Пловдив шаары, Болгария. Архив

Болгария Кыргызстан менен эмгек миграциясы тууралуу макулдашууну колдоду

198
Чечим 18-декабрь күнү Болгария өкмөтүнүн жыйынында кабыл алынган. Өлкө тарабынан макулдашуунун аткарылышына Иш менен камсыз кылуу агенттиги көз салат.

БИШКЕК, 21-дек. — Sputnik. Болгария өкмөтү Кыргызстан, Азербайджан жана Өзбекстан менен эмгек миграциясын жөнгө салуу боюнча эки тараптуу макулдашуулардын долбоорун жактырды.

Министрлер кеңешинин маалымат кызматынын тараткан билдирүүсүнө караганда, чечим 18-декабрь күнү Болгария өкмөтүнүн жыйынында кабыл алынган.

Документке ылайык, аталган үч өлкөдөн барган мигранттар болгариялыктардай эле укукка, милдетке ээ болуп, корголот. Кабыл алган тараптан макулдашуунун аткарылышына Иш менен камсыз кылуу агенттиги көз салат.

Болгария буга чейин ушундай эле макулдашууну Армения, Молдова жана Грузия менен түзгөнү айтылат. Эми Украина жана Белоруссия менен сүйлөшүүлөр жүрмөкчү.

198
Белгилер:
макулдашуу, эмгек, миграция, Кыргызстан, Болгария
Тема боюнча
Путин Борбор Азиядан келген мигранттар кандай сапатка ээ болушу керектигин айтты
Россиядан Кыргызстанга документсиз 150 миң рублга чейин которууга жол ачылды
Кыргызстандын акыйкатчысы Токон Мамытов. Архив

Акыйкатчы кырсыктаган кыргызстандыктар боюнча россиялык кесиптешине кат жазды

71
(жаңыланган 13:13 28.09.2020)
27-сентябрь күнү Москва облусунун Ступино шаарындагы FM LOGISTIC логистикалык ишканасында жөө адамдар өтүүчү көпүрө урап, 51 кыргыз жараны жабыркаган.

БИШКЕК, 28-сен. – Sputnik. Кыргызстандын акыйкатчысы Токон Мамытов Россиянын адам укуктары боюнча ыйгарым укуктуу өкүлү Татьяна Москальковага кыргызстандыктарга колдоо көрсөтүүнү суранып кайрылды.

Акыйкатчынын маалымат кызматынан билдиришкендей, Мамытов кырсыктан жабыркаган кыргызстандыктардын укугун коргоо маселесин козгогон.

“Биздин жарандарга укуктук колдоо көрсөтүү жана социалдык төлөмдөр боюнча маселени өз көзөмөлүңүзгө алууну суранам. Ошондой эле тергөө органдарынын күнөөлүүлөрдү аныктап, компенсация төлөнүшү керектигин белгилегим келет”, - деп айтылат акыйкатчынын катында.

Эске салсак, 27-сентябрь күнү Москва облусунун Ступино шаарындагы FM LOGISTIC логистикалык ишканасында (кампа комплекси) жөө адамдар өтүүчү көпүрө урап, 51 кыргыз жараны жабыркаган.

Анын ичинен төрт мекендештин абалы оор. Каза болгондор катталган эмес.

71
Белгилер:
Москва, акыйкатчы, Токон Мамытов, Кыргызстан
Тема боюнча
51 кыргызстандык жабыркаган Москвадагы кырсык боюнча кылмыш иши козголду
Россияда кыргызстандыктар жабыркаган кырсыктын болжолдуу себеби айтылды
Добуш берип жаткан адам. Архив

Шайлоодо канча мигранттын добуш берери айтылды

261
(жаңыланган 15:27 24.09.2020)
2015-жылдагы парламенттик шайлоого чет өлкөдө жүргөн 15 312 мигрант добуш берүүгө укук алган. Бул ирет шайлоочулардын саны эки эсе өскөнү байкалат.

БИШКЕК, 24-сен. — Sputnik. Быйыл чет өлкөдө жүргөн 32 582 кыргызстандык парламенттик шайлоого катышууга укук алды. Бул туурасында БШКнын төрайымы Нуржан Шайлдабекова шайлоонун даярдыктары туурасындагы маалымат жыйыны учурунда билдирди.

Анын айтмында, чет мамлекеттерде 45 шайлоо участкасы ачылган.

"Быйыл шайлоого катышууну каалаган чет жактагы кыргызстандыктардын саны көбөйдү. Албетте, буга түшүндүрүү иштери жакшы жүргүзүлгөнү түрткү болду десек болот. Кайрылуулар көп болгонуна байланыштуу Москвага дагы бир кошумча шайлоо участкасы ачылды", — деди Шайлдабекова.

Белгилей кетсек, 2015-жылдагы парламенттик шайлоого чет өлкөдө жүргөн 15 312 мигрант добуш берүүгө укук алган. Бул ирет шайлоочулардын саны эки эсе өскөнү байкалат.

Быйыл парламенттик шайлоо 4-октябрда өтөт. Ага 3 миллион 523 миң 532 шайлоочу катыша алары белгилүү болду.

261
Белгилер:
Нуржан Шайлдабекова, мигранттар, шайлоо
Тема:
Шайлоо-2020
Тема боюнча
Шайлоо: Башкы прокуратура ЖМКлардагы макалалар боюнча 26 кылмыш ишин козгоду
Факты болсо, жаза да болот. Жээнбеков добуш сатып алуу боюнча пикирин айтты
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

0
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

0
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди