Көчөдө бараткан кыз. Архивдик сүрөт

Москвада жоголуп кеткен кыргызстандык кыз табылып, анын кайда жүргөнү айтылды

793
(жаңыланган 18:17 10.07.2019)
Кабатырланган кыздын энеси Кыргызстандан Россияга учуп барган.

БИШКЕК, 10-июл. — Sputnik. Туугандары "дайынсыз жоголду" деп издеп жаткан 21 жаштагы кыргызстандык кыз Москвадан табылгандыгын ИИМден билдиришти.

30-июнда ИИМдин Россиядагы өкүлчүлүгүнө Жалал-Абадда туулган киши кайрылып, 21 жаштагы жакын тууганын (кызды - ред.) издеп жатканын билдирген.

Маалым болгондой, кыз үстүбүздөгү жылдын апрель айында жумуш издеп Россияга барган. Кийинчерээк  туугандары менен байланышка чыкпай калган. Өз алдынча издөө аракетинен майнап чыкпай, мындан улам  кыздын кабатырланган энеси Кыргызстандан Россияга учуп барган.

Москва полициясы менен биргеликте жүргүзүлгөн издөө иштеринин натыйжасында кыз табылды. Ал уюлдук аппаратын жоготуп алгандыктан туугандары менен байланышка чыга албай жүргөндүгүн билдирген.

Териштирүү иштеринен кийин ал энеси менен Бишкекке учуп кеткен. Мекенинде анын жашы жете элек кызы бар.

793
Белгилер:
эне, жоголуу, кыз, издөө, полиция, Москва
Тема боюнча
Кызын жанын кыюуга жеткирген. Россияда кыргызстандык аял баласы менен соттолду
Чычкан дарыясына кулаган автоунаанын ичиндеги адамдар изделүүдө
Чек ара. Архив

Казак чек арасындагы чатак: мигранттар алдамчылардын торуна кантип түштү

35
(жаңыланган 00:24 06.08.2020)
Оренбург менен Самаранын жанындагы чатыр шаарчанын жашоочулары үйүн көздөй жөнөдү. Кыргызстан жарандары Россиядан автобус менен жолго чыкты. Ал эми Өзбекстан атуулдарын жуманын түнүндө поезд менен алып чыгып кетишет.

Алексей Стефанов

Кыргызстан менен өзбекстандык мигранттар Самара менен Оренбург облустарынын админстративдик чек арасында россиялык тарип сактоочулар менен чырдашты деп ЖМКлар жаза баштаганда, маселе чечилип калган.

Казакстандын жанындагы аймакта үч лагерь пайда болгон. Оренбургдун Бузулук, Самаранын Большечерниговск райондорунда, үчүнчүсү эки аймактын чегиндеги админстративдик трассанын бойлой жайгашкан. Чатак дал ушул үчүнчүсүндө чыккан.

Россия-казак чек арасында чогулган кыргыз, өзбек мигранттары эртең мекенине жөнөтүлөт

Лагерлерде мекенине жетүүнү каалаган Кыргызстан менен Өзбекстандын жарандары жашап турган. Бирок жабылган чек арага туш келди. Алар бул аймакка кокустан келген эмес, мигранттар алдамчы мекендештеринин айтканына ишенип жолго чыккан.

Оренбург облусунун админстрациясы: колдон келишинче жардам бердик

"Бардык мамлекеттердин өкмөттөрү мигранттардын үйүнө жетип алышына жардам кылыш керек деген чечимге келип, жол ачып, кордидор уюштуруп берген. Кыргыздар эки миңден көбүрөөк эле, эки күн жолго чыгышты. Акыркыларын салган автобус да жөнөп кетти. Ал эми өзбектер 700гө чукул. Учурда Бузулук-Ташкент поезд каттамына билет алышууда, бейшемби түнү үйүнө кетет", - деп айтып берди Sputnik агенттигине Бузулуктун акиминин социалдык маселелер боюнча орун басары Татьяна Успанова.

Ал мигранттардын арбын бөлүгү талаада пайда болору менен райадминстрация Россияда калып калган бул калкка зарыл шарттарды түзүп берүү үчүн болгон аракетин кылгандыгын айтты. Тигилген чатырларга электр кубатын тартып алып келген, иче турган жана техникалык суу менен камсыздаган, таштанды салуучу контейнерди орноткон. Ажатканаларды курган.

Албетте, булар айылдагыдай болгону менен жоктон көрө жогору эле. Ага чейин бул жерде адам жашабаган ээн талаа болгонун Успанова кошумчалаган.

Оренбургдан келчү мекендештерди ташыган 43 автобус жолго чыкты

"Лагерге мекендештери келип мигранттарга жардам берип жатышты. Ишкерлер аларга жумуш сунуштаганы менен, эч ким иштей турган каалоосун билдирген жок. Кыязы, жашап турганга каражаттары бар окшойт. Биздин лагерь аркылуу үч миңге чукул мигрант өтсө, алардын 10го жакыны гана ишке чыгып, калганы жөнөп кетчү күндү күтүп отурушту", - деп айткан Успанова.

Гастарбайтерлер алдамчы-таксисттердин торуна түшүп калышты

"Азыр Бузулук районундагы лагерь жабылды, эл кетүүгө камынып отурушат", - деди ал.

"Бул деген алдамчылык да, эл социалдык тармакка жазылгандарга ишенип алыптыр. Анда бул жерде үйүнө кетебиз деген гастарбайтер пансиоанат, санаторийлерге жашап турат деп айтылган экен. Эки адам бир бөлмөгө жайгаштырылат жана үч маал тамак берилет дешиптир. Анан бизге Россиянын булуң-бурчтарынан – Москвадан, Сахалинден, Воронеж, Пермь, Краснодар, Тюменден келе башташыптыр… Бул жерге жеткенде эч нерсеси жок талаага туш болушту", - дейт ачууланган Успанова.

Ал улуттук топтордогу мындай билдирүүлөр токтобосо, ээн лагердин жанына чатырлар кайрадан тигилиши мүмкүн деп чочулап жатканын айтты. "Мен элди аяп жатам — алар ишенип, талаага келип жатышат".

"Ооба, туура, мындай маалыматты таксисттердин Telegram каналы таратат. Алар мигранттарды Өзбекстанга алып кетүүнү сунуштап, көп акча алышкан, бирок чек арадан жүргүнчүлөрдү таштап, өздөрү артка кетип калышкан", — деп билдирди Өзбектер жана өзбекстандыктардын бүткүл Россиялык конгрессинин аймактык бөлүмүнүн башчысы Диляра Сабирова.

Ал ушул күндөрдө мекендештерине күйүп-бышып жардам берип, көйгөйлөрүн чечкенге аракет кылып жатты.

"Биз Өзбекстандын жарандарын мекенине жөнөткөнү жатабыз. Бүгүн аталган өлкөнүн башкы консулу келип, аны менен биргеликте адамдардын санын аныктап, тизмесин түздүк. Эми 7-августка караган түнү Өзбекстанга эки курам жөнөтүлөт", — деди Сабирова.

16 вагондон турган бир поезд Оренбург облусундагы Бузулук станциясына, ал эми 20 вагондон турган экинчи поезд Самара аймагындагы Кинель станциясына келип, жума күнү кечинде 1500 адам Ташкентке кайтат.

"Бул жолкусунда маселеге олуттуу карадык. Кечээ түнкү саат бирге чейин тизмени түзүп, бүгүн бардыгын компьютерге тердик. Өткөндө жагымсыз жагдайга туш болдук эле, тагыргаагы, июль айынын орто ченинде мигранттарды поездге түшүрө баштаганда, ал жакта чоочун адамдар бар экени белгилүү болду. Эми мындай кырдаалга жол берилбейт, жөнөтүүнүн бардык процесси көзөмөлдөнөт", — деди Сабирова.

Ошондой эле Сабирова Кыргызстандын бардык жарандары лагердеги чатырлардан кеткендигин тастыктады. Ал эми Өзбекстандын жарандары билеттерди алып, поезддин келишин күтүп жатышат. Анын айтымында, Самара жана Оренбург облустарынын администрациясы мигранттар темир жол бекеттерине жетип алышы үчүн автобустарды беришет, андан кийин үйлөрүнө кетишет.

"Албетте, кыйынчылыктар дагы бар. Мисалы, бир адамды Новороссийскиден автоунаа менен алып келишкен, ал үчүнчү кабаттан кулап түшүп, өтө оор жаракат алган экен. Операция араң жасалган. Ал азыр деле автоунаада жатат, айланадагылар жардам берип атышат. Чартердик рейс жок болгондуктан, учак менен алып кете албай койдук. Кечээ бирөөлөр менен сүйлөшкөндө аны станцияга чейин алып барууну, мүмкүн болсо поезд менен жөнөтүүнү суранганбыз. Балдак таянган дагы эки киши бар, аларды тез арада мекенге кайтарышыбыз керек. Дагы кош бойлуу үч аял жана үч бала бар", — деп сөзүн жыйынтыктаган Сабирова.

Ал ойлогон ою ишке ашып, эл аман-эсен үйүнө жетип аларына үмүт артып турганын кошумчалады.

35
Белгилер:
поезд, автобус, коронавирус, мигранттар, Казакстан, Самара, Оренбург, Россия
Тема боюнча
Миңдеген кыргызстандыктар Россия менен каттамдын ачылышын күтүп жатат
Түштүк Кореянын желеги. Архив

Түштүк Кореядагы мекендештер 10 миң доллардан ашуун акчага жардам жөнөттү

116
(жаңыланган 20:56 25.07.2020)
Мекенге жардам көрсөткөндөрдүн катарында коомдук борборлор, кайрымдуулук фонддор жана студенттер бар.

БИШКЕК, 25-июл. — Sputnik. Түштүк Кореяда иштеп, окуп жаткан мекендештер Кыргызстанга жардам берүү үчүн жалпы жонунан 10 миң доллардан ашуун акча чогултканын Мамлекеттик миграция кызматы кабарлады.

Жардам көрсөткөндөрдүн катарында "Аманат" кайрымдуулук фонду, Кореядагы кыргыз студенттеринин ассоциациясы, "Кырхан", "Азия жаркын келечек", "Биримдик" коомдук борборлору жана студенттердин Kyrgyz Wings тобу бар.

Боронов: жаңы салынчу ооруканаларга меджабдууларды азыртан алыш керек

"Чогулган 9 270 доллардын 5 250сү медицина кызматкерлерине коргоочу каражаттарды алуу үчүн "Биз барбыз" кыймылына берилип, калган 4 020 доллары дары-дармек алууга Москвага жөнөтүлдү. Бул препараттар коронавируска чалдыккандарга акысыз таратылат", — деп айтылат билдирүүдө.

Мындан тышкары, маалыматта июлдун башында Түштүк Кореядагы кыргыз аялдарынын союзу тарабынан Кыргызстандын ооруканаларына үч кычкылтек концентратору, үч пульсоксиметр жана 20 миң сом өлчөмүндө акча берилгени белгиленген. Кыз-келиндердин көрсөткөн жардамынын жалпы суммасы 1 450 долларды түзгөнү айтылды.

116
Белгилер:
мекендештер, дары-дармек, каражат, жардам, Кыргызстан, Түштүк Корея
Тема:
Коронавируска байланыштуу Кыргызстандагы кырдаал
Тема боюнча
Министр Айдарбеков: Кыргызстан эли эпидемия маалында мыкты сапатын көрсөттү
Жээнбеков Бишкектеги жаңы оорукананын курулушун баштап берди. Сүрөт
Төрага Жумабеков Суусамырдагы стационарга барып, акчалай жардам берди. Сүрөт