Москва шаары. Архив

Москвада бир жума изделген кыргызстандык жумушунан табылды

920
Январь айында Москвадагы Кыргызстандын жарандарынын мессенджерлердеги тайпаларына 28 жаштагы У.Д. изделип жатканы боюнча маалымат тараган.

БИШКЕК, 27-янв. — Sputnik. Москвада бир жумадан бери изделип жаткан кыргызстандык табылды. Ал уюлдук байланыш жок жерде иштеп жүргөнүн Ички иштер министрлигинен билдиришти.

2020-жылдын январь айында Москвадагы Кыргызстандын жарандарынын мессенджерлердеги тайпаларына 28 жаштагы У.Д. изделип жатканы боюнча маалымат тараган. Билдирүүдө ал 16-январь күнү Москва облусундагы Подольск шаарына жумуш издеп кеткени айтылган.

"Ал бир жума бою ошол жакта иштеп жүрүптүр. Болгону ал жакта мобилдик байланыш жок экен. Аны жакындары издеп жаткандыгы тууралуу кайтып келе жатканда билген. 24-январь күнү анын туугандарына түшүндүрүү иштери жүргүзүлүп, табылган киши түшүнүк кат жазып берди", — деп айтылат билдирүүдө.

Мындан улам укук коргоо органдары, мекенден тышкары иштеп жүргөндөргө, өздөрү тууралуу жакындарына кабар берип турууну өтүнөт.

920
Белгилер:
Мигрант, байланыш, жумуш, жаран, издөө, Россия
Тема боюнча
Эл каттоодо алгачкы ирет мигранттар тууралуу маалымат чогултулат
Телефон кармап турган адам. Архив

Кыргызстандыктар ЕАЭБ аймагынан ишти мобилдик тиркеме менен таба алат

55
(жаңыланган 10:06 28.10.2020)
Тиркеме ЕАЭБде жашаган ар бир адам тезирээк жумуш таап алуу үчүн түзүлгөн. Россия бийлиги ишке мигранттарды эле эмес, өзүнүн жарандарын да орноштурууну көздөйт.

БИШКЕК, 28-окт. — Sputnik. ЕАЭБ аймагында 2021-жылы мигранттар жумуш таап алууга ылайыкталган тиркемени ишке киргизишет. Бул туурасында Россиянын премьер-министри Михаил Мишустин айтканын РИА Новости жазды.

"ЕАЭБге мүчө-өлкөдө жашаган ар бир адамдын жумушту тез таап алышына ылайыкталган биздин ресурстардын мобилдик тиркемеси дээрлик даяр болуп калды. Аны 2021-жылы алып чыгып, көрсөтүп бергенге үмүт кылып жатам. Муну менен көптөрдү, анын ичинен орус тилинде сүйлөгөн, биринчи иретте биздин биримдиктеги өлкөлөрдүн жарандарын Россияга ишке тартабыз деп ойлоп турам. Эгерде кимдир бирөөлөр союздун мүчөсү болгон мамлекетте иштеп келүүсүн кааласа, аларга да жол ачык болот", — деген Мишустин.

Алыбаев: ЕАЭБ алкагында бирдиктүү электрондук эмгек биржасы ишке кирет

Евразиялык экономикалык комиссия быйыл "Работа без границ" деп аталган жумуш издеген порталды ишке киргизген. Ал биримдикке мүчө-өлкөлөрдүн аймагынан жумуш караштырууга мүмкүнчүлүк берген.

Мишустин ЕАЭБди түзүүдө төрт алым-катташты эркин орнотуу боюнча макулдашуу болгондугун белгиледи. Биримдикти түзүүдө товарлардын эркин өткөрүлүшү, кызмат көрсөтүүлөрдүн, капиталдын жана эмгек ресурстарынын эркин болушуна шарт түзүү маселеси күн деминде турат.

55
Белгилер:
шарт, келишим, Михаил Мишустин, Евразиялык экономикалык биримдик, Россия
Тема боюнча
ЕЭК сүт азыктарын маркалоонун артыкчылыктарын айтып берди
Улуттук статистика комитетинин статистикалык каттоолор бөлүмүнүн башкы адиси Жолдошбек Соодаев. Архив

Соодаев: эл каттоодо мигранттар тууралуу маалыматтар топтолот

96
(жаңыланган 14:35 22.10.2020)
Улуттук статистика комитетинин статистикалык каттоолор бөлүмүнүн башкы адиси Жолдошбек Соодаев элди жана турак жайды каттоо 96 пайыз даяр болуп калганын айтты.
Соодаев: эл каттоодо мигранттар тууралуу маалыматтар топтолот

Бул жолку жүргүзүлө турган элди жана турак жайды каттоодо мигранттар тууралуу маалыматтар топтолот. Бул тууралуу Жолдошбек Соодаев Sputnik Кыргызстан радиосуна маек куруп жатып билдирди.

Анын айтымында, аталган өнөктүктү жүргүзүү эпидемиологиялык абалдан улам белгисиз мөөнөткө жылдырылган.

Эл каттоо: үйгө шылуун эмес, каттоочу келгенин кантип айырмаласа болот

"КМШга мүчө-мамлекеттер 2019-жылдын күзүнөн 2020-жылдын күзүнө чейин эл каттоо өткөрүш керек болчу. Анын ичинен Кыргызстан алгачкылардан болуп ушул жылдын 23-мартынан 1-апрелине чейин жүргүзө турганын расмий белгилеген. Аны өткөрүү үчүн тийиштүү даярдыктар жүргүзүлүп, бирок коронавирустук пандемияга байланыштуу убактылуу жылдырылды. Мерчемделгени боюнча, эл каттоо бул жолу электрондук форматта, телефон аркылуу жүргүзүлөт. Ошондой эле бул жолку өнөктүктө эмгек мигранттары тууралуу кеңири малыматтар топтолот. Бул мекендештерибиздин агымы кайсы өлкөгө күч болуп жатканын жана эмне менен алектенерин билүүгө шарт түзөт", — деди Соодаев.

Адис ошондой эле каттоодо турак жай жана анын ичиндеги шарттар тууралуу маалыматтар чогултула турганын кошумчалады.

96
Белгилер:
мигранттар, Кыргызстан, каттоо
Тема боюнча
Соодаев: эл каттоодо мүмкүнчүлүгү чектелгендер тууралуу маалымат топтолот
Добуш берип жаткан аял. Архив

Парламенттик шайлоо 20-декабрда өтпөйт! Жогорку сот БШКнын чечимине чекит койду

0
(жаңыланган 14:07 30.10.2020)
Кыргызстандын шайлоо мыйзамдарына ылайык, Жогорку соттун чечими акыркы болуп саналат жана кайра даттанууга жатпайт.

БИШКЕК, 30-окт. — Sputnik. Жогорку сот парламенттик шайлоону кайра өткөрүү боюнча Борбордук шайлоо комиссиясынын апелляциялык арызын карабай, артка кайтарды. Бул туурасында аталган органдын маалымат кызматы билдирди.

Белгилей кетсек, Бишкек шаардык административдик соту парламенттик шайлоону 20-декбарга дайындоо жөнүндө БШКнын токтомун жокко чыгарып салган. Судья 4-октябрдагы шайлоонун жыйынтыгын чыга электе кайра өткөрүү дайындалган деген жүйө келтирген. Бирок БШКнын юристтери ал чечимге макул болбой Жогорку сотко кайрылышкан. Кечээ, 29-октябрда, "мамлекеттик пошлина (товардан алынуучу салык) төлөнгөнү туурасында далилдер жок" деп доо арызды артка кайтарган. Ошол эле күнү БШК документтерди толуктап кайрадан апелляциялык арыз жиберген.

Жогорку сот бул ирет кассациялык даттануу мөөнөтү (үч күн) өтүп кеткенин айтып арызды карабай койду.

"Шайлоо мыйзамдарына ылайык, Жогорку соттун чечими акыркы болуп саналат жана даттанууга жатпайт. Арыз жиберүү мөөнөтү калыбына келтирилбейт, мөөнөтү аяктагандан кийин даттануу кабыл алынбайт", — деп билдирди Жогорку соттон.

Кыргызстанда беш партия биригип бийликке 6 талап койду

Белгилей кетсек, 21-октябрда Борбордук шайлоо комиссиясы парламенттик шайлоону кайра өткөрүүнү 20-декабрга белгилеген. Анын эртеси Жогорку Кеңеш шайлоонун мөөнөтүн жылдыруу боюнча, башкача айтканда, БШК таянып иш алып барып жаткан беренени 1-июнга чейин токтото туруу мыйзамын кабыл алды. Ал документке президенттин милдетин аткаруучу Садыр Жапаров да кол койгон.

Ал арада Борбордук шайлоо комиссиясына 48 саясий партия шайлоого катышуу ниетин билдирди.

0
Белгилер:
Жогорку сот, арыз, БШК, шайлоо, Кыргызстан
Тема:
Жогорку Кеңешке боло турган кайра шайлоо
Тема боюнча
549 млн. сом. БШК президенттик шайлоого кетчү чыгымдын сметасын бекитти
Бүгүн ЖК депутаттарынын мыйзамда белгиленген мөөнөтү аяктады