Россиядагы мигранттар. Архив

Депутаттар өкмөткө мигранттарды алып келүүгө бир жума убакыт берди

616
(жаңыланган 19:07 15.04.2020)
Өкмөт мүчөлөрү бир жумада маселе чечилбей турганын айтып чыгышты, бирок депутаттар андай жүйөгө макул болгон жок.

БИШКЕК, 15-апр. — Sputnik. Жогорку Кеңештин депутаттары чет өлкөдөн келе албай жаткан кыргызстандыктарды алып келүү үчүн өкмөткө бир жума убакыт берди.

Бул боюнча парламенттин Укук тартиби, кылмыштуулук менен күрөшүү жана коррупцияга каршы аракеттенүү комитети менен Эл аралык иштер, коргоо жана коопсуздук комитетинин токтому чыккан.

Ага ылайык, өкмөткө төмөдөгүдөй тапшырмалар берилди:

  • COVID-19 пандемиясына байланыштуу мекенге кайта албай жаткан жарандарга транспорттук коридор уюштуруп, чартердик каттам жана башка жолдор аркылуу алып келүү;
  • Республикалык бюджеттен каражат бөлүп, Кыргызстанга келгенге чейин муктаждыгына жараша жардам берүү;
  • Ыкчам чараларды көрүп, жарандарды бир жуманын ичинде алып келүү.
“Мекендештер бизге кайрылып, эгер маселе бир жуманын ичинде чечилбесе чет элдик жалпыга маалымдоо каражаттарына “мамлекет бизге көңүл бурбай жатат” деп арыздана турганын айтышууда. Биз аларды мындай кадамга барышына мажбурлабашыбыз керек”, — деди депутат Наталья Никитенко.

Биринчи вице-премьер Кубатбек Боронов бир жума реалдуу мөөнөт эмес экенин белгилеп, бул аралыкта сүйлөшүү жүргүзүп, жыйынтык чыгарууга аракет жасаларын айтты. Эгер алып келе албай калса, ошол жактан үйүндөгүдөй шарт түзүлө турганын кошумчалады.

Ал эми тышкы иштер министринин орун басары Нурлан Абдрахманов кыргызстандыктарды алып келүү ниетин билдиргендер жеке менчик авиакомпаниялар экенин, бирок чечимди мамлекеттик деңгээлдеги штаб кабыл аларын эскертти.

Натыйжада жалпы депутаттардын добушу менен өкмөт мүчөлөрүнүн өтүнүчү четке кагылып, комитет сунуштаган токтом колдоо тапты.

Белгилей кетсек, учурда Анталья, Стамбул, Анкара, Новосибирск, Дубай жана башка шаарлардагы 4371 мигрант мекенине келе албай жатат.

616
Белгилер:
токтом, Мигрант, өкмөт, Жогорку Кеңеш
Тема боюнча
Икрамов: өкмөттүн айынан эл депутаттар менен президентти жек көрүүдө
30 жылда бир жолу суранышты. Мигранттарды алып келүү маселеси чечилеби?
Россиядагы Кыргызстандын элчилигинде добуш берип жаткан адам. Архив

Президенттик шайлоо: Москвада элчиликтин консулдук бөлүмү дем алышсыз иштөөдө

38
Өлкө башчыны шайлоо 10-январда өтөт. Москвадагы мекендештер ага катышуу үчүн айдын аягына чейин элчиликке кайрылышы керек.

БИШКЕК, 3-дек. — Sputnik. Кыргызстандын Москвадагы элчилигинин консулдук бөлүмү шайлоочуларды дем алышсыз кабыл алып жатат. Бул тууралуу элчиликтен кабарлашты.

Кийинки жылдагы президенттик шайлоого карата өлкө жарандарынын конституциялык жана шайлоо укуктарын камсыздоо иши 29-декабрга чейин уланмакчы.

Мекеме иш күндөрү саат 09:00дөн 18:00гө чейин, дем алыш күндөрү саат 10:00дөн 15:00гө чейин шайлоочуларды кабыл алууда.

"Жарандарды Москва шаарында добуш берүүчүлөрдүн тизмесине кирүү үчүн 29-декабрга чейин элчиликке кайрылып, шайлоо дарегин (Форма №2 арызы менен) өзгөртүүсүн, консулдук жана биометрикалык каттоодон өтүүсүн эскертебиз", — деп айтылат маалыматта.

Ал эми шайлоочулардын алдын-ала тизмесин БШК сайты аркылуу текшерип алса болот.

38
Белгилер:
добуш берүү, шайлоо, Консул, элчилик, Москва, Кыргызстан
Тема:
Кыргызстандагы президенттик шайлоо – 2021
Тема боюнча
Талант Мамытов ЖККУ лидерлерине президенттик шайлоо таза өтөрүн убадалады
Россиядагы мигранттар. Архивдик сүрөт

Россияда мигранттардын адаптациясы үчүн борборлорду ачуу маселеси каралууда

86
(жаңыланган 10:51 02.12.2020)
Россиянын аймактарында атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат.

БИШКЕК, 2-дек. — Sputnik. Россияга келген мигранттардын жергиликтүү элдин социалдык жана маданий турмушуна бат көнүп кетиши үчүн атайын аймактык борборлорду ачуу керек. Бул тууралуу РФтин Улуттар иши боюнча федералдык агенттигинин жетекчиси Игорь Бариновдун сөзүнө таянып Sputnik Өзбекстан агенттиги жазды.

"Мигранттардын социалдык жана маданий адаптациясы жеңил болушу үчүн бир топ иштерди аткаруу керек. Бул бүгүнкү күндөгү эң маанилүү нерселердин бири. Аймактарда атайын борборлорду ачып, анын ишине бир топ коомдук жана улуттук борборлорду тартуу маселеси каралып жатат", — деди Баринов.

Ал кошумчалагандай, бул нерсени ишке ашыруу үчүн эң биринчиден мыйзам жүзүндө бекитип алуу керек.

86
Белгилер:
борбор, адаптация, Мигрант, Россия
Тема боюнча
Мукамбетов: Түштүк Кореядагы мигранттар ошол жактан пенсияга чыга алышат
Бейшенов: эми мигранттар тааныштарын сатып алган үйүнө каттатууга укуктуу
Саркисян: мигранттар үчүн сонун долбоор бар, бирок Кыргызстан кызыкпай жатат
Нарын облусу. Архивдик сүрөт

Өкмөт Нарынга 300 үй-бүлө үчүн эксперименталдык айыл курууга белсенүүдө

0
(жаңыланган 11:13 05.12.2020)
Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда.

БИШКЕК, 5-дек. — Sputnik. Кыргыз өкмөтү Нарын облусуна "Ак-Тилек" деп аталган эксперименталдык конуш курууга белсенип жатат. Тийиштүү буйруктун долбоорун Архитектура, курулуш жана коммуналдык-турак жай агенттиги коомдук талкууга чыгарды.

Жаңы конуш Ак-Талаа районунда пайда болору айтылган. Ал жерге сейсмологиялык жана сел жүрүү кооптуулугунда турган Ак-Чий, Жаңы-Тилек айылдарынын жашоочуларын көчүрүп келүү пландалууда. 1990-жылдын аягынан 2010-жылга чейин бул аймактарда бир нече жолу жер силкинип, сел түшүп кыйроолорго алып келген. Өзгөчө кырдаалдар министрлиги ал жердин тургундарын көчүрүү зарыл деген корутунду чыгарган.

Ак-Тилек конушу 300 турак жайга (1500 адам) ылайыкташкан. Курулуш агенттиги жерлер 2019-жылдын ноябрында эле өкмөттүн токтому менен трансформация болгонун билдирди.

Конушту куруу жана пландаштыруу боюнча жаңы ыкмаларды колдонуу (конструкция, курулуш материалдары, инженердик камсыздоо системасы) чечими кабыл алынгандыктан эксперименталдуу калктуу конуш деген макам берилет.

Ошондой эле планын иштеп чыгууда шаар куруу боюнча дүйнөлүк тажрыйба жана экологияга аяр мамиле жасоо принциби колдонулганы белгиленет. Үйлөрдүн ичи жылуу жана жер титирөөгө туруштук берүү деңгээли жогору болоруна ишендирет.

Долбоордун суммасы жазылган эмес, бирок өкмөт ага бюджеттик каражат коротулбай турганын айтты. БУУнун Европа экономикалык комиссиясынын долбоору аркылуу каражат жана инвестиция тартылары күтүлүүдө. Бул боюнча алдын ала макулдашуу түзүлгөн.

Техникалык документациясы менен өкмөттүн сайтынан кененирээк таанышууга болот.

0
Белгилер:
айыл, тургун, курулуш, Нарын, жаңы конуштар
Тема боюнча
Өрттөнгөн прокуратуранын ордуна эмнеге шаардык кеңештин имараты курулат. Жооп
Өзгөн менен Араванда эки төрөт үйү пайдаланууга берилди