Автобусту дезинфекциялоо. Архивдик сүрөт

Оренбургдун Бузулук районунда турган 448 мекендеш Кыргызстанга келе жатат

203
(жаңыланган 12:50 22.05.2020)
Мекендештер Казакстан жол полициясынын коштоосунда колонна болуп казак-кыргыз мамлекеттик чек арасын көздөй бет алмакчы.

БИШКЕК, 22-май — Sputnik. Россиянын Оренбург облусунун Бузулук районунда турган 448 кыргыз жараны Россия-Казакстан чек арасынан өтүштү, жакында Кыргызстанга келип калышат. Бул тууралуу ТИМдин маалымат кызматы кабарлады.

Билдирмеге ылайык, орус-казак чек арасынан өткөн мекендештерди азыр автобустарга жайгаштыруу иштери жүрүүдө.

"Россиядагы элчилик КРдин Оренбургдагы ардактуу консулдугу, Россиянын жергиликтүү бийлик өкүлдөрү менен кыргыз жарандарын Бузулук районунан Россия-казак чек арасынын "Сагарчын" көзөмөл-өткөрүү пунктуна чейин алып келишти. Учурда КРдин Казакстандагы элчилигинин кызматкерлери мекендештерди кыргыз өкмөтү уюштурган тогуз автобуска жайгаштырып жатат. Алар Казакстан жол полициясынын коштоосунда колонна болуп казак-кыргыз мамлекеттик чек арасын көздөй бет алышат", — деп айтылат маалыматта.

Мекендештерди алып кетүү үчүн Казакстан транзиттик коридор уюштуруп берген. Бул маселе өлкө башчы Сооронбай Жээнбеков менен Казакстан президенти Касым-Жоомарт Токаевдин ортосундагы макулдашуунун жыйынтыгында чечилгени айтылды.

Кыргызстанда коронавирус жалпы 1350 адамга жукту. Анын ичинен 949 бейтап айыкса, 14 киши каза болгон.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

203
Белгилер:
жол, мекендештер, Россия, Казакстан, Кыргызстан
Тема:
Коронавируска байланыштуу Кыргызстандагы кырдаал (1511)
Тема боюнча
Кыргызстанга сырттан канча киши вирус алып келди. Министрликтин жообу
Көбү бейтап. Бүгүн Москвадан 400дөй кыргызстандык учуп келди
Шереметьево аэропортунда учактар. Архив

Июнь-июлда Россиядан Кыргызстанга жума сайын чартердик каттамдар уюштурулат

32
(жаңыланган 14:32 07.06.2020)
Элчилик Россиядагы мекендештердин учурдагы абалын эске алып, Москва шаарынын мэриясы менен Москва — Бишкек, Москва — Ош авиаяыкаттамдарына билеттердин баасын максималдуу түрдө төмөндөтүү боюнча сүйлөшүп жатат.

БИШКЕК, 7-июн. — Sputnik. Ушул жылдын июнь-июль айларында Россиядан Кыргызстанга чартердик каттамдар уюштурулат. Бул тууралуу Кыргызстандын Россиядагы элчилигинин маалымат кызматы билдирди.

Билдирмеге ылайык, азыркы тапта элчилик тарабынан мекендештерди Кыргызстанга жөнөтүү боюнча бардык аракеттер көрүлүп, Россиянын ТИМи, Росавиация, Роспотребнадзор жана авиакомпаниялар менен сүйлөшүүлөр жүргүзүлүүдө.

"Элчилик Россиядагы мекендештердин учурдагы абалын эске алып, Москва шаарынын мэриясы менен Москва — Бишкек, Москва — Ош авиа2каттамдарына билеттердин баасын максималдуу түрдө төмөндөтүү маселесин чечип жатат. Элчиликтин алдындагы штаб кыргызстандыктарды биринчи кезекте мекенге жиберүү, тамак-аш жана убактылуу жашоочу жай (хостелдер) менен камсыздоо иштерин улантып жатат", — деп айтылат маалыматта.

Дипөкүлчүлүк жарандарды мекенге кайтуу боюнча ар кандай ушактарга жана чындыкка дал келбеген маалыматтарга ишенбөөгө чакырды.

Белгилей кетсек, бүгүн Москвадан Бишкекке 393 мекендеш учуп кеткен.

32
Белгилер:
мекендештер, каттам, Россия, Кыргызстан
Тема боюнча
15-июндан тарта тышкы каттамдар жанданат. Кайсы компаниялар учууга макулдук берди
Аэропорттогу жарандар. Архивдик сүрөт

Индиядан бүгүн учуп келген кыргызстандыктар обсервацияга алынды

48
(жаңыланган 10:55 02.06.2020)
Каттам Индия тарабынан уюштурулуп, Кыргызстандагы өз жарандарын алып кетүүнү көздөйт. Чет жактагы мекендештерди Кыргызстанга кайтаруу иш-чаралары улантылууда.

БИШКЕК, 2-июн. — Sputnik. Бүгүн "Манас" эл аралык аэропортуна Air India авиакомпаниясынын Дели — Бишкек — Дели каттамы менен алты кыргызстандык келип конду. Бул тууралуу Республикалык штаб кабарлады.

Маалыматта рейс Кыргызстандагы индиялык жарандарды алып кетүү үчүн Дели тарабынан уюштурулганы айтылат. Сүйлөшүүлөрдүн жүрүшүндө аталган өлкөдөгү алты кыргызстандыкты ала келүү макулдашылган.

"Келгендердин баары обсервацияга алынды. Чет жакта жүргөн мекендештерди кайтаруу аракети мындан ары да улантыла бермекчи", — деп жазылат билдирүүдө.

Эскерте кетсек, 1-июнда Минск шаарынан Европа мамлекеттеринде жүргөн 179 кыргызстандык кайтып келди.

48
Белгилер:
элчилик, каттам, обсервация, Кыргызстан, Индия
Тема боюнча
Новосибирскиден 180 кыргызстандык учуп келди
Бишкекке Европа өлкөлөрүндө жүргөн 179 кыргызстандык кайтты
Медициналык кызматкерлер тез жардам унаасында. Архив

Жолдон төрөтүп, аман алып калган абысыныма ыраазымын. Ак жарык

0
(жаңыланган 15:19 07.06.2020)
Адамдын көңүлү — гүл. Жылт эткен жарык, жакшы көз караш, жагымдуу сөз маанай көтөрүп, ал тургай бир нече күн жүрөктү жылуулук аралап жүрөт.

Sputnik агенттиги окурманга жылуулук чачкан, жакшылык кылууга чакырган макалаларды жарыялап келет. Бул ирет редакцияга келген катка көңүлүңүздөрдү буруп, абысындын жасаган жакшылыгынан улам жарык дүйнөгө аман-эсен, ден соолугу чың наристе келгендиги тууралуу айтылат.

...Саламатсыздарбы, мен да сиздердин "Ак жарык" рубрикаңыздар аркылуу абысынымдын кылган жакшылыгы үчүн ыраазычылык билдирүүнү эп көрүп турам.

Биз шаар сыртындагы жаңы конуштарда жашайбыз. Там салып алганбыз. Үч балабыз бар. Экинчи кайним үйлөнгөндө короого кичирээк там салып өздөрү үйлүү болгуча деп бөлүп койгонбуз. Кайнатамдар айылда жашайт.

Ошентип менден жети жаш кичүү, тарсылдаган тың, ачык-айрым абысындуу болдум. Менин мүнөзүм жоош, кенебей, шашылбай жүрө бермейим бар. Тигүүчү болуп иштегендиктен жумуштан дайыма кеч кайтам. Абысыныма дагы бир ичим жылыганы — мен жумуштан келгиче балдарыма көз салып, тамагын берип курсагын тойгузуп коюп жүрдү. Күн бою жумушта жүргөн энелерге бул аябай эле чоң жардам. Жолдошум да ишине байланыштуу кеч бошогондуктан, балдарды бакчадан алып коюу кайнимдин мойнунда болчу.

Абысыным келгенде үчүнчү балам боюмда болчу. УЗИге барсам "бала туура эмес жатып алыптыр, бирок төрөгүчө түздөнөт" деп айткандан элден угуп көптү төрөгөн эжеге ырым-жырым жасаткам.

Белгиленген күнүмө жетпей эле бир күнү ичим акырындан ооруп баштады. Мен ай толгоо го деп камырабай, акырын басып үй иштерим менен жүрө бердим. Байкасам улам эле кармап, акырындан катуулай берди. Эмнеси болсо дагы деп ооруканага алып барчу оокаттарымды дагы бир сыйра даярдап иреттегенче чай койдум. Абысынымды чакырып, ичим ооруп жатканын айтсам эле чала-була чай ичип "анда даярданыңыз, кебетеңиз башкача болуп турат" деп шаштырып кирди.

Кийинип даярданып баштаганда эле суу кетти, айламды таппай калдым. Абысыным ырас чуркап барып кошунаны айдатып келе коюптур. Өзүмдү колго алып эптеп машинеге отуруп, аны-муну салып жөнөп калдык. Анан эле жолдон такыр болбой калдым. Айдоочунун да шаштысын кетирдик. Келиним да "жеңе, такыр шашпайсыз" деп чыйпылыктап урушуп жатат. Төрөтканага жетпей каларыма көзүм жеткенде абысыныма: "Өлүп калам го, кантип төрөйм? Бала келип калды", - деп кыйналганыма коркконум кошулуп көзүм алайды. Ошондо келинимдин чечкиндүүлүгүнө таң бердим. Өзү жаңы турмушка чыккан жаш келин. Машинаны жолдун чекесине токтоттуруп, айдоочуну чыгарып жиберди да, мени төрөтүүгө киришти. Он беш мүнөткө жетпей алышып жатып бат эле төрөп койдум.

Жаным жай алганы менен ичимен "эми дарыгерлер не дейт, бала жакшы эле төрөлдү бекен?" деп сарсанаа болуп жатып карасам, келиним байкуш менин аркы-беркилеримди жыйнап, бала менен алектенип, бир сүйүнүп, бир чыйпылыктап жатканын көрдүм. Ичим ысып, ыраазы болдум. 

Ошентип айдоочу төрөтканага алып келип токтотуп, абысыным кирип эле медиктерди чакырып чыкты. Ичимен коркуп, тынчсызданып жаттым. Ак халатчандар бизди палатага киргизип, мени жайгаштырып, баланы да карап, журналына жазып абысыныман төрөт тууралуу сурай баштады. Көрсө, бала буту менен келиптир. Медиктер буту менен келген баланы келиним туура төрөтүп алгандыгын, бул оңой эмес экендигин айтканда бир аз жеңилдей түштүм. Алар деле таң калып күлүштү. Байкуш келиним бала каягы менен келерин деле билбептир. Ал өзү таң калып жүрөт. Экөөбүз тең жашып, кучакташып, кыйынчылыктан бирге чыкканыбызга сүйүндүк. Рахматымды айттым.

Мен өзүмдү бир өлүмдөн калгандай сездим. Эне-баланын өмүрүн сактап, киндик энеси болгон абысыныма ыраазымын.

Баса, эки уулдан кийин төрөлгөн кызымдын ысымын атасы экөөбүз кеңешип абысыныма койдурдук.

Азыр абдан ынакпыз. Өзү төрөп көрбөсө да ошондогу чечкиндүүлүгүнө, айдай кызым экөөбүздүн өмүрүбүздү сактаган батылдыгына рахмат!

0
Белгилер:
медик, келин, кыз, бала, төрөткана
Тема:
Ак жарык
Тема боюнча
Бетиме жайылган кан, такси менен жеткирген шаардык аба. Абитуриенттин ак жарыгы