Кыргызстан менен Казакстандын чек арасындагы Ак-Жол өткөрүү пункту.

Эми КР жарандары Казакстанда 30 күнгө чейин каттоосуз жүрө алат

211
(жаңыланган 17:43 17.07.2017)
Мурда кыргызстандыктар 5 күн ичинде каттоого турушу керек болчу

БИШКЕК, 17-июл. — Sputnik. Эми Кыргызстандын жарандары Казакстанда 30 күнгө чейин каттоосуз жүрө алат. Бул тууралуу КР Тышкы иштер министрлигинин расмий өкүлү Айымкан Кулукеева Sputnik Кыргызстан агенттигине билдирди.

"15-июлдан тартып Кыргызстандын жарандары Казакстандын аймагында 30 календарлык күнгө чейин каттоосуз жүрө алышат. Мурда кыргызстандыктар 5 күн ичинде каттоого турушу керек болчу", — деди ал.

Убактылуу жүрүү мөөнөтү жарандын Кыргызстандан Казакстанга барган күнүнөн баштап, миграциялык картасы же болбосо Казакстандын аймагына кирип жатканда чек ара көзөмөлү койгон белги боюнча эсептелинет.

"Кыргызстандын жараны Казакстандын аймагында 30 календарлык күндөн ашык жүргөн учурда Казакстандын ИИМинде (барган жери боюнча каттоого туруу) каттоого туруусу зарыл", — деп айтылат маалыматта.

Андан сырткары, Кыргызстандын жарандары Казакстандын мамлекеттик чек арасынан өткөн учурдан тартып 90 календарлык күндөн ашпаган мөөнөттүн ичинде каттоого туруусу зарыл жана ушунча мөөнөткө узартылышы мүмкүн.

Ушундай эле эрежелер Кыргызстанга кыска мөөнөткө келүүгө ниеттенген Казакстандын жарандарына карата да колдонуларын ТИМден кошумчалашты.

211
Белгилер:
Тышкы иштер министрлиги, Айымкан Кулукеева, Казакстан, Кыргызстан
Тема боюнча
Нурсултан Назарбаев 77 жашта! Эл башы тууралуу кызыктуу 15 факты
Жакында КР жарандары Казакстанда бекер дарылана алышат
Рубль жана доллар акчалары. Архивдик сүрөт

Мигранттар которгон акчанын көлөмү быйыл 15 жылдык рекорддон ашып түштү

130
(жаңыланган 10:27 11.06.2021)
Мигранттардын акчасы Кыргызстан үчүн аябай маанилүү. Бул каражат болжол менен өлкөнүн ички дүң продукциясынын үчтөн бир бөлүгүн түзөт.

БИШКЕК, 11-июн. — Sputnik. Үстүбүздөгү жылдын январь-апрель айларында Кыргызстанга чет жактан 759,2 миллион доллар келип түштү. Бул туурасында Улуттук банк билдирди.

Кеп жеке жактардын акча которуу системасы аркылуу гана жөнөткөн каражаты тууралуу болууда.

Өткөн жылы ушул эле мезгилде 534 миллион доллар келип түшкөн.

Жыл башынан берки маалыматтар 2020-жылга карата көрсөтүлгөн:

  • январь — 151,5 миллион доллар (3 миллионго көп);
  • февраль — 177,1 миллион (12 миллионго көп);
  • март — 214,3 миллион (70,3 миллионго көп);
  • апрель — 216,3 миллион (139,9 миллионго көп);

Белгилей кетсек, былтыр пандемияга байланыштуу акча которуунун көлөмү кескин азайып кеткен. Мындай айырма апрель айында өтө чоң болгон. Азыркы тапта өнөктөш мамлекеттерде бир топ карантиндик чектөөлөр алынды.

Эгер азыркы статистиканы 2005-жылдан берки ушул эле мезгилдерге (январь-апрель) салыштыра турган болсок, быйыл рекорддук көрсөткүч болду. Буга чейин акча которуулардын эң жогорку чеги 2019-жылы катталып, 740 миллион долларды түзгөн.

Мигранттардын акчасы Кыргызстан үчүн аябай маанилүү. Ал болжол менен өлкөнүн ички дүң продукциясынын үчтөн бир бөлүгүн түзөт.

130
Белгилер:
рекорд, Кыргызстан, Акча которуулар, Мигрант, экономика
Тема боюнча
Кыргызстандан чыгарылган акча рекорддук чекке жетти. I кварталдын маалыматы
Быйыл 3 айда мигранттар Кыргызстанга канча акча которгону айтылды
Коронавирустан эмдөө учурунда. Архив

Россия мигранттардын өлкөгө кирүүсүн жеңилдетип, эмдөөгө белсенип жатат

158
(жаңыланган 10:14 08.06.2021)
Учурда Россияда эмгек мигранттары жетишпей, бөтөнчө курулуш тармагы жумушчулардын жоктугунан аксап жатканы белгиленет.

БИШКЕК, 8-июн. — Sputnik. Россия өкмөтү эмгек мигранттарынын өлкөгө келүүсүн жөнөкөйлөтүп, чет өлкөлүктөрдү милдеттүү түрдө эмдөө маселесин кароодо. Бул тууралуу вице-премьер Марат Хуснуллин RTVI телеканалына берген маегинде билдирди.

Анын айтымында, Россияда эмгек мигранттарынын аздыгы бөтөнчө курулуш тармагында сезилүүдө.

"Россия үчүн курулуш объектилеринде жумушчу күчүнүн жетишсиздиги өтө чоң тобокелдиктерге жана экономикалык алсыроого алып келет", — деген Хуснуллин.

Москва мэринин экономикалык саясат, мүлк жана жер байланыштары боюнча орун басары Владимир Ефимов буга чейин Россиянын борборунда эле 300 миңдей эмгек мигранты жетишпей жатканын билдиргени айтылат.

Ефимов, ошондой эле, чет өлкөлүктөрдүн келүүсүнө чектөөлөр көп болуп жатканын да белгилеген.

158
Белгилер:
жумуш, эмдөө, Мигрант, эмгек, Россия
Тема:
Дүйнөгө жайылган коронавирус
Тема боюнча
Чет өлкөдө эмгек келишими жок иштебеш керек. Адистин түшүндүрмөсү
"Манас" аэропортунан ПЦР-тест тапшырчулар 4-5 саат мурун келиши керек
Кит. Архив

Кит жутуп алып кайра чыгарып салган балыкчынын азыркы кебетеси. Сүрөт

16
(жаңыланган 11:36 13.06.2021)
Океандын жээгинде лобстер уулап жүргөн балыкчыны кит жутуп алды. Адегенде ири толкун болгонун сезген киши андан кийин караңгынын кучагында калган.

БИШКЕК, 13-июн. — Sputnik. АКШда кит жутуп алган балыкчы аман калды. Бул тууралуу CBS Boston телеканалы жазып чыкты.

Шумдук окуяга Американын Провинстаун шаарынын тургуну Майкл Паккард кабылган. Ал Кейп-Код жарым аралында океанды жээктеп лобстер (деңиз рагы) уулап жүргөн.

Ага адегенде ири толкун болгону байкалган, анан эле караңгы болуп кеткен. Майкл адегенде акула жутуп алды деп ойлогон. Кийинчерээк киттин оозунда экенин билген. Жөн турбастан сүзүп, кыймылын уланткан. Бактысына алп жандык суунун бетине чыгып, оозундагыларын сыртка бүркүп, балыкчы океанга кулаган.

"Мен бошонуп, эркин болуп сүзүп кеттим. Өзүм да буга ишенген жокмун", — деген ал.

Жакын жердеги балыкчылар аны ооруканага жеткиришкен. Дарыгерлер Майклдын майда тамырлары гана жабыркаганын аныкташкан. Башка эч кандай олуттуу жаракат алган эмес, эч жери сынган да эмес.

Окумуштуулар мындай окуя сейрек кездешерин белгилешет. Алардын айтымында, кит демейде адамга коркунуч келтирбейт, болгону суудагы майда балыктар жана башка деңиз жандыктары менен тамактанып жатканда кишини да кокусунан жутуп алышы мүмкүн.

16
Белгилер:
АКШ, окуя, кит, океан, адам
Тема боюнча
Торго түшкөн акуланы сууга кое беришкен. Боорукер балыкчылардын видеосу