Москвада мигранттар "кайрымдуулук жарамазанын" айтып 55 миң рубль чогултушту

© Фото / Надыр Мурас"Благотворительный жарамазан" для кыргызстанца Мухидина Ибрагимова в Москве
Благотворительный жарамазан для кыргызстанца Мухидина Ибрагимова в Москве - Sputnik Кыргызстан
Жазылуу
Мекендештер кыргыздар эмгектенген кафе, ишкана, базарларга барып жарамазан айтып, чогулган каражатты мээ рагына кабылган 18 жаштагы балага беришкен.

БИШКЕК, 12-июн. — Sputnik. Москвада кыргызстандык мигранттар "кайрымдуулук жарамазанын" айтып, андан түшкөн каржататты мээ рагына кабылган Мухидин Ибрагимовдун ата-энесине беришти. Бул тууралуу Sputnik Кыргызстан агенттигине уюштуруучулардын бири Зулпидин Нурматов билдирди.

Анын айтымында, жекшемби күнү 16 адам чогулуп кыргыздар эмгектенген чайхана, кафе, ишкана жана базарларды кыдырып жарамазан айтышкан. 

© Фото / Жыпаргул ТоробаеваМосквада кыргызстандык мигранттар "кайрымдуулук жарамазанын" айтып, андан түшкөн каржататты мээ рагына кабылган Мухидин Ибрагимовдун ата-энесине беришти
Благотворительный жарамазан для кыргызстанца Мухидина Ибрагимова в Москве - Sputnik Кыргызстан
Москвада кыргызстандык мигранттар "кайрымдуулук жарамазанын" айтып, андан түшкөн каржататты мээ рагына кабылган Мухидин Ибрагимовдун ата-энесине беришти
"Мекендешибиз Мухидин Москвадагы клиникалардын биринде жатат. Буга чейин да кайрымдуулук иш-чараларды уюштуруп, жалпысынан 700 миң рублге жакын акча чогулган. Кечээ да жарамазан айтып 55 200 рубль алып келип ата-энесине бердик", — деди Нурматов.

Ошондой эле ал кайрымдуулук иретинде жарамазан айтуу мындан ары да уланарын белгиледи.

"Кечээ 14 жерге барганбыз. Баары кубануу менен кабыл алып колунан келген нерселерин берип узатып жатты. Муну көргөн башка мекендештерибиз да келип кеткиле деп чакырууда. Эки-үч күндөн кийин дагы чыгабыз", — деди ал.

Нарын облусунда жардамга муктаж болгон 250 үй-бүлөгө бирден музоолуу уй тапшырылды - Sputnik Кыргызстан
Нарында аз камсыз болгон 250 үй-бүлөгө бирден музоолуу уй берилди
Дарыгерлер 18 жаштагы Мухидинге мээнин рагы деген диагноз коюшкан. Ал бул илдет менен үч жылдан бери алышып келет. Ага 13-май күнү Москвадагы клиникалардын биринде операция жасалган. Атасы Тажидин Ибрагимовдун айтымында, учурда баласы жандандыруу бөлүмүнөн чыга элек. Анын күнүмдүк дарылануусуна 1070 евро керектелет.

Ыйык Рамазан айында ооз бекитүү (имсак) жана ооз ачуу (ифтар) убактысын 2017-жылдын орозо календарынан караңыздар>>

Жаңылыктар түрмөгү
0