Москвадагы кыргызстандыктар. Архивдик сүрөт

Чет жактагы мекендештер үчүн "Мекеним" программасы ишке кирмей болду

183
(жаңыланган 13:26 02.08.2019)
"Мекеним" программасынын алкагында мамлекеттик-жеке өнөктөштүк, өнөр жай зоналары, инвестициялык лоттор жана башка ыкмалар менен мекендештердин инвестициялык мүмкүнчүлүктөрүн кеңейтүү каралууда.

БИШКЕК, 2-авг. — Sputnik. Өкмөт "Мекеним" программасын даярдап жатат. Ал аркылуу эмгек мигранттардын же мекендештердин өлкөгө инвестиция салуусуна шарт түзүлөт. Бул тууралуу мамлекет башчысы Сооронбай Жээнбеков Чет өлкөдөгү мекендештер менен байланыштар боюнча кеңештин биринчи жыйналышында айтканын президенттин маалымат кызматы билдирди.

"Мекеним" программасынын алкагында мамлекеттик-жеке өнөктөштүк, өнөр жай зоналары, инвестициялык лоттор жана башка ыкмалар менен мекендештердин инвестициялык мүмкүнчүлүктөрүн кеңейтүү каралууда.

"Бул программа экономикалык инвестицияларга гана багытталган эмес. Биз мекендештерге социалдык долбоорлорго жана интеллектуалдык потенциалды колдоого да акча салууну сунуштайбыз. Аларды мамлекет колдогонго жана кошо каржылаганга даяр", — деди Жээнбеков.

Мамлекет башчысы аталган максаттарды, милдеттерди өз убагында жана толук ишке ашыруу үчүн институционалдык өзгөрүүлөргө баруу керек деген пикирде.

"Сыртта жүргөн мекендештер менен өз ара мамилелерди мамлекеттик колдоо, координациялоо жана өнүктүрүү талаптарына жооп берген мамлекеттик органды аныктоо зарыл. Ал бир жагынан мекендештерди Кыргызстанды өнүктүрүү процессине тартса, экинчи жагынан маданий, маалыматтык жана билим берүү багытында көмөктөшчү иштерди аткарат. Ушул багыттар өлкөнү өнүктүрүүдө чоң мааниге ээ", — деди президент.

Жээнбеков өз сөзүндө көтөрүлгөн бул маселелердин ар бирин талкуулап, биргеликте чечим кабыл алуу керектигин белгиледи.

183
Белгилер:
мекендештер, миграция, Сооронбай Жээнбеков
Тема боюнча
Жээнбеков мигранттарга берилчү "Мекен карттын" артыкчылыгын айтты
Россиядагы кыргыз мигранттары үчүн жаңы сайт ачылды
Чет элдик мигранттардан жылына Кыргызстанга 8 млн. доллар түшүрсө болобу? Демилге
Анкара шаары. Архив

Түркиядагы кыргызстандыктар пенсия, жөлөк пул ала башташат. Күчүнө кирген документ

142
(жаңыланган 22:31 04.07.2020)
Эки жыл мурда Социалдык фонд түшүндүрмө берип, КР жараны өз мекенинде он жыл иштеп, андан соң Түркияда он беш жыл эмгектенип пенсияга чыкса, Кыргызстан он жыл, Түркия он беш жылдык пенсиясын төлөмөк.

БИШКЕК, 4-июл. — Sputnik. Түркиянын аймагында иштеген кыргызстандыктар эми пенсия жана жөлөк пул ала алышат. Бул тууралуу Кыргызстандын аталган мамлекеттеги элчилигинен билдиришти.

2-июлда Кыргызстан менен Түркия өкмөтүнүн ортосундагы социалдык камсыздандыруу боюнча макулдашуусу күчүнө кирди. Аталган чечимге үстүбүздөгү жылдын апрель айында алгач Режеп Тайип Эрдоган кол койгон. Ал эми КР президенти 2019-жылдын январь айында ратификациялаган.

Италияда киши баккандар келин сыяктуу эле кызмат кылат. Ишкер Автандилова менен маек

Ал демилге Жээнбековдун 2018-жылдын апрель айында Түркияга болгон расмий иш сапарында колдоо тапкан.

Эки жыл мурда Социалдык фонд түшүндүрмө берген. КР жараны өз мекенинде он жыл иштеп, андан соң Түркияда 15 жыл эмгектенип пенсияга чыкса, ага 25 жылдык стажы үчүн пенсия чегерилмек. Тагыраагы, Кыргызстан он жылдык, Түркия 15 жылдык пенсиясын төлөмөк.

Ошондой эле ал талаптар Кыргызстанда иштеген түркиялыктарга да тиешелүү болуп, мыйзамдуу жол менен тыйын тапкан эки өлкөнүн жарандарынын укуктары эске алынат.

Мамбеталиев: пенсия 28-майга чейин толук таратып берилет

Андан сырткары, жумуштан алган жаракатына, ооруганына, боюнда бар аялдарга төлөнүүчү акча каражаттарын эки жактын жергиликтүү мыйзамдарынын негизинде чегерүү да каралган.

142
Белгилер:
макулдашуу, пенсия, Түркия, Кыргызстан
Тема боюнча
Кыргызстанда кайсы дарт аялды коляскага отургузат? Майыптык боюнча статистика
Өкмөт айлык, пенсия убагында берилерин айтты
Патент. Архив

КРге келген мигранттар патент алып иштөөгө милдеттүү болду. Жаңы мыйзам

1153
(жаңыланган 17:19 29.06.2020)
Мыйзамды демилгелеген депутат мындай жол менен өлкөгө иштегени келген мигранттардан жылына 600 миллион сомго жакын каражат жыйнаса болорун айткан.

БИШКЕК, 29-июн. — Sputnik. Президент Сооронбай Жээнбеков чек аралаш мамлекеттерден келип иштеген мигранттарды патент төлөөгө милденттендирген мыйзамга кол койду.

Аталган мыйзамды демилгелеген депутат Исхак Пирматов буга чейин бул чара Тажикстан менен Өзбекстандан келген эмгек мигранттарынын ишин мыйзамдаштыра турганын айткан.

Жобого ылайык, бир айлык патенттин баасын канча болорун өкмөт өзү аныктайт.

Пирматов чектеш өлкөлөрдөн келген эмгек мигранттарынын саны 100 миңдин тегерегинде экенин билдирген. Патенттик система киргизилгенде ар биринен 500 сомдон төлөгөндө деле жылына бюджетке 600 миллион сом түшөрүн белгилеген.

Чет элдик мигранттардан жылына Кыргызстанга 8 млн. доллар түшүрсө болобу? Демилге

Аталган документ "Кыргыз Республикасынын айрым мыйзам актыларына (Бузуулар жөнүндө кодексине, Тышкы эмгек миграция жөнүндө, Тышкы миграция жөнүндө) өзгөртүүлөрдү киргизүү тууралуу" мыйзамы деп аталат.

Мыйзам долбоорун Жогорку Кеңеш 14-майда кабыл алган, мамлекет башчы бүгүн кол койду. Эми ал расмий жарыяланган күндөн он күн өткөндөн кийин (10-июлда) күчүнө кирет.

Чиновниктер байлыгын ачыктаса, эски ишин кечирүү мыйзамы сунушталды. Чоо-жайы

Кыргызстанга чет элдик жарандар көпчүлүк учурда курулуш жана айыл чарба чөйрөсүндө, түшүм жыйноо, эгин эгүү жана башка иштерди жасаганы келет. Ошондой эле курулуш бригадасынын курамында же болбосо жеке адамдардын үйлөрүн куруу боюнча убактылуу кызмат көрсөтүшөт.

1153
Белгилер:
жыйноо, мигранттар, патент, Кыргызстан
Тема боюнча
Төрт жылдан берки начар көрсөткүч. Мигранттар которгон каражат айтылды
Миграция кызматы сырттан кайткан 11 миң кишиге жумуш караштырып жатат
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

340
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

340
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду