Кыргызстандын Түркиядагы элчиси Ибрагим Жунусов. Архив

Түркияда акча агып жаткан жок! Элчи Ибрагим Жунусов КР мигранттары тууралуу

3375
(жаңыланган 21:35 30.08.2018)
Кыргызстандын Түркиядагы элчиси Ибрагим Жунусов кыргызстандык мигранттардын жашоо-шартына токтолуп өттү.

Миграция кызматынын маалыматына таянсак, бүгүнкү күндө Түркияда 30 миңден ашуун кыргызстандык бар. Алардын саны өзгөчө жайкы сезондо кескин жогорулап, октябрь айынан кийин кайра азая баштайт. Учурда эмгек келишимин түрк лирасы менен түзгөн кыргызстандыктар тапкан акчасын сомго айландырганда чыгымга учуроодо. Анткени түрк лирасынын куну кескин төмөндөп, 5,75тен 7,2 лирага чейин жетип тургандыгын буга чейин РИА Новости белгилеген.

Кыргызстандын Түркиядагы элчиси Ибрагим Жунусовго аталган өлкөдө иштеп жүргөн КР мигранттардын турмушу тууралуу 3-4 собол узатып жооп алдык.

Түзүлгөн келишимди буза албайбыз

— Кыргызстандан келген мигранттар Түркияга алты айлык, бир жылдык келишим менен келген. Ал жерде айлык маянасы түрк лирасы менен төлөнөт деп көрсөтүлүп, ошол акчага ыраазы болгону үчүн кол коюшкан. Жада калса, аларга жумуш бергендер учак билетин да алып берген. Келишимде мунун баары каралган. Эгер документте маяна доллар менен төлөнөт деп көрсөтүлсө мындай көйгөй жаралбайт эле. Биз дагы сүйлөшүүлөрдү жүргүзүп, колубуздан келген аракетти жасап жатабыз. Маселе оң жагына чечилер-чечилбесин мезгил көрсөтөт.

Учурда төрт кыргызстандык абакта отурат

— Эртеден кечке мекендештерибиздин маселелерин чечүүгө аракет жасайбыз. Мына азыр да биздин кабылдамада 10дон ашык кыргызстандык отурат. Жакында эле сегиз баланын айлыгын жетекчиси төлөбөй жаткан экен, аларга жардам берип, маселесин чечип бердик. Мындан сырткары, ооруп келгендер да жок эмес. Аларга котормочу керек болгондо биздин кызматкерлерден жана студенттерден суранам. Кээде аларды дипломаттардын үйүнө жаткырууга туура келет. Ошондой эле учурда төрт жараныбыз түрмөдө отурат. Алардын экөө адам өлтүрүү, бирөө наркотикалык заттарды саткандыгы үчүн, бирөө адам сатуу кылмышы боюнча айыпталган. Жакында эле феточу деп кармалган эки жигитти мекенибизге жибердик.

Түркияда 30 миңден ашык кыргызстандык бар

— Миграция кызматынын маалыматына ылайык, учурда Түркияда 30 миңден ашуун кыргызстандык бар. Апрель айынан октябрга чейин мигранттардын саны кескин жогорулап, андан кийин 15 миңге чейин азаят. Анткени алар Анталияга иштөө үчүн "сезондо" келип кетишет. Расмий маалыматтар боюнча Анкара менен Стамбулда эки жарым миңдей студент билим алууда. Алардын 530у мамлекеттик окуу жайларда стипендия алып окуса, калган эки миңи менчик университеттерде билимин жогорулатып жатат. Мындан сырткары, Түркияда үч ай визасыз жүрүүгө мүмкүн болгондуктан, каттоого турбаган жарандарыбыз да бар. Визасыз жүргөндөрдүн көйгөйү толтура.

Түрк тилин билбесеңер Түркияга келбегиле!

— Түркияга келип иштейм дегендер түрк тилин билбесе келбей эле коюшу керек. "Эжемдин досу чакырды эле, байкемдин таанышы иш таап коюптур" деп келгендер тескерисинче карызга батып кетип жатат. Түркияга жумушка чакырабыз деп илинген Ош базарындагы көрнөк-жарнактарга ишенбеш керек. Чындап эле жумуш тапкысы келген адам миграция кызматына барып, жардам сураса болот. Азыр интернеттин заманы эмеспи. Кайсы компания менен келе турган болсо, алгач ал боюнча маалымат алып алсын. Түркияда акча жерде агып жаткан жок. Барсак эле байып кетебиз деп ойлоо — жаңылыштык.

Эске салсак, буга чейин Cumhuriyet басылмасы 2018-жылдын 10-августун "кара жума" деп атап, учурда өлкөнү башкарып жаткан Адилет жана өнүгүү партиясынын (АК партия) тарыхындагы эң начар күн болгонун жазган.

Түрк лирасынын куну кескин төмөндөп, 5,75тен 7,2 лирага чейин жетип тургандыгын РИА Новости белгилеген. Буга АКШнын эки түрк министрине карата берген санкциялары түрткү болгон.

3375
Белгилер:
лира, доллар, мекендештер, мигранттар, Түркия
Тема боюнча
Түрк лирасынын куну түшүүдө. Кыргызстандык мигранттарга берген таасири кандай
Миграция кызматы кыргызстандыктарга Россиядан иш таап берүүдө. Жол-жобосу
Түштүк Кореянын желеги. Архив

Түштүк Кореядагы мекендештер 10 миң доллардан ашуун акчага жардам жөнөттү

110
(жаңыланган 20:56 25.07.2020)
Мекенге жардам көрсөткөндөрдүн катарында коомдук борборлор, кайрымдуулук фонддор жана студенттер бар.

БИШКЕК, 25-июл. — Sputnik. Түштүк Кореяда иштеп, окуп жаткан мекендештер Кыргызстанга жардам берүү үчүн жалпы жонунан 10 миң доллардан ашуун акча чогултканын Мамлекеттик миграция кызматы кабарлады.

Жардам көрсөткөндөрдүн катарында "Аманат" кайрымдуулук фонду, Кореядагы кыргыз студенттеринин ассоциациясы, "Кырхан", "Азия жаркын келечек", "Биримдик" коомдук борборлору жана студенттердин Kyrgyz Wings тобу бар.

Боронов: жаңы салынчу ооруканаларга меджабдууларды азыртан алыш керек

"Чогулган 9 270 доллардын 5 250сү медицина кызматкерлерине коргоочу каражаттарды алуу үчүн "Биз барбыз" кыймылына берилип, калган 4 020 доллары дары-дармек алууга Москвага жөнөтүлдү. Бул препараттар коронавируска чалдыккандарга акысыз таратылат", — деп айтылат билдирүүдө.

Мындан тышкары, маалыматта июлдун башында Түштүк Кореядагы кыргыз аялдарынын союзу тарабынан Кыргызстандын ооруканаларына үч кычкылтек концентратору, үч пульсоксиметр жана 20 миң сом өлчөмүндө акча берилгени белгиленген. Кыз-келиндердин көрсөткөн жардамынын жалпы суммасы 1 450 долларды түзгөнү айтылды.

110
Белгилер:
мекендештер, дары-дармек, каражат, жардам, Кыргызстан, Түштүк Корея
Тема:
Коронавируска байланыштуу Кыргызстандагы кырдаал
Тема боюнча
Министр Айдарбеков: Кыргызстан эли эпидемия маалында мыкты сапатын көрсөттү
Жээнбеков Бишкектеги жаңы оорукананын курулушун баштап берди. Сүрөт
Төрага Жумабеков Суусамырдагы стационарга барып, акчалай жардам берди. Сүрөт
Стулда отурган бала. Архив

ИИМ: Москвада кыргызстандык кыздарды жазаламакчы болгондор кармалды

257
(жаңыланган 12:24 23.07.2020)
Буга чейин ИИМдин Россиядагы өкүлчүлүгү Москвадагы кыргыз кыздарын жазалоого чакырган видео кайрылуу боюнча иликтей баштаган эле.

БИШКЕК, 23-июл. — Sputnik. Кыргызстандын Ички иштер министрлигинин Россиядагы өкүлчүлүгү Москвада башка улуттагы жигиттер менен мамиле курган кыргызстандык кыздарды жазалоого чакырык таштаган эки адамды тапты. Бул тууралуу ИИМдин маалымат кызматынан билдиришти.

Эске салсак, социалдык тармактарда жаш балдардан турган топ Россияда иштеп жүргөн кыздар башка улуттагы жигиттер менен мамиледе болгонун билер замат аны жазалоого чакырып жаткан видео тараган эле. Кийин өкүлчүлүк бул боюнча иликтөө иштерин баштаган.

"Чакырык таштаган А.А. жана Б.Б. аттуу эки жаран кармалды. Алар күнөөсүн мойнуна алып, кечирим сурашты. Эми бул жарандардын кылган ишине Москва шаардык милициясы тарабынан укуктук баа берилет", — деп айтылат билдирүүдө.

ИИМ: Москвада кыргызстандык кыздарды жазалагысы келгендер изделе баштады

Ошондой эле ИИМдин Россиядагы өкүлчүлүгү мындан ары ушул сыяктуу көрүнүштөрдү болтурбоо максатында кыргыз диаспорасынын өкүлдөрү менен жыйын өткөрдү.

Анын катышуучулары жаш муун арасында түшүндүрүү жана тартипке чакыруу иштери болуп жатканын билдиришти.

Ошондой эле өкүлчүлүк бир нече күн мурда Россиянын Екатеринбург шаарында кыргыз жана тажик жарандарынын ортосундагы пикир келишпестикти талкуулап, мындан аркы улуттар аралык жаңжалдын чыгып кетпеши үчүн эки тараптын диаспора өкүлдөрүн жолуктурду.

Малыматка караганда, Кыргызстандын Россиядагы элчилигинин имаратында чогулган коңшу элдин өкүлдөрү достук маанайда пикир алышып, ынтымакты бекемдөөгө кызыкдар экенин айтышкан.

257
Белгилер:
чакырык, жыйын, диаспора, ИИМ, Москва, Кыргызстан, Россия
Тема боюнча
Депутат бийликти алмаштырууга чакырык жасаганбы. УКМК иликтеп баштады
Кытайдын Ухань шаарындагы медицина кызматкери. Архив

ДССУ Кытай менен коронавирустун келип чыгышын иликтөөнү макулдашты

0
(жаңыланган 08:32 04.08.2020)
Эпидемиологиялык изилдөө Ухань шаарында жүргүзүлөт. Былтыр дал ушул жерде вирус чыгып, сегиз айда дүйнөнүн булуң-бурчун каптады.

БИШКЕК, 4-авг. — Sputnik. Дүйнөлүк саламаттык сактоо уюму (ДССУ) кытай тарап менен коронавирустун пайда болушуна байланышкан эл аралык иликтөөнүн шарттарын макулдашты. Бул тууралуу РИА Новости жазып чыкты.

Маалыматка ылайык, Кытайга барган ДССУнун алдыңкы командасы вирустун келип чыгышын аныктоо боюнча биргелешкен аракеттерди баштады.

"Эл аралык уюм менен Кытай эксперттери изилдөө жүргүзүү шарттарын аныктаган документтердин долбоорун иштеп чыгышты. Бул ишти жетектөөнүн башында ДССУ турат", — деп айтылат билдирүүдө.

Эпидемиологиялык изилдөө оору биринчи жолу чыккан Ухань шаарында жүргүзүлөт.

ДССУ кайталап киргизилген карантиндик чектөөлөрдү сынга алды

Уюмдун эксперттери кытай кесиптештеринен COVID-19дун пайда болушуна байланышкан алдын ала тергөө иштеринин маалыматтарын колго алышты. Бул туурасында ДССУнун Саламаттык сактоо боюнча өзгөчө кырдаалдар программасынын директору Майкл Райан кабарлады.

Кытай бийлиги былтыр 31-декабрда ДССУга өлкөнүн борбордук бөлүгүндөгү Ухань шаарында (Хубэй провинциясы) белгисиз пневмониянын келип чыгышы жөнүндө маалымдашкан. Адистер ооруну жаңы коронавирус козгогонун аныкташып, кийинчерээк инфекция расмий түрдө COVID-19 деп аталган. 11-мартта коронавирус пандемиясы жарыялаган.

Учурда коронавирус жуктургандардын саны 18 миллиондон ашты. Каза болгондордун саны 680 миңден көбүрөөк. Сап башында АКШ, Бразилия жана Индия мамлекеттери турат.

0
Белгилер:
иликтөө, коронавирус, Кытай, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Окумуштуулар: коронавирустун иммундук реакциясы организмди алсыратат