Прага шаары. Архив

Чехия менен Кыргызстанда иштегендерди бир нече салыктан бошотуу сунушталды

266
Сунушталып жаткан мыйзамда чыгармачыл адамдарга, илимпоздор, ишкер жана студенттерге жеңилдиктер каралган.

БИШКЕК, 30-янв. — Sputnik. Экономика министрлиги Кыргызстан менен Чехиянын жарандарын кош салыктан бошотуу боюнча мыйзам долбоорун сунуштап парламентке алып келди.

Жыйында экономика министринин орун басары Дастан Кадыров баяндама жасап, долбоор боюнча эки мамлекеттин өкмөтү келишим түзгөнүн билдирди.

"Эки өлкөнүн ишкерлери, мисалы, Кыргызстанда иштеп пайда салыгын төлөсө, Чехияга төлөбөйт. Башкача айтканда, кош салыктан кутулат. Андан башка беш пайыздык дивиденд да каралган. Ошондой эле эгерде биздин студенттер Чехияда окуп, Кыргызстандан стипендия алса, ал жакка салык төлөбөйт. Автордук укук боюнча гонорарынан да алынчу салык — роялти көрсөтүлгөн, анда чыгармачы адамдар, илимпоздор гонорар алгандан кийин эки тарапка тең киреше салыгын төлөбөйт", — деди Кадыров.

Ошондой эле ал Кыргызстанда 27 чехиялык компания катталып, учурда анын тогузу активдүү иштеп жатканын кошумчалады.

Ал эми депутат Улугбек Ормонов Чехиянын ишкерлери жумушчу күчкө муктаж экенин айтып, Миграция кызматы менен келишим түзүп кеткенин белгиледи. Бирок виза маселесинен улам ишке ашпай жатканына нааразы болду. Эл өкүлүнүн айтымында, бир айда Чехияга 25 кыргызстандыкка гана виза берилип жатат.

Баяндамасынын соңунда Кадыров ушундай эле келишимдер жалпысынан 31 мамлекет менен түзүлгөнүн белгиледи.

266
Белгилер:
салык, миграция, Чехия, Кыргызстан
Тема боюнча
Европага ишке жөнөтөм деп 60 адамды алдаган "Арай Глобалдын" лицензиясы алынды
Кыргызстанда арак-шарап кымбаттайбы? Акциздик салык жогорулады
Акча которууга коюлган чек көбөйдү. Мекендештерге таасири кандай болот?
Добуш берип жаткан адам. Архив

Шайлоодо канча мигранттын добуш берери айтылды

196
(жаңыланган 15:27 24.09.2020)
2015-жылдагы парламенттик шайлоого чет өлкөдө жүргөн 15 312 мигрант добуш берүүгө укук алган. Бул ирет шайлоочулардын саны эки эсе өскөнү байкалат.

БИШКЕК, 24-сен. — Sputnik. Быйыл чет өлкөдө жүргөн 32 582 кыргызстандык парламенттик шайлоого катышууга укук алды. Бул туурасында БШКнын төрайымы Нуржан Шайлдабекова шайлоонун даярдыктары туурасындагы маалымат жыйыны учурунда билдирди.

Анын айтмында, чет мамлекеттерде 45 шайлоо участкасы ачылган.

"Быйыл шайлоого катышууну каалаган чет жактагы кыргызстандыктардын саны көбөйдү. Албетте, буга түшүндүрүү иштери жакшы жүргүзүлгөнү түрткү болду десек болот. Кайрылуулар көп болгонуна байланыштуу Москвага дагы бир кошумча шайлоо участкасы ачылды", — деди Шайлдабекова.

Белгилей кетсек, 2015-жылдагы парламенттик шайлоого чет өлкөдө жүргөн 15 312 мигрант добуш берүүгө укук алган. Бул ирет шайлоочулардын саны эки эсе өскөнү байкалат.

Быйыл парламенттик шайлоо 4-октябрда өтөт. Ага 3 миллион 523 миң 532 шайлоочу катыша алары белгилүү болду.

196
Белгилер:
Нуржан Шайлдабекова, мигранттар, шайлоо
Тема:
Шайлоо-2020
Тема боюнча
Шайлоо: Башкы прокуратура ЖМКлардагы макалалар боюнча 26 кылмыш ишин козгоду
Факты болсо, жаза да болот. Жээнбеков добуш сатып алуу боюнча пикирин айтты
Москвада Кыргызстандын мигранттары түзгөн Аян ышкыбоздор театры көрүүчүлөргө алгачкы спектаклин тартуулады.

Москвада мигранттар кыргыз тилинде "Кыямат" спектаклин койду. Видео

46
(жаңыланган 14:11 24.09.2020)
Чыңгыз Айтматовдун "Кыямат" романынын негизинде даярдалган спектакль Москванын "Яблоко" жаштар театрында коюлду. Зал толо көрүүчүлөр келгени айтылууда.

БИШКЕК, 24-сен. — Sputnik. Москвада Кыргызстандын мигранттары түзгөн "Аян" ышкыбоздор театры көрүүчүлөргө алгачкы спектаклин тартуулады. Бул тууралуу Sputnik агенттигинин кабарчысына театрдын негиздөөчүсү Айнаш Козубаева билдирди.

Анын айтымында, кыргыз жана орус тилиндеги спектакль Чыңгыз Айтматовдун "Кыямат" романынын негизинде даярдалып, Москванын "Яблоко" жаштар театрында коюлду. Маданий жайды Россиянын эл артисти Вячеслав Спесивцев жетектейт.

Козубаева белгилегендей, спектаклди коюуга дал "Яблоко" театрынын жетекчиси жардам берген. Ал кыргыз мигранттарына (болочок актерлорго) ишемби күнкү спектаклдерге акысыз билет алып берип турган, андан кийин мастер-класстарды өткөргөн. Топту бир нече ай бою белгилүү актер, КРдин маданиятынын мыктысы Садыр Сагынбаев жетектеп, балдарга театрдын чеберчиликтерин үйрөткөн.

"Биздин актерлор "Яблоко" театрынын жетекчиси менен былтыр октябрда таанышкан. Ал "Кыямат" спектаклин биргелешип коюуну сунуш кылды, себеби убагында Чыңгыз Айтматовдун жакын досу болуптур. Ошондой эле жазуучунун көзү тирүү кезинде "Кыямат" спектакли биринчи жолу Москвада Вячеслав Спесивцевдин жетекчилиги астында коюлган экен. Бул 20 жыл мурун болуптур", — деди Козубаева.

"Кыямат" романы тууралуу кызыктуу 13 факты. Айтматовго "айланган" карышкыр

Ал учурда театрда сегиз актер эмгектенерин айтты. Мигранттар негизги жумушунан кийин кечинде чыгармачылыкка убакыт табышат.

"Туулуп-өскөн жерден алыс жүргөн мекендештердин маданият менен жакын болгону маанилүү нерсе. Себеби көбү эртеден-кечке иштеп, театрга барууга убактысы жок. Бул маданий жайдан алар жан дүйнөсүн азыктандырып турса деген ниетибиз бар", — деди театр жетекчиси.

Репетиция ар кайсы жакта, анын ичинде Козубаеванын батиринде дагы болгон.

Спектакль по мотивам повести Чингиза Айтматова Плаха на русском и кыргызском языках был поставлен в Московском молодежном театре Яблоко.
© Фото / Айнаш Козубаева
Кыргыз жана орус тилиндеги спектакль Чыңгыз Айтматовдун "Кыямат" романынын негизинде даярдалып, Москванын "Яблоко" жаштар театрында коюлду

"Кыямат" спектаклине 200 киши келди, негизи зал 400 кишини батырат. Бирок пандемияга байланыштуу адамдар жакын отурбашы керек болчу. Мындайча айтканда, орундун бардыгы толду", — деген Козубаева.

Чыңгыз Айтматов жазган "Кыямат" чыгармасы биринчи жолу 1986-жылы "Новый мир" журналына жарыяланган. Роман эки адамдын — Авдий Каллистратов менен Бостон Үркүнчиевдин тагдырын баяндайт. Алардын турмушу Акбаранын образы менен байланыштуу.

46
Белгилер:
театр, спектакль, Чыңгыз Айтматов, Москва, Кыргызстан
Тема боюнча
Кыргызстандык кыз "Ты супер!" шоусунун кийинки туруна өтпөй калды. Видео
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

0
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

0
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти