Волгограддагы миграция борбору. Архивдик сүрөт

Россия мекенине кете албай калган мигранттардын шартын жеңилдеткени жатат

796
(жаңыланган 18:16 22.04.2020)
Депутат Россиянын аймагында 1,7 миллион мигрант бар экенин айтып, так ошол адамдар пандемия менен күрөшүүгө жардам берип жатканын белгиледи.

БИШКЕК, 16-апр. — Sputnik. Россиянын аймагындагы мигранттарга патентти узартууда жеңилдик бергени жатабыз. Бул тууралуу Мамдуманын КМШ, Евразия интеграциясы жана байланыш комитетинин жетекчиси Леонид Калашников Sputnik агенттигинин кабарчысына билдирди.

Белгилей кетсек, депутатка коронавирус пандемиясына байланыштуу Россиянын аймагында калып калган мигранттардын шартын жеңилдетүү үчүн кандай аракеттер көрүлүп жатканы боюнча суроо узатылган.

“Азыркы эреже боюнча мигранттар патентти Россиянын аймагында туруп бир эле жолу узарта алат. Экинчисинде өлкөдөн чыгып, кайра кириши керек. Эми бул эрежени өзгөрткөнү жатабыз. Тагыраагы, мигранттар Россиянын аймагынан чыкпай туруп, керек болсо Ички иштер органдарына келбестен эле узарта алышат. Патент боюнча мындай мыйзам эртең, 17-апрелде, кабыл алынат”, - деди Калашников.

Парламентарий Россиянын аймагында 1,7 миллион мигрант бар экенин айтып, так ошол адамдар пандемия менен күрөшүүгө жардам берип жатканын белгиледи.

“Мен бул боюнча Мамдумада дагы айткам, коронавирус менен күрөшүүдө патент менен иштеген медайымдар, дарыгерлер, көчө шыпыргычтар тоодой жүктү көтөрүп жатышат. Так ошол адамдарга оор жумушу үчүн ыраазычылык билдиришибиз керек”, - деди депутат.

Белгилей кетсек, бул демилгенин кыргызстандык мигранттарга тиешеси жок. Себеби ЕАЭБ өлкөлөрүнөн барган жарандардан ишке орношуу үчүн патент талап кылынбайт.

Амнистия 

Буга чейин Россиянын аймагында эмгек мигранттары 90 күн гана жүрө алышчу (ЕАЭБге кирбеген өлкөлөрдүн жарандары). Эми бул эреже дагы жумшарды.

"Бир жарым же эки жума мурун биз бул мөөнөттү 180 күнгө чейин узарттык. Бул эреже Россиянын аймагында үч айдан ашык убакыт жүрүп койгондор үчүн дагы иштейт. Эреже бузгандар Ички иштер органдарына барбай коркуп жатышса керек, бирок чечим боюнча алар жазага тартылбайт”, — деди депутат.

Белгилей кетсек, акыркы маалыматтар боюнча, Россияда 28 миң адам коронавируска кабылып, 2300ү сакайып кетти. Ал эми 232 адам илдеттен көз жумду.

796
Белгилер:
коронавирус, жумуш, патент, Мигрант, Россия
Тема боюнча
Россияда кыргызстандык жаран 206 адамга коронавирус жуктурду деп шектелүүдө
Депутаттар өкмөткө мигранттарды алып келүүгө бир жума убакыт берди
Түштүк Кореянын желеги. Архив

Түштүк Кореядагы мекендештер 10 миң доллардан ашуун акчага жардам жөнөттү

110
(жаңыланган 20:56 25.07.2020)
Мекенге жардам көрсөткөндөрдүн катарында коомдук борборлор, кайрымдуулук фонддор жана студенттер бар.

БИШКЕК, 25-июл. — Sputnik. Түштүк Кореяда иштеп, окуп жаткан мекендештер Кыргызстанга жардам берүү үчүн жалпы жонунан 10 миң доллардан ашуун акча чогултканын Мамлекеттик миграция кызматы кабарлады.

Жардам көрсөткөндөрдүн катарында "Аманат" кайрымдуулук фонду, Кореядагы кыргыз студенттеринин ассоциациясы, "Кырхан", "Азия жаркын келечек", "Биримдик" коомдук борборлору жана студенттердин Kyrgyz Wings тобу бар.

Боронов: жаңы салынчу ооруканаларга меджабдууларды азыртан алыш керек

"Чогулган 9 270 доллардын 5 250сү медицина кызматкерлерине коргоочу каражаттарды алуу үчүн "Биз барбыз" кыймылына берилип, калган 4 020 доллары дары-дармек алууга Москвага жөнөтүлдү. Бул препараттар коронавируска чалдыккандарга акысыз таратылат", — деп айтылат билдирүүдө.

Мындан тышкары, маалыматта июлдун башында Түштүк Кореядагы кыргыз аялдарынын союзу тарабынан Кыргызстандын ооруканаларына үч кычкылтек концентратору, үч пульсоксиметр жана 20 миң сом өлчөмүндө акча берилгени белгиленген. Кыз-келиндердин көрсөткөн жардамынын жалпы суммасы 1 450 долларды түзгөнү айтылды.

110
Белгилер:
мекендештер, дары-дармек, каражат, жардам, Кыргызстан, Түштүк Корея
Тема:
Коронавируска байланыштуу Кыргызстандагы кырдаал
Тема боюнча
Министр Айдарбеков: Кыргызстан эли эпидемия маалында мыкты сапатын көрсөттү
Жээнбеков Бишкектеги жаңы оорукананын курулушун баштап берди. Сүрөт
Төрага Жумабеков Суусамырдагы стационарга барып, акчалай жардам берди. Сүрөт
Стулда отурган бала. Архив

ИИМ: Москвада кыргызстандык кыздарды жазаламакчы болгондор кармалды

257
(жаңыланган 12:24 23.07.2020)
Буга чейин ИИМдин Россиядагы өкүлчүлүгү Москвадагы кыргыз кыздарын жазалоого чакырган видео кайрылуу боюнча иликтей баштаган эле.

БИШКЕК, 23-июл. — Sputnik. Кыргызстандын Ички иштер министрлигинин Россиядагы өкүлчүлүгү Москвада башка улуттагы жигиттер менен мамиле курган кыргызстандык кыздарды жазалоого чакырык таштаган эки адамды тапты. Бул тууралуу ИИМдин маалымат кызматынан билдиришти.

Эске салсак, социалдык тармактарда жаш балдардан турган топ Россияда иштеп жүргөн кыздар башка улуттагы жигиттер менен мамиледе болгонун билер замат аны жазалоого чакырып жаткан видео тараган эле. Кийин өкүлчүлүк бул боюнча иликтөө иштерин баштаган.

"Чакырык таштаган А.А. жана Б.Б. аттуу эки жаран кармалды. Алар күнөөсүн мойнуна алып, кечирим сурашты. Эми бул жарандардын кылган ишине Москва шаардык милициясы тарабынан укуктук баа берилет", — деп айтылат билдирүүдө.

ИИМ: Москвада кыргызстандык кыздарды жазалагысы келгендер изделе баштады

Ошондой эле ИИМдин Россиядагы өкүлчүлүгү мындан ары ушул сыяктуу көрүнүштөрдү болтурбоо максатында кыргыз диаспорасынын өкүлдөрү менен жыйын өткөрдү.

Анын катышуучулары жаш муун арасында түшүндүрүү жана тартипке чакыруу иштери болуп жатканын билдиришти.

Ошондой эле өкүлчүлүк бир нече күн мурда Россиянын Екатеринбург шаарында кыргыз жана тажик жарандарынын ортосундагы пикир келишпестикти талкуулап, мындан аркы улуттар аралык жаңжалдын чыгып кетпеши үчүн эки тараптын диаспора өкүлдөрүн жолуктурду.

Малыматка караганда, Кыргызстандын Россиядагы элчилигинин имаратында чогулган коңшу элдин өкүлдөрү достук маанайда пикир алышып, ынтымакты бекемдөөгө кызыкдар экенин айтышкан.

257
Белгилер:
чакырык, жыйын, диаспора, ИИМ, Москва, Кыргызстан, Россия
Тема боюнча
Депутат бийликти алмаштырууга чакырык жасаганбы. УКМК иликтеп баштады
Ош базарындагы соодагер. Архив

Былтыр КРде кайсы тармакта кызмат көрсөтүүлөр көп болгон. Статистика

0
(жаңыланган 09:06 04.08.2020)
Калк арасында эң кеңири колдонулган кызматтардын сап башына дүң жана чекене соода, автотранспорт оңдоо кирди. Бул тармак бардык кызматтардын 73 пайызын түздү.

БИШКЕК, 4-авг. — Sputnik. Улуттук статистика комитети өткөн жылы Кыргызстанда кайсы кызматтар көп колдонулганы тууралуу маалымат берди.

Ага ылайык, калк арасында эң кеңири колдонулган кызматтардын сап башына дүң жана чекене соода, автотранспорт оңдоо кирди. Бул тармак бардык кызматтардын 73 пайызын түздү. Андан кийинки орунда транспорттук кызматтар жана жүктөрдү сактоо (7,3 пайыз) турат.

Ысыккөлдүк ишкана Кытайга сүт экспорттой баштайт

Колдонулган кызматтардын 4,8 пайызы мейманканаларга жана ресторандардын ишмердигине тиешелүү.

Маалымат жана байланыш тармагына туура төрт пайыз туура келген. Калган тармактардагы кызмат көрсөтүүлөр төрт пайыздан төмөн болгон.

0
Белгилер:
пайыз, кызмат, экономика, Кыргызстан
Тема боюнча
Былтыр банктар элге канча насыяны кандай максатта берген. Сандар
Экономика министри: Кыргызстандын ички дүң продукциясынын көлөмү кыскарды