызстанга акча которуулары 28 пайызга кыскарды
Коронавируска экспресс-тест тапшырып жаткан кыз. Архив

Москвада мигранттар COVID-19га акысыз экспресс-тест тапшыра алат. Шарты

113
(жаңыланган 10:58 15.10.2021)
Акысыз экспресс-тестти чет элдиктер дагы тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт.

БИШКЕК, 15-окт. — Sputnik. Москвада COVID-19ду аныктоо үчүн акысыз экспресс-тесттерди тапшыруу жайларынын кызматын эмгек мигранттары дагы колдонсо болот. Бул тууралуу россиялык инфекционист, медицина илимдеринин кандидаты Евгений Тимаковго шилтеме берип Sputnik Өзбекстан агенттиги жазды.

Дарыгер экспресс-тест ПЦР-анализден эмнеси менен айырмаланарын жана анын кандай зарылдыгы бар экенин түшүндүрүп берген.

"Экспресс-тесттин жыйынтыгы 15 мүнөттө даяр болот. Бирок юридикалык күчү жок. Ал вирустун бар же жогун аныктоо максатында гана жасалат. Эгер жыйынтыгы вирус бар деп чыкса, диагноз коюу үчүн баары бир ПЦР-тест тапшыруу зарыл. Негизги максат — адамдын жөнү жок эле ПЦР-тест тапшырып, акчасын жана убактысын коротуусун алдын алуу", — деди Тимаков.

Ошондой эле ал мигранттар бул тестти кантип тапшырса болорун айтып берди.

"Акысыз экспресс-тестти чет элдиктер деле тапшыра алат. Болгону иштөөгө урусат кагазы жана убактылуу болсо дагы медициналык полиси болушу шарт", — деди адис.

Учурда мындай жайлар Москванын мектептеринде жана коомдук жайларда эксперимент иретинде ачылды.

113
Белгилер:
Россия, Москва, мигранттар, коронавирус
Тема:
Дүйнөгө жайылган коронавирус
Тема боюнча
Мигранттарга Россияда жүрүү жана жарандык алууну жеңилдетүү каралууда. Шарты
Темир жол вокзалдагы мигранттар. Архив

Россия 300 миң мигрантка мунапыс берди. Тизмеге кимдер кирет

297
"Миграциялык мунапыстын" Россиянын аймагынан соттун чечими аркылуу чыгарылгандарга тиешеси жок экени айтылды.

БИШКЕК, 14-окт. — Sputnik. Россия бийлиги мурда кирүүгө тыюу салынган 300 миң мигрантка кайтып келүүгө уруксат берди. Алар Тажикстан менен Өзбекстандын жарандары экенин РФтин Мигранттар федерациясынын башчысы Вадим Коженов өзүнүн YouTube-каналында айтты. 

"Узакка созулган сүйлөшүүлөрдөн кийин Россиянын бийлиги Өзбекстандын 150 миң, Тажикстандын 150 миң жаранына миграциялык мунапыс берди", — деди Коженов.

Ошол эле учурда ал кайсы беренелер боюнча мыйзам бузган мигранттарга кечирим берилгенин так айткан жок.

Шаршемби күнү Өзбекстандын Россиядагы элчилигинин баракчасына мыйзам бузган 158 миң жаранга өлкөгө кайтып келүүгө уруксат берилгендиги тууралуу маалымат чыккан. Анда Россиянын аймагынан соттун чечими аркылуу чыгарылган өзбекстандыктар бул тизмеге илинбегени айтылган.

Миграция иштери боюнча юрист Насим Абдуллаевдин "360" телеканалына билдиргенине караганда, мындай кадамга барууга жумушчу күчтүн тартыштыгы себеп болууда. Курулуш жана айыл чарба тармактарында иш токтоп калды. Ошондой эле ал бизнестин иши жүрбөй жаткандыктан, мигранттарды кайтарып келүү үчүн болгон аракеттер жумшалып жатканын кошумчалады.

"Кызыгы, 10 жылга чейин өлкөгө кирүүгө тыюу салынган мигранттарга жаңы жеңилдик берилди. 10 жыл — мамлекет тарабынан берилген өтө оор жаза", — деди Абдуллаев.

Буга чейин мигранттарга Россияда жүрүү жана жарандык алууну жеңилдетүү каралып жатканы айтылган.

 

297
Белгилер:
Россия, мигранттар, мунапыс, жеңилдик, Өзбекстан, Тажикстан
Тема боюнча
Мигранттарга Россияда жүрүү жана жарандык алууну жеңилдетүү каралууда. Шарты
Россиядагы мигранттарга берилчү насыя: кемчилиги жана артыкчылыгы
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт