Киши Россиянын паспорттун кармап турат. Архив

Россиялык паспортту кимдер оңой алышат? Жаңы мыйзамдын урунттуу учурлары

873
(жаңыланган 16:47 29.04.2020)
Мыйзам долбоордун автору жана серепчилер Sputnik агенттигине Кыргызстандын жарандары үчүн аталган мыйзамда карала турган жеңилдиктерге токтолушту.

Россия президенти Владимир Путин россиялык жарандыкты алууну жөнөкөйлөштүргөн федералдык мыйзамга кол койду. Мындан ары РФ паспортун алуу үчүн өздүгүн тастыктоочу улуттук документтен баш тартуу милдеттүү эмес.

Бюрократияга жол берилбейт

Россиялык жогорку окуу жайларын аяктагандар (РФтеги эмгек ишмердигинин мөөнөтү бир жылга чейин кыскартылды), ошондой эле Россия жараны менен никеде турган жана перзенттери бир четөлкөлүк жарандар, балдары РФ жараны болгон ата-энелер үчүн жарандык алуу жол-жобосу жөнөкөйлөштүрүлөт.

Мындан тышкары РФ жарандыгын алуу талаптары жашап туруу укугуна ээ Молдова, Украина, Белоруссия жана Казакстандын жарандары үчүн бир кыйла жеңилдеди. Алар өлкөдөгү жашап туруу мөөнөтүнө карабастан, жарандык алууга арыз тапшыра алат.

Заместитель председателя Комитета Государственной Думы РФ по делам СНГ, евразийской интеграции и связям с соотечественниками Виктор Водолацкий во время пресс-конференции, посвященной IV Международному форуму Религия и мир, в Международном мультимедийном пресс-центре МИА Россия сегодня в Москве.
© Sputnik / Владимир Трефилов
РФ Мамлекеттик Думасынын депутаты, КМШ, евразиялык интеграция жана мекендештер менен болгон байланыш иштери боюнча комитетинин төрагасынын биринчи орун басары Виктор Водолацкий
"Жаңы мыйзамда мурда жарандык же жашап туруу укугун алууга арыз тапшыруудагы бюрократиялык тоскоолдуктардын баары алынат, — дейт Sputnik агенттигине РФ Мамлекеттик Думасынын депутаты, КМШ, евразиялык интеграция жана мекендештер менен болгон байланыш иштери боюнча комитетинин төрагасынын биринчи орун басары Виктор Водолацкий. – Ошондуктан ушул тапта ар бир жаран, биринчи кезекте, биздин мекендеш үчүн эч кандай көйгөй жок".

Эксперттик чөйрөдөгүлөр россиялык жарандыкты алуу талаптарынын жумшартылышы РФ паспорту жалпы тартипте бериле баштайт дегенди туюндурбай тургандыгын белгилешет.

Евразиялык аналитикалык клубдун башчысы Никита Мендкович жарандыкты алууга канча киши кайрылбасын, баары эле ала бербей турганын белгиледи.

Политолог, председатель Евразийского аналитического клуба Никита Мендкович на пресс-конференции организованного МИА Россия сегодня.
© Sputnik / Владимир Трефилов
Евразиялык аналитикалык клубдун башчысы Никита Мендкович
"Мыйзам азыр да тил, маданиятты билүүнү талап кыларын унутпайлы. Кыргызстанда россиялык жарандыкты алууну каалагандар кеңири экени анык. Этникалык белгиси боюнча жарандыкты берүүдө эч кандай бөлүп кароого жол берилбейт. Бул түздөн-түз РФ мыйзамы менен тыюу салынат. Тек гана орус тилин керектүү деңгээлде билип-билбегени боюнча бөлүп каралат. Улутуна жараша бөлүп кароо жок", — деди ал.

КМШ өлкөлөр институтунун ШОС жана евразиялык интеграциялоо бөлүмүнүн жетекчиси Владимир Евсеевдин пикиринде, россиялык мыйзамдарын жумшартууда Кыргызстандын депопуляциясы (калкынын кыскаруу) коркунучу жаралары күмөн.

Мультимедийный круглый стол о ситуации в Ливане и на Ближнем Востоке в свете отставки ливанского премьер-министра Саада Харири
© Sputnik / Александр Натрускин
КМШ өлкөлөр институтунун ШОС жана евразиялык интеграциялоо бөлүмүнүн жетекчиси Владимир Евсеев
"Жаңыртылган "Жарандык жөнүндөгү мыйзамда" эгер адам Россиянын аймагында жашаган учурда гана россиялык паспортту алууга арыз тапшыра алары боюнча жобо бар. Эгер Кыргызстандын тургундарынын басымдуу бөлүгү Россия жарандыгын алгысы келсе, РФ аймагына көчүп келүүгө тийиш. Мындай болушу мүмкүн эмес экенин өзүңөр түшүнөсүңөр. Негизинен кеп Кыргызстандын экономикалык жактан активдүү бөлүгү жөнүндө гана жүрөт. Алар РФ аймагында иштеп туруп деле жарандыкты алышмак", — деди Евсеев.

Россияда эмгек ишмердигин жүргүзүү үчүн Евразиялык экономикалык биримдиктин алкагында түзүлгөн шарттар жетишерлик экенин боолголойт Мендкович.

"ЕАЭБ — бул экономикалык биримдик. Анын регламентинде ишке орноштуруу үчүн жеңилдиктер каралган. ЕАЭБдеги мүчөлүк — бул жарандыкты өзгөртпөстөн, жергиликтүү жумушчуларга каралган негизде иштөө үчүн өлкөгө келүү мүмкүнчүлүгү. Мындай жеңилдиктер кыргызстандыктарга берилет, бирок, маселен, коңшулары, тагыраагы, Өзбекстан жана Тажикстан жарандары алышпайт", — деди Мендкович.

Владимир Евсеевдин көз карашы боюнча, башка мамлекеттин жарандыгынан баш тартуу милдеттүү түрдө эместиги боюнча жобо украиналык паспорт ээлерине багытталган.

"РФ жараны болгусу келгендер украиналык жарандыктан баш тартуу документин алууга тийиш эле. Баарыбызга белгилүү болгон кырдаалда Донбасс аймагынан Киевге келген адамдар бул документти сурап отурарын элестете алар белеңиз?" — деп түшүндүрөт Евсеев.

Эскерте кетсек, ушу тапта Россияда жашап, иштеп жүргөн кыргызстандыктардын саны 709 миң, ал эми бейрасмий маалымат боюнча бир миллиондон ашат.

873
Белгилер:
Владимир Путин, паспорт, иш, Евразиялык экономикалык биримдик, Кыргызстан, Россия, жарандык
Тема боюнча
Кыргызстанда тез арада паспорт алуунун баасы арзандады
Москвадагы мигранттар борборундагы чел өлкөлүк жарандар. Архивдик сүрөт

Россия мигранттар үчүн атайын тиркеме киргизиши мүмкүн. Максаты

290
Тиркемеде мигранттын социалдык-укуктук макамы, биометрикалык маалыматтары, ден соолугу жөнүндө кабар жана кылмыш кылган-кылбаганы камтылмакчы.

БИШКЕК, 29-май — Sputnik. Адистер Россиянын Ички иштер министрлигине чет элдиктердин смартфондоруна мигранттын санариптик профили орнотула турган атайын тиркемени түзүп берүүнү сунуштады. Бул тууралуу РИА Новости жазды.

Агенттикке маалымат берген ишенимдүү адамдын айтымында, министрлик "коронавирустук пандемиядан келип чыккан күтүүсүз жагдайларды" эске алуу менен миграция чөйрөсүндөгү кырдаалга болжолдуу анализ даярдады. Мекеменин эксперттери "оптимисттик" жана "пессимисттик" өнүгүү варианттары менен кыска мөөнөттүү (ушул жылдын аягына чейин) жана орто мөөнөттүү (алдыңкы эки-үч жыл) мезгил деп бөлүүнү сунушташкан. Адистер миграциялык кырдаалдын курчушу мүмкүндүгүнө байланыштуу аны чечүүнүн бир нече жолун айтышкан.

"Азыр мигранттын "социалдык ишеним рейтингин" чагылдырган санарип профилин иштеп чыгуу жана аны түзүү планы бар. Анда мигранттын социалдык-укуктук макамы, биометрикалык маалыматтары, ден соолугу жөнүндө жана кылмыш кылган-кылбаганы камтылат", — деп билдирди маектеш.

Ал кошумчалагандай, мигранттар мобилдик аппаратына орното турган атайын тиркемени иштеп чыгууну сунушташкан. Тиркеме "Мигрант" деп аталары болжолдонуп жатат. Ага чет элдик жумушчунун санарип профили коюлат.

"Россиянын чек арасы ачылгандан кийин бардык мигранттар үчүн тиркемени орнотууну талап кылган эрежени киргизүү сунушталууда. Андан баш тартуу мигранттын социалдык ишеним рейтингин төмөндөтөт", — деди маалымат берген адам.

Ошондой эле эксперттер кылмышка барбаган, бирок мыйзамсыз же жарым-жартылай мыйзамсыз жүргөн мигранттарга расмий укуктук мунапыс жарыялоону сунуш кылышкан. Бул массалык түрдө мамлекеттик каттоону жүргүзүү үчүн керектиги белгиленет.

290
Белгилер:
тиркеме, Чет элдик, Мигрант, Россия
Тема:
Кытайдагы жаңы типтеги коронавирус
Тема боюнча
Россия мигранттарга патент мөөнөтүн автоматтык түрдө узартып берет
Москвада чектөөлөр коронавирустун вакцинасы чыкканга чейин улантылат
Москвадагы көчөнүн биринде бараткан адамдар. Архивдик сүрөт

Россия мигранттарга патент мөөнөтүн автоматтык түрдө узартып берет

225
(жаңыланган 14:40 25.05.2020)
Буга чейин дагы Россия президенти коронавирустан улам түзүлгөн кырдаалга байланыштуу Россияда чет элдиктердин жүрүүсү жана эмгектенүүсү боюнча шарттарды жеңилдеткен документтерге кол койгон.

БИШКЕК, 25-май — Sputnik. Россияда иштеген чет элдик жарандардын 15-марттан кийин жараксыз болуп калчу патенттеринин мөөнөтү 93 күнгө узартылат. Бул тууралуу Россиянын Ички иштер министрлигинин сайтында жазылган.

"Патенттин мөөнөтү 15-марттан 15-июнга чейин бүтүп кала турган болсо, ал автоматтык түрдө 93 күнгө узартылат. Кошумча акы төлөөнүн дагы зарылдыгы жок. Бул аралыкта жумуш берүүчүлөр чет элдик кызматкерлеринен патентке төлөнчү акчаны аванс катары талап кылбашы керек", — деп айтылат билдирүүдө.

Ошондой эле патент алууга жетишпей калган чет элдиктер бул аралыкта ансыз деле эмгектенүүгө укугу бар экени айтылат.

Эске салсак, буга чейин дагы Россия президенти Владимир Путин коронавирустан улам түзүлгөн кырдаалга байланыштуу Россияда чет элдиктердин жүрүүсү жана эмгектенүүсү боюнча шарттарды жеңилдеткен документтерге кол койгон. Аларда чет элдиктердин Россиядагы каттоосу же жумушу боюнча уруксат кагаздарынын мөөнөтү аягына чыгып бара жаткандагы, визалардын мөөнөтү бүткөндөгү жеңилдиктер боюнча каралган.

225
Белгилер:
патент, Мигрант, Россия
Тема:
Кытайдагы жаңы типтеги коронавирус
Тема боюнча
Туңгуюкка түшкөндөймүн... Коронавирус РФтеги мекендештердин турмушун кандай өзгөрттү
Россия мекенине кете албай калган мигранттардын шартын жеңилдеткени жатат
Мышык менен ойноп жаткан бөбөк. Архив

Бөбөгүн жоготкон бала милицияга айтып, алар эки жашар баланы эки саатта тапты

0
(жаңыланган 12:53 31.05.2020)
29-май күнү милиционерлер Ак-Өргө конушун аралап нөөмөттө жүргөндө инисин жоготуп алган бала кайрылган.

БИШКЕК, 31-май — Sputnik. Патрулдук милиция башкармалыгынын инспекторлору Бишкектин Ак-Өргө кичи районунда жоголуп кеткен эки жашар баланы ата-энесине таап берди. Бул тууралуу аталган башкармалыктын маалымат кызматынан билдиришти.

29-май күнү милиционерлер Ак-Өргө конушун аралап нөөмөттө жүргөндө инисин жоготуп алган бала (жашы айтылган эмес) кайрылган. Ал саат 13.30 чамасында эшиктин алдында ойноп турган инисин таппай калганын айткан.

"Эки сааттан кийин бөбөк ошол эле конуштагы Гагарин менен Ашар көчөлөрүнүн кесилишинде табылып, ата-энесинин колуна тапшырылды", — деп айтылат билдирүүдө.

Милициядан билдиришкендей, небересинин табылганына сүйүнгөн чоң эне инспекторлорго ыраазычылыгын айткан.

0
Белгилер:
издөө, бала, милиция, "Ак-Өргө" кичи району, Бишкек
Тема боюнча
Чүйдөн жоголгон өспүрүм кыздар Баткенден табылды