Түркияга иштегени барып алданып калган Кыргызстандын 46 жараны жардамга муктаж

Түркияда Кыргызстандын 46 жараны көчөдө калдыбы? Окуянын чоо-жайы

1760
(жаңыланган 15:08 19.10.2018)
Чет өлкөдөн жумуш берүүчү компаниялардын "тузагына" түшкөн кыргызстандыктар байма-бай арызданып келишет. Бул ирет мындай маселе Анталияда болду.

БИШКЕК, 16-окт. — Sputnik. Түркияга иштегени барып алданып калган Кыргызстандын 46 жараны жардамга муктаж. Аларга иш берүүчүлөр үч айдан бери айлык төлөбөй, кайтканына билет алып бербей жатат, ал эми элчилик кайдыгер болууда. Мындай билдирүүнү Батма Казакбаева аттуу колдонуучу Facebook баракчасына жазып чыкты.

  • Түркияга иштегени барып алданып калган Кыргызстандын 46 жараны жардамга муктаж
    Түркияга иштегени барып алданып калган Кыргызстандын 46 жараны жардамга муктаж
    © фото очевидца, отправленное по WhatsApp-каналу
  • Аларга иш берүүчүлөр үч айдан бери айлык төлөбөй, кайтканына билет алып бербей жатат, ал эми элчилик кайдыгер болууда
    Аларга иш берүүчүлөр үч айдан бери айлык төлөбөй, кайтканына билет алып бербей жатат, ал эми элчилик кайдыгер болууда
    © фото очевидца, отправленное по WhatsApp-каналу
  • Арызданып жаткан мекендештер Анталия провинциясынын Кемер шаарындагы Авангард деген мейманканада иштеген.
    Арызданып жаткан мекендештер Анталия провинциясынын Кемер шаарындагы "Авангард" деген мейманканада иштеген.
    © фото очевидца, отправленное по WhatsApp-каналу
  • Ушул жылдын май айында Бишкектен Фиеста Сервис компаниясы аркылуу кетишкен.
    Ушул жылдын май айында Бишкектен "Фиеста Сервис" компаниясы аркылуу кетишкен.
    © фото очевидца, отправленное по WhatsApp-каналу
1 / 4
© фото очевидца, отправленное по WhatsApp-каналу
Түркияга иштегени барып алданып калган Кыргызстандын 46 жараны жардамга муктаж

Мындан улам Sputnik Кыргызстан агенттиги окуянын чоо-жайын билүүгө аракет кылды.

Арызданып жаткан мекендештер Анталия провинциясынын Кемер шаарындагы "Авангард" деген мейманканада иштеген. Ушул жылдын май айында Бишкектен "Фиеста Сервис" компаниясы аркылуу кетишкен. Алардын бири атын атабоо өтүнүчү менен окуя тууралуу баяндап берди.

"Эки айдан бери 46 киши айлыгыбызды ала албай жатабыз. Айлабыз кеткенде Кыргызстандан "Фиеста Сервис" аркылуу өндүрөбүз деп кетүүнү чечтик. 13-октябрда саат 8.30га билет алганын айткан. 17 киши аэропортко барсак жалган болуп чыкты. Анан компаниянын өкүлү кайра Анталияга алып барып жатаканага жайгаштырды. Ошол бойдон маселе чечилбей жатат. Жөнөткөн компанияга 280 доллар төлөгөнбүз. Айлыкты 400 доллардан кем болбой деген, бирок 270ке араң жетүүдө. Жатакана, тамак-ашы начар, келгенден бери эле күрүч жеп атабыз", — деди мекендеш.

Ал эми 24 жаштагы Улан 13-октябрда ызы-чуу болуп жатканда эжесине билет алдырып Бишкекке келе бергенин айтат. Компаниянын бул жактан айткан шарттары барганда такыр башкача болуп таң калганын белгиледи.

"Мейманкана "азыр акча жок болууда, артыңардан салабыз" дегенде аргасыз макул болуп кетүүгө камындык. Электрондук билет алынды дегенинен барып тизмеден таппай калдык. Авиакомпаниядан сурасак билеттерди алгач брондоп, бир сааттан кийин кайра баш тартып койгон деди. Бизди бул жактан "Фиеста Сервис" компаниясы жөнөткөн. Эски контейнердин ичинде жашадык. Интернет жок, кондиционер иштебейт, бир бөлмөдө алтыдан жаттык. Биринчи айлыкты ызылдап отуруп 2,5 айда араң алдык. Ушундай шартта бирөө үч жашар баласы менен жашап жүрдү", — деди ал.

"Фиеста Сервис" компаниясынын жетекчиси Канат Чынботоев 46 кыргызстандык көчөдө калды деген билдирүү чындыкка дал келбей турганын айтат. Учурда алар маселени чечүү иштери менен чуркап жүргөнүн билдирди.

"Бир аз күткүлө дегенибизди укпай, алдын ала брондолгон билет менен аэропортко барып алышкан. Анткени 15-октябрда айлык алышмак. Ооба, августтун жарымына, сентябрга маяна бериле элек. Мейманкана карыз болуп маселе жаралган экен. Муну чечип берүүнү убадалаганбыз. Анан башында эки жарым ай кечигип айлык алдык дегени туура эмес. Анда бизди тытып-жеп коймок да", — деди Чынботоев.

Ал эми жашоо-шарты боюнча эч кандай жомокту убада кылбаганын, тескерисинче ачык-айкын көрсөткөнүн айтууда. Ошондой эле алар эс алууга эмес, иштегени барганын эске алышын белгилеп өттү.

"Ар бир жаран жөнөткөн компаниянын кызмат акысына 230 доллар төлөмөк. "Акчабыз жок, кредит алабыз" дешкенде жардам болсун деп жаныбыздан төлөп, кийин айлыктан бересиңер деп макулдашканбыз. Ошол акчаны алиге чейин берише элек. Баргандан кийин үчөө телефон уурдап иштен айдалган. Экөө келе берди. 13-окятбрда бирөө өз жанынан билет алып келген, ага акчасын беребиз. Калгандарынын маселесин чечилип, айдын аягына чейин Кыргызстанга алып келинет", — деди компаниянын директору.

Тышкы иштер министрилигинин маалымат департаментинин директору Муратбек Азымбакиев бул окуяны Кыргызстандын Стамбулдагы башкы консулдугу өз көзөмөлүнө алганын билдирди.

"Чынында "Фиасто сервис" компаниясы тиешелүү милдеттерин аткарган эмес. Вице-консул барып биздин жарандар соңку 2,5 айдан бери айлык албаганын тастыктады. Мейманкананын жетекчилери менен да сүйлөшүүдө. Жарандар Түркиядан чыгып кеткенче ошол мейманкада болушат. Буга чейин алар консулдукка кайрылган эмес, вице-консул маалыматты социалдык тармактын угуп барды", — деди Азимбакиев.

Ошондой эле ал кийин маселе жаралбашы үчүн ар бир жаран чет өлкөгө иш келишимин түзүп жатканда өз укугун жана милдетин так билип алышы керектигин эскертти.

Эскерте кетсек, бБуга чейин да мекендештер "Езекия" компаниясынын ушул эле Анталияга жумушка жиберип, бирок убадасынан тайып, алдап кеткенин айтып арызданышкан.

1760
Белгилер:
жумуш, миграция, алдамчылык, Анталия, Түркия
Тема боюнча
Улан-кыздарды кууратты деген компанияга эми Анталиядан арызданышууда
Түркияга ишке жөнөтөм деген компания убадасынан тайып, улан-кыздарды кууратты
Москва районундагы миграция борбору жанында киши. Архив

Россия мигранттарды кабыл алуу жол-жобосун жөнөкөйлөтөт 

942
(жаңыланган 17:11 26.07.2021)
Буга чейин Россияда ири масштабдагы иш-чара өтсө мигранттарды ишке тартуу боюнча  мыйзам кабыл алынган.

БИШКЕК, 26-июл. — Sputnik. Россиянын мыйзам долбоорлору боюнча өкмөттүк комиссия эл аралык иш-чараларды уюштурууга жана өткөрүүгө, анын ичинде стадион курууга келген мигранттардын түйшүгүн жеңилдетүү демилгесин жактырды. Бул туурасында РИА Новости Россиянын юристтер ассоциациясынын жетекчиси Владимир Груздевге таянып жазды. 

Анын айтымында, эми ири спорттук мелдештерди, түрдүү эл аралык фестиваль, көргөзмөлөрдү уюштурган тараптарга чет өлкөнүн жарандарын чакыруу укугу берилет. Мындай учурда мигранттардан иштөөгө уруксат кагазы талап кылынбайт. 

Груздев буга чейин Россияда ири масштабдагы иш-чара өтсө мигранттарды ишке тартуу боюнча мыйзам кабыл алынганын белгиледи. 

Мында бардык эрежелер системалаштырылып, ар бир мелдеш сайын жаңы мыйзам кабыл алуу практикасы токтойт. Жөнөкөйлөтүлгөн тартипте келген чет элдиктердин даярдык учурундагы мезгилин жана курулуш объектилеринин тезмеси Россия өкмөтү тарбынан бекитилет.

942
Белгилер:
кабыл алуу, тартип, Мигрант, Россия
Тема боюнча
Тольятти шаарындагы хостелде жашаган 23 мигрант ууланды
Көйгөй бар экенин билебиз. РФ муфтийи Москвада мушташкандарга кайрылды
Кыргызстандын Россиядагы элчилиги. Архивдик сүрөт

РФтеги элчилик кыргыздардын массалык депортациясы тууралуу маалыматты төгүндөдү