Токио шаары. Япония. Архив

Миңдей кыргызстандык үчүн Японияда иштөөгө жол ачылды

1711
(жаңыланган 10:31 28.05.2019)
Вакансиялар Фукая шаарынан изделүүдө.

БИШКЕК, 28-май — Sputnik. Японияда Кыргызстандын 1000дей жаранына иш орун түзүү каралып жатат. Бул тууралуу Мамлекеттик миграция кызматынан кабарлашты.

27-май күнү аталган мекеменин жетекчиси Болотбек Ибраимжановдун Фукая шаарынын мэри Кожим Сусуму менен жолугушуусу өткөн. Анда кыргызстандыктардын аталган шаарда ишке орношуу маселеси талкууланган.

Мындан тышкары, Эл аралык тил академиясынын жетекчилиги менен сүйлөшүүлөр жүрүп, натыйжада кыргызстандыктарды окутуу боюнча келишимге кол коюлду. Билим алгандар шаардын мекемелеринде ишке орношо алат.

2019-жылы академия Кыргызстандын 40 жаранын кабыл алууга даяр.

Муну менен бирге Ибраимжанов шаардагы Wellness terrace деп аталган карылар үйүнө барып, ал жакта иштеген кыргызстандыктар менен жолукту.

1711
Белгилер:
академия, вакансия, жумуш, Япония
Тема боюнча
700 долларга эч ким иштебейт. Кыргызстандык ишкердин Гуанчжоудагы турмушу
Россиялык теле алып баруучу Артур Цветков. Архив

Миграция кызматы КР жараны менен уруша кеткен Цветков боюнча үн катты

218
(жаңыланган 12:19 14.08.2020)
Мурдагы алып баруучу менен кыргызстандык киши элдешкен. Бирок Цветковду социалдык тармак аркылуу коркутуу токтой электиги айтылды.

БИШКЕК, 14-авг. — Sputnik. Мамлекеттик миграция кызматы мурдагы теле алып баруучу Артур Цветковдун кадамдарына байланыштуу кыргызстандыктарды чагымчылдыкка алдырбоого чакырды.

Мекеме 11-августта Москвадагы тез тамактануучу жайлардын биринде болгон окуя боюнча үн катты. Эске сала кетсек, ал жакка Цветков бет кап тагынбай келгени үчүн пикир келишпестик чыккан. Ал кыргызстандык Манап Абдразаков менен айтыша кетип, акырында кол көтөргөнгө чейин барган.

13-августта Миграция кызматынын өкүлдөрү ал экөө менен жолугуп, чыр-чатакка чекит коюлганы аныкталды. Тараптар элдешип, жакынкы күндөрү полицияга жазылган арыз артка кайтарылмай болгон.

Россия мигранттар үчүн атайын тиркеме киргизиши мүмкүн. Максаты

"Ошол эле учурда Мамлекеттик миграция кызматынын өкүлчүлүгү Кыргызстандын жарандарын Артур Цветковду социалдык тармак аркылуу коркутуп, чагымчылдыкка алдырбоого чакырат", — деп айтылат билдирүүдө.

Мекеме белгилегендей, коркутуулар үчүн Россиянын мыйзамынын чегинде жоопкерчиликке тартуу мүмкүн.

218
Белгилер:
миграция, Артур Цветков, Москва, Кыргызстан
Тема боюнча
Кыргызстанга мигранттардан келген акчанын көлөмү өстү
Акчалар. Архивдик сүрөт

Кыргызстанга мигранттардан келген акчанын көлөмү өстү

123
Июнь айында былтыркы жылдын ушул учуруна салыштырмалуу 86 миллион долларга көбүрөөк акча которулду. Жыл башынан бери бардыгы 970 миллион доллардай акча чет мамлекеттерден жиберилди.

БИШКЕК, 13-авг. — Sputnik. Ушул жылдын июнь айында мигранттардын Кыргызстанга которгон акчасы 277,9 миллион долларды түзгөнүн Улуттук банктан билдиришти.

Кеп жеке тараптар атайын системалар аркылуу которгон каражат тууралуу болуп жатат.

Белгилей кетсек, мигранттар былтыркы жылдын ушул учурунда мекенине 191,6 миллион доллар жөнөтүшкөн.

Кыргыз экономикасынын артка кеткен тармактары. Тизме

277,9 миллион доллар 2018-жылдын август айынан бери бир айлык өлчөм менен алганда эң чоң көрсөткүч. Бирок жалпы жыл башынан берки сумма өткөн жылдагыдан азыраак. Мисалы, 2020-жылдын алты айында Кыргызстанга сыртта иштеп жүргөн жарандардан 977,3 миллион доллар келсе, былтыр бул көрсөткүч 1 миллиард 126,4 миллионго жеткен.

123
Белгилер:
Акча которуулар, каражат, Мигрант, Кыргызстан
Тема боюнча
COVID: КРге канча акча жардам катары келип, алар кайда жумшалды
Бал. Архивдик сүрөт

Ченемин билгиле. Диетолог балдын зыян жактарын айтып берди

0
(жаңыланган 08:31 15.08.2020)
Биохимиялык индекс боюнча, бал кумшекерге тете болгондуктан айрым оорулууларга такыр жегенге болбойт. Кээ бирлери чеги менен колдонушу шарт.

БИШКЕК, 15-авг. — Sputnik. Балды ченемден тыш колдонуу бир катар көйгөйгө алып келерин "Известия" дарыгер-диетолог, эксперт Дарья Русаковага шилтеме берип жазды. 

Адистин айтымында, кант диабети менен жабыркаган адамдар балдан таптакыр баш тартканы оң. Анткени таттуу азык кандагы глюкозаны көтөрөт. Ошондой эле балда углевод көп болгондуктан ден соолугу чың адамдар дагы ченеп жеши керек.

"Бир күндө 1-2 кашык колдонсо болот. Бирок күндүз жегенге аракет кылгыла, углеводдорду коротконго жардам берет. Биохимиялык индекс боюнча, бал кумшекерге тете болуп калат. Ошондуктан балды көп жеген ашыкча салмакка алып келет", — деген диетолог.

Уйку канат. Дарыгер кумшекерден баш тартуунун пайдасын айтты

Ал кошумчалагандай, балды дайыма колдонгудай анда пайдалуу делген микроэлементтер, витаминдер жана заттар аз.

Ошондой эле тамак-аш адиси балдын жаңысын дүкөндөрдөн алууну сунуштаган. Себеби колдон-колго өтүп сатылгандар анын каякта чогултулуп сакталганына жана алып келингенине жооптуу эмес.

0
Белгилер:
салмак, бал, азык, диетолог
Тема боюнча
Дарыгер салмак коштурчу суусундуктарды тизмектеп берди