Аэропорттогу жүргүнчү. Архив

Мигрант кантип тузакка түшөт. 100 млн. рублга алданган Россиядагы кыргыздар

1882
(жаңыланган 09:48 14.12.2017)
2000-жылдын 4-декабрында БУУнун башкы ассамблеясы тарабынан 18-декабрь мигранттардын эл аралык күнү деп негизделген. Бул күн Кыргызстан үчүн да чоң мааниге ээ. Анткени өлкөнүн 717 миң жараны чет жакка жумуш издеп кеткени катталган. Ал эми бейрасмий маалыматтарда мекендештердин бир миллиондон ашык экени айтылат.

БИШКЕК, 13-дек. — Sputnik. Чет жактан бакыт издеп кеткен кыргызстандыктардын басымдуу бөлүгү Россиянын аймактарын байырлашат. Алар негизинен тейлөө, курулуш кызматтары жана базарларда соода-сатык менен алектенишет. Улуттук банктын билдирүүсүнө ылайык үстүбүздөгү жылдын 10 айында мигранттардын Кыргызстанга которгон акчасы эки миллиард (2, 084) доллардан ашты. Бул каражаттын дээрлик 90 пайызы Россиядан жиберилген.

Анткен менен бөтөн жерде иштеп жүрүп шылуундардын тузагына илинген мекендештердин да саны арбын. Sputnik Кыргызстан агенттигине Миграция кызматынын Россиядагы өкүлчүлүгүнүн кызматкери Доорбек Абдразаков Россияда иштеген кыргыздар кандай учурларда алдамчылыкка дуушар болорун айтып берди.

Ведущий специалист представительства Государственной службы миграции при Правительстве КР в РФ Доорбек Абдразаков
© Фото / Жумалиев Нургазы
Миграция кызматынын Россиядагы өкүлчүлүгүнүн кызматкери Доорбек Абдразаков

Кыргыз мигранттары бир жылда 97 миллион рублга алданды

Биздин өкүлчүлүккө бир жылдын ичинде жардам сурап 7000дей кыргызстандык кайрылды. Ал эми арыз жазгандардын саны 600гө жетет. Эң эле өкүнүчтүүсү — алардын 95 пайызы эмгек келишими жок иштеп жүргөн. Каржылык жактан алганда 97 миллион рубль акчаны өндүрүп берүүгө арыз түшүп, анын 37 миллионун алып бердик. Калганын да тактоо иштери жүрүп жатат. Белгилей кетсек, миграция кызматынын өкүлчүлүгүндө учурда кыргыз жарандары үчүн 2400 вакансия бар. Өкүлчүлүк аркылуу да жумушка орношууга болот. Мекендештерибиз жаңы келгенде ар кандай шылуундарга алданып калышы мүмкүн. Кыргыздарды кыргыздар эле алдап кетиши мүмкүн. Кыргызстандан келип алдамчылыкты негизги жумушуна айландыргандар дагы бар.

Куураган курулушчу

Россияга биринчи баргандардын көбү туруктуу жумуш тапканга чейин курулуш иштеринде убактылуу иштеп келишет. Анткени ал жакта көбүнчө документ талап кылына бербейт. Бирок башында көп сумма сунушталганы менен иш бүткөндө анын жарымын эле алып калышат. Бул жакта бирөөнү эле эмес, 30-40 адамды тобу менен иштетип маянасын бербей койгон учурлар кездешет. Кечээ эле барып келдим, Кыргызстандын 24 жараны турак жайдын курулушун 1,7 миллион рублга макулдашып, бүткөндөн кийин 900 миң гана алып калышкан. Ишкана ээлери жасалган ишинен кемчиликтерди таап, аны түзөтүп бересиңер деп калган акчасын бербей жатыптыр. Биз барып сүйлөшкөндөн кийин курулушчулар үч күндүн ичинде оңдоп, компания акчасын толук төлөп бермей болду. Мындан сырткары, кыргыз эле балдар бригадир болуп 20-30 жигитти иштетет да аягында аларга төлөнгөн акчаны алып качып кеткен учурлар көп кездешет.

Акча жеген ортомчу

Аутсорсинг жана клинингдик компанияларга "жем" болгон мигранттар четтен чыгат. Андай компаниялар мамлекеттик ишканалар менен келишим түзүп жумушчуларды таап беришет. Мындай жол менен жумушка орношкондор маянасын ошол ортомчу компаниялардан алышат. Мындан улам жумушчулардын маянасына берилген каражаттын 40-50 пайызын ал компания кымырып алат. Ушундай ортомчулардын айынан айлык акысын айлап ала албай зарыгып жүргөндөр толтура.

Документ жасамыш эткен шылуундар

Мигранттардын арасында жашап жаткан үйүнө каттоого туруп, өзү иштеген ишкана менен эмгек келишимин түзгөндөр өтө эле аз. Алар ортомчулар аркылуу башка бир жакка каттоого туруп, дагы башка ишкана менен эмгек келишимин түзүшөт дагы ортомчуга 5000 сомдон төлөшөт. Бул жерде батир ээлери менен жумуш берүүчүлөрдүн да кызыкчылыгы бар. Анткени мындай нерсе мамлекетке салык төлөөдөн куткарат. Бирок мигранттын жумушунан маселе жаралса анын укугун коргоо кыйынга туруп калат. Байыл жайында эле 500 кыргыз бир мекендешине алданып калыптыр. Алардын паспортун каттоого коюп берем деп макулдашып, акчасын алгандан кийин качып кеткен. Ар биринен 3000 рублдан алганда дагы 1,5 миллион болуп жатпайбы?! Жабыркагандар ИИМдин өкүлчүлүгөнө кайрылышкан.

Россиянын жарандарын сызга отургузуп качкандар

Эгер туугандары же тааныштарынын россиялык паспорту болсо аны көп жерден пайдаланышат. "Ай сайын өзүм төлөп турам" деп ал кишинин атынан насыяга турмуш-тиричилик техникаларын жана автоунаа алышат. Ушундан пайдаланып анын башына балээ үйүп кеткендер да бар. Машина алдыргандан кийин Кыргызстанга айдап барып сатып жиберген учурлар кездешет.

Жарнамада айтылган жыргал жашоого ишенүү — жаңылыштык

Базардагы радио түйүн, жарнамалар аркылуу тамак-ашы, жатаканасы бекер, маянасы жогору деп чет өлкөгө чакыргандарга толук ишене бербеш керек. Анда айтылган ар бир сөзгө ишенип сапарга чыгуу — чоң жаңылыштык. Мындай иштер менен алектенгендерди укук коргоо органдары тыкыр көзөмөлгө алса болмок. Алардын ким экенин, лицензиясы бар-жогун карап каттоого алыш керек. Ушундай жол менен келип укуктары тебеленген фактылар катталууда. Былтыр "LG заводуна 40тай адамды алып келип паспортторун бербей иштетип жатат" деп кайрылышкан. Биздин өкүлчүлүк аркылуу эмгек акыларын алып башка жумуштарга орношушкан. Быйыл дагы Ош базарындагы жарнама аркылуу 11 кыз-келин Москва облусунун Можайский районунда пальто тиккен цехке иштегени келген экен. Үч кабаттуу үйдөн чыкпай жашап иштеп жүрүшүптүр. Кийинчерээк иш оор болгондуктан кетебиз десе айлыгын бербей койгон. Баарынын акчасы 500 миң рубль болот экен, барып алып бергенбиз.

1882
Белгилер:
миграция, алдамчылык, мигранттар, акча, Доорбек Абдразаков
Тема боюнча
Мигранттар 9 айда Кыргызстанга канча акча которду. Статистика
КР жарандарына Россияда өз күбөлүгү менен машина айдоого тыюу салуу сунушталды
Нью-Йорктогу Эркиндик эстелиги. Архивдик сүрөт

Байден мигранттарга коюлган чектөөлөр боюнча Трамптын жарлыгын жокко чыгарды

98
(жаңыланган 10:14 21.01.2021)
Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

БИШКЕК, 21-янв. — Sputnik. АКШнын жаңы президенти Жозеф Байден алгачкы иш күнүндө кол койгон жарлыктарынын бири менен Кыргызстан катарына кирген бир нече өлкөнүн жарандарына коюлган визалык чектөөнү алып салды. Бул тууралуу АКШнын Кыргызстандагы элчилигинен билдиришти.

"Президент Байден кыргыз иммигранттарынын өлкөгө кирүүсүн токтоткон иммиграциялык жана ар түрдүүлүк (Diversity Visa) визаларга чектөөлөрдү алып салуу боюнча буйрукка 20-январда кол койду. Биз кыргыз өкмөтүнүн акыркы 12 ай ичинде саясий коопсуздукту кыйла жакшыртканын байкадык", — деп айтылат элчиликтин билдирүүсүндө.

Ошондой эле өкмөт Интерпол менен кызматташуусун өркүндөтүп, кылмыштуулук жана террорчулук тууралуу маалыматтар менен ачык-айкын бөлүшүп жатканы кошумчаланды.

"АКШ кыргыз элинин коопсуздугу жана эгемендүүлүгү үчүн эки тараптуу мамилелерин бекемдөөгө умтулат", — деп айтылат билдирүүдө.

Бул чектөөлөрдү мурда Дональд Трамптын администрациясы киргизген. Ага ылайык, Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөр коюлган.

Эске салсак, 2017-жылы АКШга биометрикалык паспорт колдонбогон өлкөлөрдүн жарандары киргизилбей тургандыгы тууралуу жарлыкка мурдагы президент Дональд Трамп кол койгон. Анда Кыргызстан тез арада биометрикалык паспортторду жайылтышы керектиги айтылган.

Жо Байден 20-январь күнү ант берип, АКШнын президенттик кызматына расмий түрдө киришти.

98
Белгилер:
миграция, жарлык, Жо Байден, Дональд Трамп
Тема боюнча
Байден бүгүн АКШга кирүү боюнча кыргызстандыктарга коюлган чектөөнү алып салат
Москванын көчөлөрүнүн биринде беткапчан бара жаткан адамдар. Архивдик сүрөт

РФте жүргөн мигранттар 15-мартка чейин документтерин иретке келтириши керек

581
(жаңыланган 18:29 20.01.2021)
Эгер Россияда туруктуу же убактылуу жүргөн кыргыз жарандары коюлган талаптарды аткарбаса, өлкөдөн чыгарылып, кайра кирүүгө тыюу салынмакчы.

БИШКЕК, 20-янв. — Sputnik. Кыргызстандын Россияда иштеп жүргөн жарандары ушул жылдын 15-мартына чейин документтерге байланыштуу иштерин бүтүрүп алышы керек. Бул тууралуу Кыргызстандын РФтеги элчилигинен билдиришти.

Маалыматка караганда, Россия президенти "COVID-19 инфекциясынын андан ары жайылуу коркунучуна байланыштуу чет өлкөлүк жарандардын укуктук абалын жөнгө салуу боюнча убактылуу чараларды узартуу жөнүндө" жарлыкка кол койгон. Документтеги талаптарга ылайык, төмөнкүлөрдү аткаруусу зарыл:

  • ID-card же жалпы жарандык паспортту жарактуу мөөнөтү бүткөн соң өз убагында алмаштыруу;
  • Россиянын аймагында жүрүү үчүн документтерин (убактылуу жашоого уруксат, мөөнөтү бүткөндүгү тууралуу белгиси менен миграциялык карта, каттоосу) Россиянын мыйзамдарына ылайык калыбына келтирүү;
  • зарыл болгон учурда жумуш берүүчүлөр менен эмгек келишимдерин жана контрактыларын узартуу;
  • административдик укуктарды бузгандыгы үчүн салынган айыптарын жоюу;
  • Россиянын аймагынан өз эрки менен чыгып кетүү (эгер мурда өлкөдөн чыгаруу боюнча чечим кабыл алынган болсо).

Эгер Россияда туруктуу же убактылуу жүргөн кыргыз жарандары жогорудагы талаптарды аткарбаса, өлкөдөн чыгарылып, кайра кирүүгө тыюу салынмакчы.

581
Белгилер:
документ, мыйзам, талап, Кыргызстан, Россия
Тема боюнча
Россия Кыргызстанга кезектеги гумжардамын жөнөттү
Путин мигранттарды курулушка жумушка алуу тартибин жеңилдетүүнү тапшырды
Россиянын курулуш компаниялары мигранттарга муктаж болууда
Санкт-Петербургдагы макулдашылбаган акциялар

Россиядагы макулдашылбаган акциялардын урунттуу учурлары

0
(жаңыланган 23:14 23.01.2021)
Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен.

БИШКЕК, 23-янв. — Sputnik. Россиянын айрым шаарларында макулдашылбаган каршылык акциялары болуп өттү. Төмөндө окуянын урунттуу учурларын сунуштайбыз.

РИА Новости кабарлаганына караганда, Москвадагы Пушкинский аянтына чыккан митингчилер полицияны көздөй желим бөтөлкөлөрдү ыргытышкан. Укук коргоочулар аларды сүрүп чыгарууга аракет жасашты. Митингчилер ак сыр куюлган банканы ыргытып, ал тартип сакчыларына барып тийген.

Саламаттык сактоо департаменти "Социалдык мониторинг" тиркемесиндеги маалымат боюнча Пушкинский аянтындагы акцияда COVID-19 жуктурган 19 адам жүргөнүн кабарлаган.

Москвадагы макулдашылбаган акциянын айынан жол тыгын жаралганын Транспорт департаменти билдирди. Шаардык метрополитен митинг болуп жаткан аймактан 2,6 миң адам метро менен кеткенин кабарлаган. Аянттан 15 киши кармалып, кээ бирлери кайра коё берилген.

Москвадагы макулдашылбаган митинг учурунда полициянын 39 кызматкери жабыркаганын РИА Новостиге укук коргоо органдарындагы маалымат булагы билдирди. Кийинчерээк РФтин Тергөө комитети полицейлерге карата зомбулук фактысы боюнча тергөөгө чейинки текшерүүлөр жүрүп жатканын маалымдады

Екатеринбургда болсо полиция кызматкерлери үн күчөткүчтөр менен акция макулдашылбаганын эскертип, элди тарап кетүүгө чакырышкан. Бирок топтошкон адамдар тартип сакчыларын көздөй кар жана түтүн чыгарган каражаттарды ыргыта баштаганда аларды сүрүп чыгарууга аракет жасашты. Кийин 14 киши кармалганы маалым болду.

Иркутскиде болсо 2,5 миңге жакын адам макулдашылбаган акцияга чыкканын шаардык администрациядан билдиришкен.

Владивостокто бийлик өкүлүнө карата зомбулук көрсөтүү фактысы боюнча эки кылмыш иши козголду. Ыкчам-издөө аракеттеринин негизинде ОМОНдун кызматкерине күч колдонгон адам табылган. Ал 28 жаштагы Владивостоктун жашоочусу экени аныкталды.

Мурманскинин борбордук аянтындагы макулдашылбаган акцияга 550гө жакын адам чыккан. Алар бир аз туруп эле тынч тарап кеткен.

АКШ элчилигинин маалыматы жана Россия ТИМинин реакциясы

Жума күнү АКШнын Россиядагы элчилиги 23-январда өтө турган макулдашылбаган акциялардын убактысын жана даректеринин тизмесин жарыялап, америкалыктарды ал жактарга барбоого чакырган. РФтин Тышкы иштер мининстрлиги мындай аракеттер Россиянын ички ишине кийлигишүү катары бааланарын айтты.

РФ ТИМинин өкүлү Мария Захарова америкалык кесиптештери Смоленск аянтында (Анда Россия ТИМинин имараты жайгашкан) жасаган ишине түшүндүрмө бериши керек болорун белгиледи.

Бийликтин эскертүүсү

Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен. Иш-чара провокация катары бааланары белгиленген. Муну менен катар Башкы прокуратура интернетке тарап жаткан митингге катышуу чакырыктарын өчүрүү талабын койду (буга мыйзам менен дагы тыюу салынган). РФ президентинин маалымат катчысы Дмитрий Песков акцияга провокаторлор чакырып жатканын билдирип, алардын максаты баарына белгилүү экенин белгиледи.

Өзгөчө көңүл окуучуларга бөлүндү. Ата-энелерге балдарын акциядан "калкалоо" сунушталды.

0
Белгилер:
полиция, бийлик, акция, Россия
Тема боюнча
Москвада полиция макулдашылбаган акцияга чыккандарды кармай баштады
Токсиколог Александр Сабаев: Навальныйдын ууланганы такталган жок