Россия рубли. Архив

Россияда иштеген эмгек мигранттары пенсия ала башташат

742
ЕАЭБге мүчө мамлекеттердин пенсия жаатындагы келишими боюнча, мигрант кайсы чет өлкөдө иштеп, алардын пенсия фондусуна акча которсо, ошол мамлекет мигрант өз мекенине кеткен учурда да акча чегерип берет.

БИШКЕК, 12-июн. — Sputnik. Россия жакында Евразия экономикалык биримдигине мүчө мамлекеттерден келген эмгек мигранттарга пенсия төлөй баштайт. Бул тууралуу "360" телеканалы кабарлады.

ЕАЭБге мүчө мамлекеттердин пенсия жаатындагы келишими боюнча, мигрант кайсы чет өлкөдө иштеп, алардын пенсия фондусуна акча которсо, ошол мамлекет мигрант өз мекенине кеткен учурда да акча чегерип бермекчи. Пенсия берүүдө мигранттын биримдиктеги өлкөлөрдө иштеген стажысы да эске алынат. Башкача айтканда, эгер мигрант ЕЭАБге мүчө мамлекеттердин бир эмес, эки-үчөөндө иштесе, ал жактагы стажысына да пенсия төлөнөт.

Евразия экономикалык комиссиясы тарабынан март айында түзүлгөн документти жакында Россия өкмөтүнүн алдындагы эксперттер кеңеши карап чыкмакчы. 

"Аталган документке күзүндө кол коюу пландалууда. Ошондой эле жылдын аягына чейин ЕАЭБдин мүчө мамлекеттери аны ратификациялайт", — деп жазылат билдирүүдө.

Документке кол коюлуп, биримдиктин мүчө мамлекеттери аны ратификациялагандан кийин мигранттар көрсөтүлгөн келишим боюнча пенсия ала баштамакчы.

742
Белгилер:
пенсия, Евразиялык экономикалык биримдик, Россия, Кыргызстан
Тема боюнча
Мигрант кыз-келиндер Москвада таштап кеткен 6 бала Кыргызстанга кайтарылды
Япон депутаты кыргызстандыктардын виза алуусуна көмөктөшмөй болду